兩單九巴衝上行人路

呢排九巴好興成架剷上行人路，繼較早前秀戊坪13X同尖咀12果兩單之後，又有兩單新鮮熱辣:

http://orientaldaily.on.cc/cnt/news/20110423/00176_043.html?pubdate=20110423

http://orientaldaily.on.cc/cnt/news/20110424/00176_029.html

行人守法過馬路又如何，乖乖地在完全唔應該有車既行人路行緊都可以成架車剷上來，咁到底行邊先安全呢？

是福不是禍，是禍躲不過，行人除左時刻留意路面情況之外根本做唔到咩，
不過而家智能手機普遍，好影分心留意唔到突發事情。

原帖由 on11358 於 2011-4-25 02:14 發表
是福不是禍，是禍躲不過，行人除左時刻留意路面情況之外根本做唔到咩，
不過而家智能手機普遍，好影分心留意唔到突發事情。

100分

所以我個人認為，就算一個人非常守規矩，跟足燈號過路，唔亂過馬路又如何，綠公仔過馬路一樣會畀衡燈車撞死，而小弟亦在元朗親眼見倒有個人在路邊乖乖等轉綠公仔時被架失控剷上行人路既私家車撞低，反而一大堆唔守規矩衝紅公仔過路既人就一早早晒咩事都冇，真係天意！

所以我一直認為做行人要靠自己，時刻留意四周環境，點守規矩都係冇用，好似上面青衣單野咁，若行人以為有欄杆保護自身安全就大錯特錯了，成架巴士剷低埋欄杆壓向自己，最安全既地方變得最危險，所以行人唯有「執生」，既唔好亂過馬路，但亦都唔駛死守規矩，因為你守唔代表人地守，你小心唔代表人地小心。

當日/晚已經有板友po
廣東道一單
http://www.hkitalk.net/HKiTalk2/viewthread.php?tid=609204 (B3)
青衣一單
http://www.hkitalk.net/HKiTalk2/viewthread.php?tid=608837 (B3)


廣東道0個單就未有咩驚險
反而青衣0個單好明顯係車長駕駛不當造成 要避就靠自己對腳(快步走)

[ 本帖最後由 JN6854 於 2011-4-25 11:41 編輯 ]

如果有途人因此受傷
巴士公司究竟要點賠先合理？

原帖由 ASV50 於 2011-4-25 12:18 發表
如果有途人因此受傷
巴士公司究竟要點賠先合理？

傷者或死者家屬可循民事入稟九巴及肇事司機索償

早幾日(廿一號)就有報導將軍澳車禍傷者入稟向九巴同司機索償
http://news.sina.com.hk/news/3/1/1/2081068/1.html

原帖由 ASV50 於 2011-4-25 12:18 PM 發表
如果有途人因此受傷
巴士公司究竟要點賠先合理？

咪同其他車一樣﹐只不過九巴只是交由自己的保險部處理﹐其他車會交由保險公司處理。

保險公司會按傷者受傷程度﹐年紀﹐是否永遠傷殘﹐有無後遺症去作出評估﹐保險界其實是有一份清單﹐點傷法便幾多錢﹐基本都係照單執藥。

如死亡的便直接按年紀﹐死者收入去決定賠償金額。

當定了賠償額後﹐便會同受益人講出金額﹐同意便簽文件作實﹐再安排支付。受益人唔同意的﹐雙方便會開會討論﹐如沒有定案﹐便交由法庭處理。
而法庭基本上計法都是同保險公司相約﹐而律師都知道條計算公式﹐所以除非有很大的爭議﹐否則都好少要交法庭處理。

原帖由 4056 於 2011-4-25 11:19 發表

100分

所以我個人認為，就算一個人非常守規矩，跟足燈號過路，唔亂過馬路又如何，綠公仔過馬路一樣會畀衡燈車撞死，而小弟亦在元朗親眼見倒有個人在路邊乖乖等轉綠公仔時被架失控剷上行人路既私家車撞低，反而一大堆唔守規矩衝紅公仔過路既人就一早早晒咩事都冇，真係天意！

所以我一直認為做行人要靠自己，時刻留意四周環境，點守規矩都係冇用，好似上面青衣單野咁，若行人以為有欄杆保護自身安全就大錯特錯了，成架巴士剷低埋欄杆壓向自己，最安全既地方變得最危險，所以行人唯有「執生」，既唔好亂過馬路，但亦都唔駛死守規矩，因為你守唔代表人地守，你小心唔代表人地小心。

最後呢句真係好認同 ...
不過諗深一層, 行行下路都可以比車撞
咁路面o既車輛, 又何嘗唔係有機會渣渣下車突然有人衝出離或者亂過馬路
渣輕鐵又有機會有人或者小動物衝出離
講遠小小, 行行下街都有機會比人淋鏹水

其實就係無論做咩果陣都要時刻警覺
係大家都知道o既事實
同九巴興唔興鏟上行人路冇咩關係o既 ..

原帖由 ben2004 於 2011-4-25 20:25 發表


最後呢句真係好認同 ...
不過諗深一層, 行行下路都可以比車撞
咁路面o既車輛, 又何嘗唔係有機會渣渣下車突然有人衝出離或者亂過馬路
渣輕鐵又有機會有人或者小動物衝出離
講遠小小, 行行下街都有機會比 ...

係，所以最後都係唯有講一句....執生！呢個係求存之道，只不過近排既意外令我越來越認同「越安全既地方就越危險」。

如果主角係的士、小巴、客貨車、私家車等等既小型車，可能會冇咩感覺。但如果主角係巴士，我會覺得不可思義，因為巴士一向都公認係公交界最安全既車輛，司機入職前要接受專業訓練，巴士公司又有紀律制度，所以兩日連續兩單剷上行人路令人覺得太過誇張。

唔係話針對巴士司機，但巴士司機肩負住數百人既生命，應該要比其他車小心駕駛先係。

多言了。

昨晚仲有一單太子道西左轉大南街撞倒行人路頂的髮廊招牌, 不過好似無報紙報導