九巴ATSE1模型消息

對比真車相, 暫時見到有以下問題:
- 車頭上下層擋風玻璃連電牌用一件膠件過, 因真車係有唔同的弧度, 而一件過膠件係較難表達出來, 所以直接影響了車頭像真度, 而cmnl出的e400就分開配置, 令到部車更像真;
- 前門與A柱間車窗變了三角形, 真車車窗係上下都係平線, 而cmnl的e400有造都以上造型;
- 上層車頭角位位置"過圓", 真車係比較方正;
- 上層車頭擋風玻璃頂部過圓, 真車係少少拱起;
- 車身裙腳色高度有問題, 真車係比較高d, 此裙腳色係比較重要, 希望係pp先係咁, 因為會與車尾出來的線條有直接的影響;
- 車尾旁板外型有問題, 真車係尾輪之後的一段係平腳, 而引擎室外的一段先斜上, 但pp係一開始就斜上, 令人擔心車尾的線條, 亦希望pp先係咁;
- 下車門離地過高(車門大矮?), 車門對下位置有點厚(仲係低地台巴士?);- 司機控制台外形有點圓, 此位置係港版同英版e400係分別上的一個亮點, 個人認為都幾重要;

個人來講暫時對此模係有所保留, 希望以上問題係正式量產時會有改善呢...

原帖由 dippy 於 2011-5-13 14:54 發表
睇埋車尾相, 講真, 今次部E400個人覺得都已經合格, 只希望QC唔好太離譜

倒想知邊度有車尾相睇

我想問幾時出atse1??
另外我想問邊到有相睇..

從九巴官方模型相去睇...真係好重 "玩具" 既感覺......
小弟之見, CMNL 既 E400 現階段暫時外觀上比起 CARS 既 E400 好一點.......
當然 CMNL 既 "錯高度" 問題, 都係 CMNL 既重大問題o黎!!!

希望模型廠商聽到大家意見, 真係會作出改善吧....


離題一講, 某論壇某D 人話金屬車一有 PP 就比人怒插, 咁唔通唔出聲, 等到佢量產哂去賣先去插???
模型都完成哂推出售賣唔會有得更改, 到果陣先插o黎仲有咩意義.......
所謂既 "插" , 目的都係想有改善, 令到大部份既購買者, 都能夠買到佢地想擁既有模型姐......

佢地講既野, 比小弟既感覺真係好 "護主" .......

[ 本帖最後由 我不好愛 於 2011-5-14 12:14 編輯 ]

原帖由 HL1097 於 2011-5-14 08:08 發表
我想問幾時出atse1??
另外我想問邊到有相睇..

你第1個問題係冇人ans.到你,第二條問題可以在hkbf睇到

原帖由 我不好愛 於 2011-5-14 12:08 發表
從九巴官方模型相去睇...真係好重 "玩具" 既感覺......
小弟之見, CMNL 既 E400 現階段暫時外觀上比起 CARS 既 E400 好一點.......
當然 CMNL 既 "錯高度" 問題, 都係 CMNL 既重大問題o黎!!!

希望模型廠商聽到 ...

我就係個位版友，我想問有咩問題？

出張PP相比大家睇，架車又唔係FINAL，大家係咪知架車一定唔改先？

護主？更加好笑，家中巴士模型只淨我至愛既3N，幾部熱狗+Best Choose中巴，佢出成點都唔關我事，我連錢都唔比佢賺，護主....hahaha

[ 本帖最後由 GR614 於 2011-5-14 19:04 編輯 ]

原帖由 我不好愛 於 2011-5-14 12:08 發表
離題一講, 某論壇某D 人話金屬車一有 PP 就比人怒插, 咁唔通唔出聲, 等到佢量產哂去賣先去插???
模型都完成哂推出售賣唔會有得更改, 到果陣先插o黎仲有咩意義.......
所謂既 "插" , 目的都係想有改善, 令到大部份既購買者, 都能夠買到佢地想擁既有模型姐......

佢地講既野, 比小弟既感覺真係好 "護主" .......

某論壇既事, 你唔直接係果度回文,
搬過來講有何用意?
唔通你唔認同佢講既野, 我又應該當你係"反x"?

[ 本帖最後由 HOMAN 於 2011-5-14 19:07 編輯 ]

小弟真係唔知某位人士, 原來就係另一個論壇發表偉論既人士...
同埋 "GR614" 和 "HOMAN" 兄, 你地對我既回覆有D "九唔搭八" 咁...
我講緊點解 PP 既產品 (樣辦) 比人插都唔得, 一位就話自己買了咩巴模又話唔買 ATSE1, 另一位仲搞笑, 話我係其他地方唔可以討論......
而家我睇到既情況係, 部份巴士模型有樣辦既圖片比大家觀看, 也有例子係直到量產完成品推出售賣, 仍然沒有改變...
又或者以另一個睇法去講, 模型真係制作得好, 又何必咁 "收收埋埋" 呢.......

總知小弟認為任何一間公司推出巴士模型, 見到佢有咩野問題就會指出來, 希望公司會了解到部份購買者既要求...
咁去做, 都係想有 "改變" 姐.......
見到有問題都唔出聲既, 難度真係好的態度嗎??
我相信真係有 "模型收藏者既態度" 去觀看巴士模型, 甚至其他種類的模型的收藏家, 都會有意見想向製造商發表吧...!!!

講番部 ATSE1 啦, 真係離哂題啦.......

小弟語氣上可能過重, 如令各位有不快感覺, 請見諒......

[ 本帖最後由 我不好愛 於 2011-5-15 12:28 編輯 ]

邊到隔離板?
我搵極都搵唔到= =
可唔可以比條link來