傳聞九巴出現高層大地震

李日新係時候出山啦!

[ 本帖最後由 stagecoach 於 2011-5-26 23:24 編輯 ]

原帖由 DIH 於 2011-5-26 22:22 發表
公營巴士？
營運者做又三十六，唔做又三十六，而家九巴都至少肯在賺錢線落本，
我驚公營化可能74X同74A會係同一個服務水平。
呀係喎，政府同時係港鐵最大股東，下刪三千字。

有人仲話要學澳門咁，由政府批出服務合約俾巴士公司，政府出錢租車，收入全歸政府。

巴士公司競投時一定滿腹大計，結果咪好似澳門咁，投到合約後錢就袋袋平安，要買新車？咪去大陸買批平價車俾你坐囉，你要五洲龍定核突宇通小巴？

車資收入同巴士公司無關，我係巴士公司都會想盡辦法趕客，你地個個坐港鐵，我開少架車又慳番成本，名符其實車越收得多越賺錢。

原帖由 bustop 於 2011-5-26 23:19 發表
到時投訴巴士服務, 請致電1823.
調查巴士投訴, 就會表演「三角傳球」.
運輸署交波俾路政署, 路政署交波俾水務署, 水務署又交返去運輸署...

推完一輪，先發現係個司機鋤假，叫你搵勞工處睇睇個司機係咪呃病假。

勞工處就話，佢地無權發病假，有問題應該搵衛生署或者醫管局。

去到衛生署，研究一輪之後回覆鋤假涉及虛假聲明或偽造文書，仲問你報咗警未呀？

原帖由 DIH 於 2011-5-26 10:22 PM 發表
公營巴士？
營運者做又三十六，唔做又三十六，而家九巴都至少肯在賺錢線落本，
我驚公營化可能74X同74A會係同一個服務水平。
呀係喎，政府同時係港鐵最大股東，下刪三千字。

一間九巴，閒閒地講緊香港一半以上人口，
又係1933年專利 ...

慘在九巴依家的服務同公營化分別不太大
73客唔算少
今日1:45搭番粉南
上層3座位坐2人 2座位坐一人由車頭到車尾
都唔算少人
但係等35分先有一架車(送73a車尾)
比起一D超頹線仲疏

277X仲經典
D車成日由非繁調去繁時
結果早上非繁連欣盛苑都飛
隔離條273D過左8點就載空氣
D靈活性真係


對「九巴都至少肯在賺錢線落本」有保留

轉載自香討:
[有關巴士路線277X號事宜]

跟進我們於二零一一年三月三日就上述事項給你發出的電郵，本組再收到運輸署的回
覆，現謹轉述如下。

運輸署回覆表示，經翻查第277X號綫行車紀錄，一月二十四日傍晚因受粉嶺中心交通
阻塞影響，令第277X號綫巴士未能依時返抵平田總站，站長須因應當時情況重新調動
班次。站長分別安排遲到的巴士上落客後即時開出，或過時嚴重的班次往中途站起
載，以疏導中途候車的乘客 。而於一月二十八日因九巴車務調配關係，站長將原編定
聯和墟開上午8時18分、8時24分、8時30分及8時38分的班次，調整於8時18分、8時26
分及8時38分開出。在二月二日，由於九巴有車長缺勤，以致少了一班車，當值站長因
而需調節班次，令班次可以平均開出，經調整後班次為上午8時31分、8時44分
(JF6587)及8時57分。在二月十四日，因九巴車務調配關係，站長將原編定聯和墟開上
午8時18分、8時24分、8時30分及8時38分的班次，調整於8時20分、8時28分及8時36分
(GB2607)開出。另外，於二月十七日，因九巴車務調配關係，站長將原編定聯和墟開
上午8時18分、8時24分、8時30分及8時38分的班次，調整於8時18分、8時26分及8時36
分(GX7205)開出。九巴就有關上述情況引致你的不便表示歉意，並表示已指導外勤人
員密切留意該線的服務情況，並在有需要時作出適當的班次調動，以疏導中途站候車
的乘客。運輸署表示該署會繼續密切監察第277X綫的服務，包括安排調查，倘發現有
不妥善之處將敦促九巴改善。

謝謝你向我們提出此事。

交通投訴組總行政主任
(陸漢森 代行)

273A又愈改愈少客
根本就行政主導，脫離市場經濟

仲有d小貓幾隻的線又保留，
資源又不能有效分配

[ 本帖最後由 GM 於 2011-5-26 23:54 編輯 ]

原帖由 stagecoach 於 26/5/2011 23:23 發表
李日新係時候出山啦!

時勢造英雄，而家巴士嘅時代已經過去。況且佢都老啦...

原帖由 238X 於 2011-5-26 23:45 發表


時勢造英雄，而家巴士嘅時代已經過去。況且佢都老啦...

如果巴士時代已經過去,而家就唔會有咁多人仲搭緊巴士番工番學啦.....
係九巴既服務出左問題,先至令到D人誤以為巴士好慢,好晒時間,無論咩路線都一定慢過鐵路.....

原帖由 hokwanlam 於 27/5/2011 00:56 發表

如果巴士時代已經過去,而家就唔會有咁多人仲搭緊巴士番工番學啦.....
係九巴既服務出左問題,先至令到D人誤以為巴士好慢,好晒時間,無論咩路線都一定慢過鐵路..... ...

九巴係衰，但乜都賴哂九巴，似乎又唔係好符合事實。
而家多咗好多地方有其他交通選擇，
巴士唔再好似以前咁風光，亦都好難再有特別發圍之處。

呢個問題並唔係九龍專利。例如我上一份工返鰂魚涌，
有同事住金鐘，一樣日日地鐵返工。
我有時諗：問心，2 號仔同 722 都唔係好慢啫...

可能你見到水係半滿、仲有得做，但對九巴嚟講，
當唔係全滿或者要加多杯，就已經可以好大劑。
佢假假地都係上市公司！

所以，除咗港鐵之外，好多時搶贏九巴嘅，
都係啲近乎個體戶嘅小巴、村巴。
因為魚仔細，大嘢睇唔上眼，咪俾啲細嘅做囉。

我最激氣嘅，係政府點解唔俾機會 D 細營辦商
向上發展，一步步接管個市場。如果怕大家坐唔同公司
嘅車要俾多一大嚿錢，都可以靠某種方式嘅整合解決。

另外，耐唔耐都見有人話對面新城一樣搞到好有問題、
送客比小巴，我自己就覺得某程度上都係呢個因素。


【以下係皇帝發噏瘋時間】
我自己覺得，條西鐵綫未必維到自己皮，但對九巴打擊遠遠大過大西北。
譬如 238P，點睇都唔覺得佢定位錯、服務差。
但呢幾年西鐵出到尖沙咀 / 楊屋道又有 930A 之後，
個人觀察 238P 已經唔似 05/06 年咁會班班爆。
呢個 case，九巴做到啲乜呢？

諗到最雞蛋裏挑骨頭，可能都係「點解佢唔開 930A」而已，
但查實我走去講 930A，都係想當然地以為嗰邊啲過海客
以前係搭 238P 出九龍轉車而已。

[ 本帖最後由 238X 於 2011-5-27 01:22 編輯 ]

原帖由 238X 於 2011-5-27 01:18 發表


我最激氣嘅，係政府點解唔俾機會 D 細營辦商
向上發展，一步步接管個市場。如果怕大家坐唔同公司
嘅車要俾多一大嚿錢，都可以靠某種方式嘅整合解決。

另外，耐唔耐都見有人話對面新城一樣搞到好有問題、
送客比小巴，我自己就覺得某程度上都係呢個因素。

點解? 因為佢唔想你有競爭,唔想 d 人搭巴士阻住d 高官/有錢人出入
宜家一間九巴獨大咪幾好, 聽教聽話, 話cut 車就cut 車
話cut 線就cut 線

盈利唔好，就應該搵方法搵食。
交通市場上係多，亦都好激烈(尤其九鐵「被合併」後)。
但唔代表等死。
要增加Revenue同Profit，
一係就做好D，一係就close左個business(Dcapital去other business)，一係就真係慳。
何生最失敗係佢只懂慳。
聽聞收車慳既多過開足車既Profit，但佢漏左goodwill亦都慳埋~

其實九巴係咪冇得打?
我覺得唔係。
我由出世一刻到今日，我都係香港島既人。
相比九龍新界，香港島其實個經營環境比九龍惡劣。
人口少(得120萬)，地方細，交通network擴展有限(我指烏上交通，唔計海底隧道線)。

而港島線又的確貫穿大部份港島北岸，對巴士係好大威脅。
港島北岸的確地面係慢，塞兩個燈位可能地鐵已經下個站。
新城索性重組過北岸路線，犧牲流水客而專心做特快客。
甚至大執D線(e.g.789東行/ 8)

我唔知特快線搵到幾多錢，但新城D線，搵$$大多上同個班次都有正面關係。
新城既做法，好多時係唔同港島線正面鬥，唔會好似九龍公司咁大包圍。
贏時間贏平(因為港島線貴)贏有位坐。
即使頹線都出時間表，呢D係誠意嘛。

雖然巴士的確生存空間細，但應該去想方法加強競爭力。
九巴在”land resources”上面多，人口多，好多地方鐵路唔到。
理論上可以好過新城......

[ 本帖最後由 KV1902 於 2011-5-27 04:09 編輯 ]

九巴面對既議會生態同新城好唔同，
港島無論東南西北向既本土線，好多都穿過灣仔區，
灣仔區係一個一向對巴士服務都無太多意見既區，所以一頭一尾區會首肯，
幾乎都唔會甩拖。

但係九巴唔同，九巴對住個個區都好麻煩，
加上多數線都經過幾個區議會地頭，令好多方案都好難通過，
其實你只要睇新巴o係將軍澳落得咩下場，就明有好多野唔係九巴唔做，但真係郁唔到。
將南班議員都出晒名麻煩，新城o係呢區角力既時間一樣比o係港島本土長好多，
你睇城巴改一條機場線，唔縮服務範圍都要用 8 年時間，何況九巴仲想借重組減車？

新城其實改特快最終都無放棄流水客，
尤其係東區，佢只係將 8 既流水客分左比 2 同 82，長途客就打散晒去東廊線。
但九龍唔同，九龍半島唔係狹長地形，快速公路落點又唔好，
想搞特快線都唔容易。
至於鐵路唔到既地方…無得好講，
九巴根本係寧願拎o的資源去做鐵路接駁同打鐵路既線，
鐵路唔到既地方，只係用黎屈你無得唔搭佢班客既錢。