六四事件廿二週年, 中國政府企圖以錢擺平家屬

原帖由 DW8306 於 4/6/2011 10:25 發表
其實我唔太明,近代就有唔少人反駁歷史己有公論既事

例如:
秦檜唔係奸臣
和坤唔係大貪官
汪精衛唔係漢奸
孫中山係申亥革命果陣只係國外做花生友
南京大屠殺否定/質疑論
六四事件質疑論

咁遲少少話唔定隨時有人講SAR ...

1. 秦檜點奸都好，都係宋高宗唔想宋欽宗返到來、
唔想岳飛成功光復河山，佢先上到位。之不過以前 D 人唔敢鬧皇帝，
咪乜嘢都推哂去秦檜度囉。
後來明英宗、明景帝事件都作如是觀 (嗰次真係被擄嗰個皇帝返到來)，
仲害死咗一個忠臣 (于謙)。

2. 聽聞和珅好做到嘢 (我指實事)。問題係中國官場慣例，
做到嗰啲位嘅人十個有九個貪，只不過佢刮錢能力奇高。

3. 呢個都聽得多。汪生輸咗，咪佢做漢奸囉。如果係老蔣輸，
汪生又真係磨到日本仔無佢符，咁咪老蔣做漢奸囉。
將來中國變天，應該會輪到老毛被人話係漢奸。

4. 問心啦，講來講去咁多漢奸，做得最出神入化者非孫中山莫屬。
不過現實亦都係：搞得革命、推翻現政府，一定要勾結外國勢力。
係菲律賓呢啲無資源、無人吼嘅落後國家先可以純粹人民力量啫...


至於 5 同 6，講真，我唔 care 當中有幾多人做啱做錯。
我只係知道，5 一定會令到日本仔永不超生、
而 6 一定會令中共 (甚至中國) 永不超生。
呢個係勢嘅問題，恐怕無人阻止到。

[ 本帖最後由 238X 於 2011-6-4 10:55 編輯 ]

原帖由 238X 於 2011-6-4 10:48 發表

將來中國變天，應該會輪到老毛被人話係漢奸。
...

老毛咁鐘意俾國土送俾鄰國,已經係鐵一般既事實啦
未計佢同日本仔講果句"多謝日本侵華"

原帖由 DW8306 於 2011-6-4 10:25 發表
其實我唔太明,近代就有唔少人反駁歷史己有公論既事

睇完呢條thread，我學識左一樣野，就係：
基於已知事實，發表結論，唔算係「持平客觀」；相反，要將已知事實同埋
alternative theories一齊side by side拎出來討論，兩者所佔比重一樣，先算係「持平客觀」

原帖由 S3BL100 於 2011-6-4 12:04 發表


睇完呢條thread，我學識左一樣野，就係：
基於已知事實，發表結論，唔算係「持平客觀」；相反，要將已知事實同埋
alternative theories一齊side by side拎出來討論，兩者所佔比重一樣，先算係「持平客觀」 ...

我唔清楚，唔知係咪新一代在通識科訓練出來的技巧，與做AO的原理一樣，
即使大是大非都可以洋洋萬字然後話自己不作定論、唯物主義沒有任何道德價值判斷，說起話來就像錄音機。
好彩我出世得早，六四我沒有親身經歷，但1997年6月30日晚那場滂沱大雨仍然歷歷在目。

[ 本帖最後由 DIH 於 2011-6-4 12:22 編輯 ]

原帖由 AVW56 於 2011-6-3 16:55 發表

呢篇報導由向來公信力比較好的明報刊登, 絕非左派或反共報章, 我諗參考價值與可信性會比較高..

同樣地, 今日同報副刊專欄三言堂張文光也提到,
當日有軍人違反指令, 不去屠殺學生, 而被收監
涉及的軍人數目係不止一位

不論張文光的政治取向, 如果此事屬實

你又如何解釋

原帖由 12A 於 2011-6-4 12:21 發表


同樣地, 今日同報副刊專欄三言堂張文光也提到,
當日有軍人違反指令, 不去屠殺學生, 而被收監
涉及的軍人數目係不止一位

不論張文光的政治取向, 如果此事屬實

你又如何解釋 ...

引用的字眼更是「棄械逃跑」。

據張文光之言，抗命者中，38軍軍長徐勤先官階最高，
徐勤先說：「人民軍隊從來沒有鎮壓人民的歷史，我絕對不能玷污這個歷史。」
謹向徐軍長致敬。

原帖由 DIH 於 2011-6-4 12:21 發表
我唔清楚，唔知係咪新一代在通識科訓練出來的技巧，與做AO的原理一樣，
即使大是大非都可以洋洋萬字然後話自己不作定論、唯物主義沒有任何道德價值判斷，說起話來就像錄音機。
好彩我出世得早，六四我沒有親身經歷，但1997年6月3 ...

其實係應該將正反論據都列出來
比重就按你選擇的立場而定
在你選取的一方就找證據去證明
而你不認同的就找證據去推翻
然後說明為何選取的一方是可取

但總結而言, 一定要作定論, 同埋有清晰鮮明的個人見解
如果唔係寫一萬字都係唔高分

其實如果睇開蘋果的朋友 , 基本上唔需要去64, 因為蘋果比64 當日講得更多, 插中央插得更深

原帖由 HG6729 於 9/6/2011 22:45 發表
其實如果睇開蘋果的朋友 , 基本上唔需要去64, 因為蘋果比64 當日講得更多, 插中央插得更深

我相信去得嗰度嘅人，大部份都唔係為聽資訊...
(即係同某啲人返教會唔係為咗聽主持人講道一樣)

[ 本帖最後由 238X 於 2011-6-10 00:24 編輯 ]