半夜過百人企在英皇道都唔知做乜鬼

但而家個重點係佢遊行有冇經過申請呀

原帖由 kelvina905 於 2011-6-7 19:43 發表
但而家個重點係佢遊行有冇經過申請呀

睇你當唔當口頭通知警方係一種申請喇...

原帖由 Quanta 於 2011-6-7 18:20 發表


紅隧香隧響維園西面, 中環灣仔金鐘先係香港核心,
東廊入口亦響英皇道西面
咁都可以混淆是非話東面多人, 因此要特登行東面阻人?

晚黑夜深，市民唔係返東區係返邊度？
如果唔知既，可以查下人口分佈，睇下究竟夜媽媽搞事
會影響邊度住既人多d，邊一個區會多d人住，晚間人流
係邊度向邊度多。

唔係唔俾你行，警察叫得你返行人路行，就係唔想阻住
d車返唔到東區，而家咁搞幾多日遲左返到屋企訓覺，
呢班人，簡直不顧他人感受。

原帖由 3ASV174 於 2011-6-6 02:35 發表
有秩序都唔係大晒，
遊行本來就係有法例規定要事先申請，無可能即興，亦唔會係早幾個鐘申請就必定要 / 可以放行。
英皇道東行多段路面只得一條行車線，如果過左七海之後仍然俾班遊行人士向前行，
就算警察截唔截，幾乎所有經北角東行既巴士線都會即時癱瘓，
我唔知道遊行人士有無申請，但未經批准下行得一條線仲要有幾打巴士線經過既英皇道東行，根本就係唔經大腦既表現。.

不論有無申請....

個人意見, 警方要截人的話,
一係未出維園已經截,
一係去到警署先截
一係就趕哂落電器道先處理, 始終是比較少巴士線經電器道
對交通的影響比較少

上述三個方法總好過當晚的做法, 即時在英皇道處理, 嚴重影響交通

公司在炮台山, 有熟路的同事推論
警方在電廠街截人, 或多或少是有玄機
假如班遊行人士再行的話,
下一個街口就是北角道一帶, 北角道沿路有好多家食店
後面電器道就更加有幾間酒店, 位置都幾集中
[補充 : 炮台山那兒都有兩家, 一家在城市花園, 另一家就在油街附近, 但兩家是在不同路口]

過了北角道, 沿英皇道再落的話, 好快就是新都城百貨同另一間國貨
這幾條街平日有不少自由行出現,
同事經常去新都城百貨隔離的海皇粥店,
好幾次都撞到自由行, 而職員的普通話係好流利
所以同事就估有關方面是否不想讓強國人見到這類政治衝突
於是就要在北角道前處理, 最後巧合地就在電廠街處理

依排睇左唔少社論,
似乎警方"別有用心"揀果度黎令示威人士"被發生衝突"

而遊行人士原來已申請用一條行車線

原帖由 Anpretext 於 2011-6-9 13:14 發表
依排睇左唔少社論,
似乎警方"別有用心"揀果度黎令示威人士"被發生衝突"

而遊行人士原來已申請用一條行車線

如果遊行人士事先跟足程序申請左，咁問題就係警方度啦，
事關佢知道有人會遊行，為何無做改路安排，遇到敏感位置
，我指既唔係政治問題，而係單線行車問題(例如北角道路口)
，是關北角炮台山既英皇道，唔計電車路軌，好多地方都係單
線，點解仲要安排人同車一齊行英皇道，係咪應該安排其中一
種行電器道？

我呢個假設係遊行人仕有事先申請而警方發出左不反對通知書。

原帖由 Anpretext 於 2011-6-9 13:14 發表

而遊行人士原來已申請用一條行車線

幾時申請? 係咪起行去北角前一兩個鐘?
仲有, 用咩方法? 口頭定書面?
呢幾項足以影響其他人對呢次遊行個合理性既睇法...

忽發奇想：
大家都係有腦動物，話唔定雙方都係想藉住製造小混亂
去將對方妖魔化、爭取支持？
睇大家討論咁勢均力敵，又真係幾有呢個效果。

更甚者，示威者同警察會唔會係喺度唱雙簧？

我參加左六四晚會好多年, 七一遊行都參加過幾次, 但我覺得而家依D集會已經開始變質. 而前依D集會完場, 市民係會和平散去, 即使當年50萬人大遊行, 係烈日當空下係維園擠左2個小時, 每個人都好守跌序, 我記得我地仲同警察有講有笑, 雙方都話"辛相曬", 而結果亦叫做有回應(at least董生腳痛走左).. 而家.. 每次集會完畢實有班人攪攪陣, 騎劫左成個活動, 令人反感, 仲令人以為所有去集會既人都係咁自私, 咁偏激, 繼而增加左班左派既籌碼
最慘係D報紙, 議員仲要將班人既行為合理化, 令佢地變本加厲