半夜過百人企在英皇道都唔知做乜鬼

原帖由 MS5527 於 5-6-2011 11:29 發表
本末倒置的論述！
警方採取行動有何問題，難道雙方一直等待，爭持不下就是最佳的辦法？
説到底都是示威者心態的問題。

個問題係警方只顧處理一些影響較少的問題 , 而製造一些影響更大的問題 !

原帖由 yunghin2004 於 5/6/2011 12:11 發表
個問題係警方只顧處理一些影響較少的問題 , 而製造一些影響更大的問題 !

也是新聞價值
飛走一些影響較少的問題
需要製造一些影響更大的問題

原帖由 lawrencewong1 於 2011-6-5 11:50 發表
在於法治嘅角度，示威者的確違法，沒有遊行嘅Permission，警方執法是應該的；但另一方面想，若然並不阻街，何必執法，正所謂法律不外乎人情，互相忍讓，應該唔會對交通做成特別大的阻塞。但似乎今次係因為警方的阻撓先激發示威者，公道自 ...

我都認同法律不外乎人情，但係人情並唔係俾呢班成日影響香港秩序、成日用人權掛在口邊唔理別人感受的人，有人話<初時示威者有俾條電車路d車行，只係警方阻撓先激發示威者阻塞交通>，咁樣講好似講到d示威者已經施捨左條電車路俾其他道路使用者，阻塞交通係警察做成咁，真係將是非黑白倒轉。如果唔係示威者不合法遊行，警方就唔會執法，咁就唔會發生今次事件。再講，其實最無資格講民主的就係呢班示威者，民主的首要條件就係要識得尊重其他唔同意見的人，呢班人淨係識得顧自己，一聽到同佢地自己唔同意見的人就即刻鬧，其實佢地霸道到同大陸一樣咁恐怖........

其實香港警察無論廉潔方面及認耐方面都算幾好，比起話自己最講人權的美國，美國警察就算見你投降後都要用警棍打你幾下先舒服，呢樣起碼香港警察唔會，支持香港警察維持社會秩序!!!

[ 本帖最後由 Gaultier 於 2011-6-5 15:43 編輯 ]

原帖由 Wright---AVW16 於 2011-6-5 11:00 發表
小弟雖然並非「受害者」，也非那些塞在馬路上的其中一員，但根據示威人士所指，於警察作出勸阻和攔截前，巴士俱能夠在電車軌上行走，大家本來都相安無事。其實真正的阻路者是那些警察們，如果並非警察們無故阻止示威者繼續前進，根 ...

依家係大搖大擺響馬路行..

琴日小弟參加完64晚會..
諗住坐969番屋企 點知一出摩頓台就塞車
起碼塞左10-20分鐘..

原帖由 回憶的呼喚 於 2011-6-5 16:08 發表
琴日小弟參加完64晚會..
諗住坐969番屋企 點知一出摩頓台就塞車
起碼塞左10-20分鐘..

你呢個情況應該係因為晚會十幾萬人散場湧去SOGO個到所以警察封左馬路俾人過先

真係唔知多謝佢定話佢好
尋晚我同我鍾意GE女仔去完六四
跟住行左去灣仔消防局等680(大約10點半.唔肯定)
結果我地坐部50XX就奶野.前面有幾部巴士係到.再前就係班人.
塞左係個街口到勁耐
最後係警察指引下行西行線過左班人
返到馬鞍山利安已經差不多成點鐘

原帖由 回憶的呼喚 於 2011-6-5 16:08 發表
琴日小弟參加完64晚會..
諗住坐969番屋企 點知一出摩頓台就塞車
起碼塞左10-20分鐘..

呢樣同遊行無關, 平時六四晚會完都會咁塞,
要封路疏散人群, 車又多咗, 巴士又停站停耐咗

琴日小弟在炮台山Burger King目睹整件事。

本身其實遊行隊伍好有秩序，由天后遊緊過黎。
遊行人士沿著行車線行，但沒有佔用電車軌。
甚至可以講，連電車軌與行車線之間的雙白線，都冇踩。

去到七海個巴士站附近，突然見到成班差佬跑去人龍前頭。
之後就包圍埋人龍的左手邊 (即近電車軌那邊)，把遊行人士向行人路方向推。
之後先至惹起遊行人士不滿，開始反抗。
跟住在油街前面支交通燈，成班差佬面向行人路，遊行人士面向電車路，對峙左10分鐘，先至再向前行。
佢地過左Burger King之後，我就冇再理會。

個人觀察，係班差佬先撩者賤。

[ 本帖最後由 le914 於 2011-6-5 21:37 編輯 ]

原帖由 Wright---AVW16 於 2011-6-5 11:00 發表
小弟雖然並非「受害者」，也非那些塞在馬路上的其中一員，但根據示威人士所指，於警察作出勸阻和攔截前，巴士俱能夠在電車軌上行走，大家本來都相安無事。其實真正的阻路者是那些警察們，如果並非警察們無故阻止示威者繼續前進，根 ...

咁佢地係想叫警察唔理佢地，等佢地坐響路中心自生自滅？
睇黎佢地又多一項新技能：我死我事，我鐘意響條馬路做咩都得，你唔好理我