半夜過百人企在英皇道都唔知做乜鬼

原帖由 leslie 於 2011-6-6 12:24 發表


你試下呀,即興行要搵咁多人?

原本唔洗申請時, 有發生咁多警民衝突嗎? 你幾時食飯, 是你工人批的嗎? 食飯是你的權利, 無啦啦做咩要工人批准?

就係中共治下的特區政府先會攪出呢D公安惡法復活,唔搵佢搵邊個?醒下啦 ...

咁事實就係依家個「即興」遊行真係可以有咁多人行出黎。

原本唔駛申請時，所謂雙方協調，
其實都係警方自己已經考慮左遊行本身對市民既影響，如果影響不合理，
協調期間亦唔一定要容許主辦單位依佢地想行既路線去行。
我就唔信如果以前未有法例規定遊行要申請，主辦單位知會完警方就可以早上繁忙時間去德輔道中遊行，鍾意點就點。

但另一方面，以前遊行文化同今時今日根本唔同，
以前就算係遊行常客要抗爭都會好清楚遊戲規則，知道邊o的位可以去邊o的位唔可以去，
而唔可以同今次呢班爛仔性質既搗亂相提並論。

你話幾時食飯係你既權利，唔駛工人批准，
咁食飯既然係每個人o既權利，點解打工仔要等飯鐘先去食飯，唔返返下工肚餓就搬個飯盒出黎食？
點解學生上上下堂唔可以搬盒飯出黎話肚餓要食飯就要即刻食？學校係咪剝削佢地鍾意食飯就食飯既權利？

我覺得遊行要先申請係絕對正確，
就算唔次次獲批都係合理，警方應該要有權拒絕，呢樣視乎主辦單位打算點搞，
當然警方亦應該公開拒絕既原因。
否則主辦一方只能算係知會警方，不能算係申請。
但係好似今次事件，根本就係遊行人士阻街唔岩，
總之係遊行，就要申請，現行法理機制行之有效，
不見得每次警方執法與否要考慮遊行人數多少影響多少先去執法，違法就係違法，只有黑與白，
影響多少係留返檢控時量刑考量既因素，不是判斷執法與否的因素。

前面有其他板友提到集會開始前有關人士就提出要遊行，
警方用兩個鐘頭就可以安排到人手維持秩序，我係完全無言。
你遊行唔止警方要派人手維持秩序，仲要佈防，防止中途有人生事（大家有眼見依家o的人遊行既唔斯文），
再者英皇道東行多段路面只得一線行車，有關方面批准既話仲要其他政府部門同通知巴士公司配合，
好多出英皇道既道路要同時封閉，政府都要出新聞公告，
巴士公司亦要安排巴士路線改道，要出通告，搬臨時站，通知車長站長，等等等等…
數得出既工夫都有 n 咁多樣，全部都要時間準備，唔好講兩個鐘，兩日都唔多。
所以樣樣都話可以「即興」，幾個 Friend 即興唱 K 就得。

原帖由 leslie 於 2011-6-6 13:37 發表


一個是公民權利, 一個是政府行為, 請不要將風馬牛不相干的事擾亂視聽.

不如你先看蘋果日報今日(6/6/2011)就此事的報導吧:
原放行一車線　出爾反爾釀衝突塞車 警突封路陷示威者於不義
http://hk.apple.nextmedia.c ...

蘋果新聞向來立場偏差及偏激，
小則影響讀者心理健康，大則癱瘓讀者思維，
如此讀物，遠之為上。

示威者故意唔申請就去遊行，
知法犯法，我可以用另一角度，寫個標題：
「自私自利　知法犯法　聲明拒申請照遊行　示威者癱瘓港島東　置市民利益於不顧」
會否令看官更全面地意識到塞車係示威者一手造成？

原帖由 leslie 於 2011-6-6 13:37 發表


一個是公民權利, 一個是政府行為, 請不要將風馬牛不相干的事擾亂視聽.

不如你先看蘋果日報今日(6/6/2011)就此事的報導吧:
原放行一車線　出爾反爾釀衝突塞車 警突封路陷示威者於不義
http://hk.apple.nextmedia.c ...

攔路阻塞交通是公民權利? 你不是說笑吧?

先不計報導媒體的政治取向
文章有提及遊行人士有事先向警方交涉
何來甚麼即興遊行?
明顯地閣下的論點已經和事實有出入
至於為何出現警方首先對有關遊行沒異議, 而中途作出攔截
我不在現場不清楚來龍去脈
但客觀條件來說, 英皇道東行不計電車軌只得一條行車線
我就覺得封閉這一條行車線給遊行人士
而臨時要求巴士和電車共用一條行車線並不合常理....
如果遊行人士的說法是正確
只能說有關警務人員判斷有誤
而事後可能因造成交通阻塞要求更改路線個人認為並無問題....

原帖由 leslie 於 2011-6-6 12:24 發表


你試下呀,即興行要搵咁多人?

原本唔洗申請時, 有發生咁多警民衝突嗎? 你幾時食飯, 是你工人批的嗎? 食飯是你的權利, 無啦啦做咩要工人批准?

就係中共治下的特區政府先會攪出呢D公安惡法復活,唔搵佢搵邊個?醒下啦 ...

哦
一個人行出街話我係即興為民主要佔一條線行去北角係ok既
咁ok, you win
睇下有幾多個人 buy你

遊行=食飯?
食飯會食到出街阻住成條行車線既?
遊行係權利
但係唔通唔駛行駛義務?
小學生都知道權力與義務既關係
都係果句,閣下所諗既野根本就極度霸權

我所講既係
唔會因為中共點差,特區政府點屎
而會將即興遊行冇預先申請變得合理化

原帖由 leslie 於 2011-6-6 13:37 發表


一個是公民權利, 一個是政府行為, 請不要將風馬牛不相干的事擾亂視聽.

不如你先看蘋果日報今日(6/6/2011)就此事的報導吧:
原放行一車線　出爾反爾釀衝突塞車 警突封路陷示威者於不義
http://hk.apple.nextmedia.c ...

蘋果共信力如何係人都知
好搵唔搵搵蘋果做證?
不如我搵大共、文匯你又點睇呀?

以往一般遊行事先經申請，讓公共交通運輸機構可安排足夠人手作改
道安排。是次特如其來既封路除令公共交通營運者殺過措手不及外，
更令原本不知就來的東區市民大受其苦。

過往遇有遊行，乘客事先得知的，可預先改用地鐵往返港島市中心與東區
住宅，而不用路面交通。是次沒有預先通知，乘客便繼續選乘巴士了。
還幸好是晚上，令車龍沒有嚴重倒灌入紅隧九龍入口，否則整個香港九龍
市區會交通大混亂。

可是，夜深了，日間作如此舉動，最多只會令大眾遲到，晚間，直頭影響
他人作息。

不過我相信這群不顧他人感受的遊行示威者，目的就是要製造混亂，令市民
意識到他們的舉動，不然，他們就不會一反常態，遊行至北角警署，而非金鐘
警察總部；因為他們知道，在晚間，人人都趕返家中的時候(東行)，採用東行
的霸佔行車路線方式，收效遠比慣常的西行遊行路線為大。

原帖由 2A_DL13 於 2011-6-6 20:55 發表
以往一般遊行事先經申請，讓公共交通運輸機構可安排足夠人手作改
道安排。是次特如其來既封路除令公共交通營運者殺過措手不及外，
更令原本不知就來的東區市民大受其苦。

過往遇有遊行，乘客事先得知的，可預先改用地鐵往返 ...

大哥呀，件事本來就係話有幾十人放棄保釋，直接要求警察要麼四十八小時內落案要麼當場釋放，唔去北角差館可以行去邊度？

另外，香港已經夠多政治犯，係咪真係有必要以法律作為阻嚇工具？萬一遊行人士被集體判罪，不慎迫爆監牢，幾百人放監又黎一場大龍鳳個陣，係咪真係想見到的事？


依家又唔係意圖坐英皇道，頂多只會坐北角差館，全世界文明地方都會由你快腳行晒就算。警方制造對峙的客觀效果，就係令到交通阻塞。

原帖由 Pendolino 於 2011-6-7 03:31 發表
大哥呀，件事本來就係話有幾十人放棄保釋，直接要求警察要麼四十八小時內落案要麼當場釋放，唔去北角差館可以行去邊度？

另外，香港已經夠多政治犯，係咪真係有必要以法律作為阻嚇工具？萬一遊行人士被集體判罪，不慎迫爆監牢，幾百人 ...

依家根本唔係快唔快腳行哂的問題，而係本身該遊行合唔合法，如果遊行係唔合法，警察做野係應該，唔通你想d警察見到唔合法o既o野都唔做野咩? 如果個個都話快腳行哂而即興衝出馬路遊行，香港會變成點呢? 如果今次班遊行人士肯聽警察講行返上行人路，就可以避免阻塞交通，我o甘樣講阻塞交通應該唔關警察事喎.....

另外，你所講o既快腳行哂應該套用o係合法o既遊行，因為合法o既遊行對於無遊行o既市民黎講，快腳行哂係佢地想要o既o野......

原帖由 Gaultier 於 2011-6-7 08:10 發表

如果今次班遊行人士肯聽警察講行返上行人路，就可以避免阻塞交通，我o甘樣講阻塞交通應該唔關警察事喎......

但如果警察不去無故的阻止示威者前進，同樣不會阻塞交通。（就算諸位不相信獨立媒體的報導，914兄的觀察也有一定的信服力）

更何況，根據部份示威人士所指，於對峙了一段時間後，有部份示威者決定順從警方呼籲時，警方卻把整條行人路封鎖，並把部份已回到行人路的示威者拘捕。倘若警方於示威者回到行人路後立即放行，對交通造成阻塞的時間也會減少。

（本句純粹按認為示威者需被拘捕的論述所作的回應，不代表個人立場）就算真的要提示威者拘捕，也可否待他們完成整個路程，讓他們抵達北角警署後才作拘捕行動？

在此貼上兩段由當局者講述整件事件來龍去脈和評論的影片，供諸位參詳：
https://www.youtube.com/watch?v=c0QQ3BSlLFg&feature=related
https://www.youtube.com/watch?v=bUUaRb6Yms0&feature=player_embedded#at=358

原帖由 2A_DL13 於 2011-6-6 20:55 發表
以往一般遊行事先經申請，讓公共交通運輸機構可安排足夠人手作改
道安排。是次特如其來既封路除令公共交通營運者殺過措手不及外，
更令原本不知就來的東區市民大受其苦。

過往遇有遊行，乘客事先得知的，可預先改用地鐵往返 ...

紅隧香隧響維園西面, 中環灣仔金鐘先係香港核心,
東廊入口亦響英皇道西面
咁都可以混淆是非話東面多人, 因此要特登行東面阻人?

你可以鬧示威者犯法, 但阻路只係警方阻撓下, 示威者不服從的結果
製造混亂有咩著數?

政府拉示威者一向都係去北角警署, 上次拉百幾人非法集結就係運去北角警署處理
班示威者係返去北角警署取消保釋
無端端去金鐘警察總部做乜

封路平日日頭影響人多, 定夜晚影響人多? 遲返工/返學 唔大件事過遲返屋企?
平日日頭有幾多車, 假日晚上又有幾多車
揀晚上示威都可以成為反對理由? (被佢嘈親就話啫, 但你又唔係)

不滿示威者, 都要攞返 d 合理少少的理據出來, 如果唔係點理性討論呀

[ 本帖最後由 Quanta 於 2011-6-7 18:21 編輯 ]