六四事件廿二週年, 中國政府企圖以錢擺平家屬

原帖由 AVW56 於 2011-6-3 10:18 發表
樓主話, 任職教育界的人士應該向年青人分享事實真相.

請問, 邊位任職教育界的人士真正知道六四真相?

而家的所謂"指控", 根本全是單方面指控.

只係一班天安門母親, 同埋所謂民運人士的單方面意見, 無證無據. ...

如果件事真係並非天安門母親或民運人仕所言,請問官方有無提供
另一個版本,令大家去思考,而家官方只係不斷逃避同打壓,而無正面
回應,交代清楚

我唔知六四本身有幾多支節,幾多所謂真相,我只知89年6月3日晚至
4日凌晨睇電視直播,睇報章報導,的確有一班人死亡,有一班人至今
仍然無法回國,有d字仍然係敏感key word,如果真係無發生過,點解
私下話要賠錢了結?

[ 本帖最後由 orange 於 2011-6-3 12:40 編輯 ]

原帖由 orange 於 2011-6-3 11:13 發表
如果件事真係並非天安門母親或民運人仕所言,請問官方有無提供
另一個版本,令大家去思考,而家官方只係不斷逃避同打壓,而無正面
回應,交代清楚

我唔知六四本身有幾多支節,幾多所謂真相,我只知89年6月3日晚至
4日凌晨睇電視直播,睇報章報導,的確有一班人死亡,有一班人被不合法
地殺害,有一班人至今仍然無法回國,有d字仍然係敏感key word,如果
真係無發生過,點解私下話要賠錢了結?

事先聲明, 我自己本身無預設立場, 我係中立的.
我唔會幫民運人士, 我亦唔會幫中國官方, 因為,
兩邊而家都未能提出確實證據令我相信其說法.

現時有關六四的指控, 基本上全部出自天安門母親及民運人士,
而你亦講得岩, 中國官方至今無仍提供另一個版本, 就事件作正面回應.

呢個就係我想講GE問題.
民運人士多年來一直宣揚, 六四期間, 中國官方做左某D事打壓學生,
而中國官方多年來都係選擇了暫時沉默這個態度.
但是, 民連人士多年黎就捉住呢個點去推測,
話中國官方唔反駁即係默認, 唔反駁即係唔敢面對之類的說法.

都係個句, 民運人士究竟有冇證據?
民運人士有冇搵到任何一個軍人出黎作證, 話自己當年親手殺死過學生?
仲有, 即使有學生係當晚被殺害, 咁究竟係被邊個殺死? 係中國軍方? 定係另有其人?
呢D問題, 至今仍然未能解答, 一日未能解答清楚呢D問題,
根本就無足夠的客觀證據, 去批評中國官方.

近年教育界推行通識教育, 鼓勵學生多角度思考,
而多角度思考, 需要有多方面證供附助.
而家的情況, 只有單方面指控, 係證據不足的情況下,
多角度思考根本不能進行, 而家呢個係單一角度思考.

如果老師係咁GE情況底下向學生說出所謂"六四真相"
咁呢位老師似乎唔合適繼續執教, 因為佢地連荃本的明辨是非黑白都做唔到.


至於最近某報報導的"賠錢了事"方案,
問題出自同一概念, 就係證供係由天安門母親單方面提供的,
證據仍然是唔客觀, 同上述情況一樣.

[ 本帖最後由 AVW56 於 2011-6-3 12:07 編輯 ]

原帖由 AVW56 於 2011-6-3 12:02 發表

都係個句, 民運人士究竟有冇證據?
民運人士有冇搵到任何一個軍人出黎作證, 話自己當年親手殺死過學生?
仲有, 即使有學生係當晚被殺害, 咁究竟係被邊個殺死? 係中國軍方? 定係另有其人?
呢D問題, 至今仍然未能解答, 一日未能解答清楚呢D問題,
根本就無足夠的客觀證據, 去批評中國官方. ...

你有冇睇過天安門既俾坦克碌過,慘成肉醬的人?
你又有冇睇過被槍殺既民衆既相?

你話有非政府人員對民衆開槍或者講得通
但係俾裝甲車輛碌死左既人又點解釋?
你估好似GTA搶車,就咁開車門拉個駕駛員出黎咁簡單咩?

通識...同科econ一樣,累死唔少新一代中學生

[ 本帖最後由 DW8306 於 2011-6-3 12:22 編輯 ]

原帖由 DW8306 於 2011-6-3 12:20 發表

你有冇睇過天安門既俾坦克碌過,慘成肉醬的人?
你又有冇睇過被槍殺既民衆既相?

你話有非政府人員對民衆開槍或者講得通
但係俾裝甲車輛碌死左既人又點解釋?
你估好似GTA搶車,就咁開車門拉個駕駛員出黎咁簡單咩?

通識...同科econ一樣,累死唔少新一代中學生

相, 我有睇過, 但問題係, 張相只係比到唯一一個訊息我,
就係佢地被人殺害, 至於係咩人, 不得而知.

裝甲車碌死人, 但係, 當時邊個操控緊部車? 會唔會係另有其人?
我唔知, 你都一樣唔知.

拉個駕駛員出黎? 講真, 唔係無可能, 因為當晚, 一樣有軍人被人殺死.
咁當然, 軍人究竟係被學生, 自己友, 定係其他人殺死, 又係不得而知.

咁多疑點, 點入罪呀?

PS: 我都想自己係中學生呀, 可惜我已經做左好多年野

睇左咁多個回應,發覺有一位疑似極度親共既人士不斷扭曲六四呢個事實
我真係覺得好憤怒
多角度思考?我呸!
通識果D所謂多角度思考根本就係廢既,多角度思考又會有標準答案既??
通識科果本現代中國幾時教過學生,中共當年用武力殺害手無寸鐵既百姓?
一路整係講中國點好,呢D叫多角度思考?
成本現代中國只係不斷講中國改革開放有幾好,講經濟點好,人權又有無講呀?

原帖由 HY1677 於 2011-6-3 16:11 發表
睇左咁多個回應,發覺有一位疑似極度親共既人士不斷扭曲六四呢個事實
我真係覺得好憤怒
多角度思考?我呸!
通識果D所謂多角度思考根本就係廢既,多角度思考又會有標準答案既??
通識科果本現代中國幾時教過學生,中共當年用武力殺害手無寸鐵既百姓?
一路整係講中國點好,呢D叫多角度思考?
成本現代中國只係不斷講中國改革開放有幾好,講經濟點好,人權又有無講呀?

我唔知你係咪講緊我啦, 如果係, 我只能夠講一句遺憾.
我早前已經表明, 我自己本身無預設立場, 我係中立的.
我唔會幫民運人士, 亦唔會幫中國官方.

大家唔應該有預設立場, 只要大家平心討論,
真相係會愈辨愈明的, 根本唔需要呸黎呸去.

其實, 大家可以查閱返2009年6月3日, 明報的一篇報導: "退役武警患恐懼症 不敢提起  參與六四「平亂」"

江波（化名），北京居民，1989年在武警北京總隊擔任班長。身為向來嬌生慣養的城市兵，他們當年參軍多數出於「好奇」或「好玩」心態，沒想到頭一次實戰 就趕上這歷史事件，即時面臨生死考驗，改變一生命運。江波說，六四前後20多天，他們每晚抱槍睡覺，精神高度緊張，但真正害怕的是與市民衝突，他說，當時一些人用木棍綁上釘子圍毆他們，同班一名15歲北京籍同袍被打倒在地，用北京話哀求，沒想到被打得更兇，最後成了植物人。

呢篇報導由向來公信力比較好的明報刊登, 絕非左派或反共報章, 我諗參考價值與可信性會比較高.

咁多示威者入面,總會有害群之馬
我亦都有睇過下面叱本書,有記者指當時有d壞分子混入學生中,到處打人
個陣有人用液體(<--唔記得係血定係d咩)潑毛像咪又係有d壞分子混入學生當中

我建議你睇下"廣場活碑 一個香港女記者眼中的六四血光",係蔡淑芳寫既

共產黨當然是有權利為自己辯護，但廿多年過去了，一句正面的回應都沒有，最少也算是放棄申辯吧？如果我是被告，在庭上不提出證據，不作任何辯護，法庭根據控方證據來判案，算不公嗎？

[ 本帖最後由 ArnoldC 於 2011-6-3 17:48 編輯 ]

不為自己辯護既原因,咪就係自己理虧囉

軍隊持槍進城屠殺，民眾絕對有自衛之權。