九巴:不排除再加價

原帖由 cong 於 2011-5-21 11:39 發表


咁岩紅碼天星船摺埋, 8P 由轉單層變繁時開大車,真係吹脹  

其實係8A轉兩單層作為報復...

2+8P有議員反對ga，話d人去尖沙咀貴左<<得呢個理據

貴左又點，2+8P覆蓋比現有8P多
又唔想下8P呢條特快線本身係咪收平左....

九巴成件事好處就慳兩架車、去尖咀加少少價...
班議員都應該考慮多少少，另外唔好衍生埋咩8P+12呢類"無助改善路線營運"既建議仲好

原帖由 FBI2 於 2011-5-21 08:19 AM 發表
又用多一個例子，就係４３Ｂ。呢條線我從來冇要求全冷，因為我覺得短途線冇需要，而今年我相熟議員也反對４３Ｂ全冷。不過，最近我搭４３Ｂ，搭中
熱狗，見到Ｄ公公婆婆係咁用粗口鬧九巴點解仲派熱狗去４３Ｂ。因此，議員往往用老人家作為藉口，似乎有點問題，真正要求有熱狗既，反而係一班俾
得起錢但狐寒既中產。

有版友夠話老人家難上小巴所以要保留巴士線啦
我不否認低地台巴士比小巴容易上車
但此問題存在並不是近年的事
小巴點解多年來唔改善?點解唔模仿?
50聯合醫院 > 觀塘(裕民坊)為例
上落點集中在頭、尾站 老人家又特別多
古老的，營辦商大可用腳踏輔助乘客上車
現代的，可考慮引入巴士的懸掛系統，當司機拉下手掣將小巴停定時，系統便會自動利用兩邊的氣墊充氣或洩氣，較低d地台

模仿成本低又唔做的原因就係小巴司機、醫院管理層、乘客都唔覺得太重要

原帖由 Eddie 於 2011-5-21 11:40 發表
九巴不妨講明邊幾條最蝕錢o既路線
點名指出邊個區議員阻撓重組

幾乎個個區議員都有份
因為佢地聽到自己果區cut車
就反對

原帖由 Eddie 於 2011-5-21 11:40 發表
九巴不妨講明邊幾條最蝕錢o既路線
點名指出邊個區議員阻撓重組

玩到咁盡, 第時區議會搞活動仲邊會搵Roadshow做宣傳?

原帖由 GM 於 2011-5-21 13:07 發表
有版友夠話老人家難上小巴所以要保留巴士線啦
我不否認低地台巴士比小巴容易上車

係囉，地鐵要於站加電梯，新專利巴士要低地台，點解小巴唔可以低地台？

原帖由 komodo 於 2011-5-21 15:56 發表

係囉，地鐵要於站加電梯，新專利巴士要低地台，點解小巴唔可以低地台？

到時D司機﹐營運商又話氣擔呀﹐自動波箱呀﹐自動門呢D保養貴
撞正輪椅客要落板又麻煩又呢又路

呢D野﹐進智﹐CFM呢D大公司或者無所謂姐
D細公司﹐個體戶仲唔嘈到拆天﹖

但係小巴商的社會責任現時接近零
負擔少少社會責任都好應該

條線唔好賺就「有線無車」
拍拍屁股就走人做其他賺$線
差唔多必賺
負擔少少社會責任回饋社會都好應該
當然 規模大的小巴營運商更應該做先行者
之後分享技術 經驗 幫助業界個體戶

唔駛搞到有少客巴士線雖然有3條小巴線做替代都要繼續做

[ 本帖最後由 GM 於 2011-5-21 20:52 編輯 ]

九巴:
成日糟話個世界唔啱, 話油價升, 話人工加, 話鐵路開, 話區會反對重組...
你樣樣都咁唔滿意, 不如交返個牌出黎唔好做啦!
成日話加價加價...冇d新意!
如果真係加得成你估仲有人搭? 有替代既就自然會改搭其他, 冇替代既遲早搭窮, 到時都唔會再有能力搭, 我唔認為過度既加價就能夠控制成本甚至增加利潤。
點解唔可以好似新城咁逆境求存?
如果九巴識諗既, 今時今日既798就會屬於九巴, 新巴仲揸住條796B唔知點算。
九巴, 你反省下啦!