老虎頭車尾個太平門高咗嘅原因

老虎頭由S3BL421開始, 數到S3BL470. 由FP 出牌到GB牌.
同期出牌有FH-FM字頭嘅AD, FS-FU字頭嘅ADS, FN-FP字頭嘅大口蘭(AL),
FN-FP字頭嘅三菱, FS字頭嘅Dennis Lance. FU字頭嘅Scania N113(AS1, AS2). FW字頭嘅AV1.
傳聞係運輸署認為當時太多冷氣巴出牌, 所以勅令九巴同中巴將部分冷巴訂單變做熱狗.
(但係1993年城巴又冇呢個限制喎)
外觀而言, 密龍相似度確實比老虎頭高好多 (我覺得S3N內籠真係八成似冷馬)
可能屯門80廠 入面Alexander 組件多啦, 砌返熱狗車身易過Dennis,
唔計大牌箱, 老虎頭車身其實同上一款Olympian (S3BL371-S3BL420) 款式其實分別不大.
最大分別, 在於車尾個設計, 將冧把牌箱同車牌並列, 同後期中巴LF 差唔多.
同埋抬高太平門.
我成日諗, 設計成咁樣, 係唔係想將牌箱擺喺太平門對落呢?
呢個設計, 你話抄 Duple Metsec又得, 你話正路諗法亦得. 當時的確冇Alexander 嘅巴士咁樣做.
離題講一講, 城巴1992年投得12A 線, 就係臨時喺啲#1XX 個太平門對落挖個窗口, 整塊12A膠牌仔. 其後
#18x 開始將Vultron 電子牌延伸到尾箱, 但係橫牌都仲係冇嘅. 直至 #205開始至內置橫牌箱.

只不過, 同期出嘅AL136-AL150, AV2-AV11X, 都唔係咁樣設計. 而老虎頭以至老虎豪自己都冇咁樣做.
其實係唔係當時九巴揸唔定主意, 老虎頭車尾開唔開下層窗, 以至後尾決定開窗咯, 就順勢將
原本擺喺高位嘅冧把牌搬返落下層窗對上呢?

記憶中, 英國本土同期&之後批熱狗olym, 車尾都好似係咁設計的

似乎係Alexander自己改左車尾設計

但係我就唔肯定係香港改先定係掉轉, 不過講多少少: 新加坡批富豪熱狗係無跟到一齊轉車尾的…

密龍之所以似冷馬, 是因為九巴改訂單時車身已製造完成, 所以可以改動的地方有限; 相反, 較新的開龍, 原本也是冷馬底盤, 但車身在改訂單後才生產, 故可以有熱狗標準的車身. 80廠入面, 誰說多亞記組件? 就重建車身的AL27, AL118上層最後一格窗的纖維框, 也有別於富豪用一件過窗框, 而要用兩件唔同呎碼的窗框鋸開再併合而成; 同樣3AV120是同批車最遲出的一部, 上層也有一對窗框也要這樣整才能嵌得成, 如果組件多, 就唔使要又鋸又併咁麻煩.

如果有留意R型車尾上層的線條設計, 由S3BL200之前, 上層太平門上面有條凹入的骨線是緊貼住太平門膠邊, 但自S3BL201起, 條骨線係上移至近車頂, 即老虎頭太平門頂或冷蘭/豪高置牌箱頂. 可見亞記自那時起已可讓買家選擇將太平門裝設之高度有所調整. 但這款高置太平門並不適合裝在冷氣巴士的車身上, 因為冷氣槽會佔用車尾兩端頂部空間, 所以冷氣版本的R型車身只中置或低置太平門, 大家可以找一部冷馬, 從上層車內看太平門的膠邊與冷氣槽是貼住, 沒有多餘空間可裝高置太平門.

在那時候, 別忘記除九巴老虎蘭/豪外, 同期的中巴LM的車身也是一樣, 我不見得係九巴楂唔定主意, 呢啲嘢, 訂車身時已經要決定, 而且除了太平門及牌箱位置與之前不同外, 連下層尾窗亦比之前闊咗, 還有黑色窗框等等, 呢幾樣亦可能係Alexander對R型車身的修改有關.

[ 本帖最後由 牛奶仔 於 2011-6-5 03:42 編輯 ]

The upper deck rear was modified before S3BL421..

其實翻查過不少書籍，大約於1988年開始出牌的 Alexander R 型車身的巴士，上層車尾的車窗是像 S3BL421 - 470 及 LM1 - 10 般，例如百勝旅遊那兩部 Leyland Olympian 便是改用了這款設計，而改用了這款設計的車身，近車尾的散熱孔是由原本的網狀改為百葉窗般，下層車尾車窗兩側亦不設散熱孔（不過九巴是於 S3BL271 開始才改用這款設計，那批開始同時亦把車頭上層車窗的粗邊刪去，跟英國版看齊）。

原帖由 king 於 2011-6-5 02:16 發表
離題講一講, 城巴1992年投得12A 線,

應該是1991年投得，同年9月1日開始營運。

原帖由 king 於 2011-6-5 02:16 發表
就係臨時喺啲#1XX 個太平門對落挖個窗口, 整塊12A膠牌仔

根據《香港巴士年鑑2011》提及是 #164 - #170, #173 - #176，另外以前曾經見過 #1xx 行走37R、90R及97R時（其他村巴線則不知道了）見過車尾引擎蓋會插了一塊黃底紅字的路線膠牌。

原帖由 king 於 2011-6-5 02:16 發表
其後 #18x 開始將Vultron 電子牌延伸到尾箱, 但係橫牌都仲係冇嘅. 直至 #205開始至內置橫牌箱.

是由 #180 開始，而左邊加裝路線牌箱是在翻新座椅時才加裝，那些 Vultron 電子牌是從更換了 LiteVision 路線牌箱的 2xx、3xx 及 #701 - #720（但不知道是否也包括 Atlantean）拆下來的。

多謝幾位專家咁詳盡嘅解說. 如果當年城巴訂得切熱狗, 會唔會就係賣去台北做試驗嗰兩部
Leyland Olympian 咁嘅款呢? 或者老虎頭有埋城巴份

香港巴士迷會第一次大集會, 各報章出咗喺大學火車站嘅「展覽」.
當時我睇報紙真係以為城巴會買 S3BL371 咁樣嘅Olym., 點知原來係20年前中巴買過嘅LA/XA ！

同埋既然問車尾, 不如問埋車頭. 點解開龍同埋老虎豪上層車頭會改到得番雞翼窗?
即係點解車頭玻璃要留剩上面, 封咗下面呢? 係唔係咁樣, 同埋車尾太平門一樣level, 會扯風啲?

原帖由 king 於 2011-6-6 00:25 發表
多謝幾位專家咁詳盡嘅解說. 如果當年城巴訂得切熱狗, 會唔會就係賣去台北做試驗嗰兩部
Leyland Olympian 咁嘅款呢? 或者老虎頭有埋城巴份

香港巴士迷會第一次大集會, 各報章出咗喺大學火車站嘅「展覽」.
當時 ...

響快速公路開大頭窗好應風, 改雞翼窗不無道理

原帖由 牛奶仔 於 5/6/2011 03:00 發表
就重建車身的AL27, AL118上層最後一格窗的纖維框, 也有別於富豪用一件過窗框, 而要用兩件唔同呎碼的窗框鋸開再併合而成; 同樣3AV120是同批車最遲出的一部, 上層也有一對窗框也要這樣整才能嵌得成, 如果組件多, 就唔使要又鋸又併咁麻煩.

未搭過而且車入面既相好少人影
11m D窗 頭:中長長長長長中:尾
12m D窗 頭:中長長長短長長中:尾
(希望你明我up乜)
係咪姐係車尾隻中型窗個框既組件唔夠用，跟住用兩塊多左既長/短既窗框黎合併一隻中型框？
如果係既入面係咪加玻璃膠？

原帖由 牛奶仔 於 5/6/2011 03:00 發表
如果有留意R型車尾上層的線條設計, 由S3BL200之前, 上層太平門上面有條凹入的骨線是緊貼住太平門膠邊, 但自S3BL201起, 條骨線係上移至近車頂, 即老虎頭太平門頂或冷蘭/豪高置牌箱頂. 可見亞記自那時起已可讓買家選擇將太平門裝設之高度有所調整. 但這款高置太平門並不適合裝在冷氣巴士的車身上, 因為冷氣槽會佔用車尾兩端頂部空間, 所以冷氣版本的R型車身只中置或低置太平門, 大家可以找一部冷馬, 從上層車內看太平門的膠邊與冷氣槽是貼住, 沒有多餘空間可裝高置太平門.

早期D alx olym都退晒冇淨，個時我係好細個但都有印象水塘蘭同去到最後個幾部吉蘭望落觀感有些少唔同
上網搵唔到太多車尾相做比較，請問唔知師兄有冇呢類相呢？
(紙早巴通常畫到一模一樣)

原帖由 EE9255 於 6/6/2011 02:24 發表
響快速公路開大頭窗好應風, 改雞翼窗不無道理

困係車龍入面就會好熱，但大頭窗開到盡黎吹就眼都開唔到仲吹到頭痛
而且熱氣通常谷晒係頂，老虎豪既高雞翼窗同尾窗設計散熱係好D