社民連，你良心過意得去嗎？

個班社民連d行為都太誇張和過份了吧,雖然這次的加價會令市民的負擔加重了,但是社民連都不用這樣做吧,貼紙貼到周圍都係,搞到d清潔工人要辛苦一整天,社民連這次做的事令我十分生氣,這次的事情,社民連做得出這些那麼過份的事,如果有d更嚴重的事,我相信社民連什麼事都做得出,至於大部份人認為港鐵漠視市民,可是我不會這樣想,因為我認為加價的背後一定有它的原因,既然今次加價的幅度已下降,我希望大家的怨氣可減少,亦希望大家可從另一個角度去想想,我不希望香港是一個充滿暴力和怨恨的社會,如果有什麼你認為不滿意的地方,應該以正確的方向渲洩不滿,不應該像這次一樣,連累一班清潔工人,所以我希望社民連在這次事件之後,反省下自己剛才做過的事對與否

一個好想問的問題﹐這班貼紙佬用了幾多紙?  用了幾多地球資源?


這樣濫用紙張﹐幾時到環保團體出聲去評論這個不環保的行為?

原帖由 billyf076 於 2011-5-22 11:33 發表
如果有什麼你認為不滿意的地方,應該以正確的方向渲洩不滿,不應該像這次一樣,連累一班清潔工人,所以我希望社民連在這次事件之後,反省下自己剛才做過的事對與否

如果用正常途徑, 如意見箱, 熱線 是能夠有效表達意見, 相信他們會這樣做
現在社民連貼貼紙雖然違法, 但未至於嚴重阻礙市民出入閘

原帖由 timewater 於 2011-5-22 12:04 發表


如果用正常途徑, 如意見箱, 熱線 是能夠有效表達意見, 相信他們會這樣做
現在社民連貼貼紙雖然違法, 但未至於嚴重阻礙市民出入閘

我無講過會嚴重阻礙，我係話有少少阻礙市民出入閘已經不能接受呢個行動

原帖由 kei_hk 於 2011-5-22 11:37 發表
一個好想問的問題﹐這班貼紙佬用了幾多紙?  用了幾多地球資源?


這樣濫用紙張﹐幾時到環保團體出聲去評論這個不環保的行為?

我相信就算計埋之前，佢地貼既貼紙所消耗既紙量連一本招股書都不如
無需要用呢點去做文章

原帖由 EH2674 於 2011-5-22 12:14 發表


我無講過會嚴重阻礙，我係話有少少阻礙市民出入閘已經不能接受呢個行動

除左哩埋响屋企對住塊鏡鬧之外，有咩抗議手法係唔會阻到任何人？

原帖由 billyf076 於 2011-5-22 11:33 發表
,因為我認為加價的背後一定有它的原因,

即係呢，大家都知阿媽都係女人
加價不外乎果啲所謂原因︰成本增加、利潤減少、對股東公平
唔通佢地會屁股痕得閒走去加價被人插咩？
要加價實搵到原因架

都係果句，貼貼紙都話激進要被人請問良心過唔過意得去
咁當年反對天星小輪加果半倍而做成暴動
又唔知叫啲乜呢？

原帖由 gn3509 於 2011-5-22 12:14 發表
我相信就算計埋之前，佢地貼既貼紙所消耗既紙量連一本招股書都不如
無需要用呢點去做文章

部份論者為咗要反駁
係要夾硬搵到嘅位入，呢樣嘢無辦法

係架啦，香港人係要做順民，商業公司擺明騎劫香港人荷包係咁加價都唔好出聲
一陣遲啲連上街拉塊橫額、差佬為佢地安全而封左半條馬路都隨時被問「良心過意得去嗎」咁架啦
又或者團體街頭擺檔搞簽名反對活動都會被話激進

政黨的自利行為正正反映了他只為了政黨的權益而著想
而根本不是以任何市民的利益而著眼
這不單是此政黨，而是任何一個利益團體也是這樣

行動是否激進是另一回事
如果他們是有為一班低下清潔工著想
唔該貼完之後，示威過後自己清潔返
真係唔明點解有人仍為這些行為辯護
可想而知
你地真係未曾清潔過呢d垃圾而低素質的貼紙

原帖由 billyf076 於 2011-5-22 11:33 發表
個班社民連d行為都太誇張和過份了吧,雖然這次的加價會令市民的負擔加重了,但是社民連都不用這樣做吧,貼紙貼到周圍都係,搞到d清潔工人要辛苦一整天,社民連這次做的事令我十分生氣,這次的事情,社民連做得出這些那麼過 ...

如果貼下貼紙就叫暴力仇恨,咁日日咁多人貼街招,係咪即係代表香港人日日玩緊GTA?