原帖由 yunghin2004 於 2011-6-7 19:21 發表 
另外 , 搭港鐵 ( 前地鐵 ) 永遠由踏入港鐵範圍至上列車嘅一刻都唔知要行幾耐同幾多層先到月台
雖然等巴士可能耐啲 , 但起碼我可以舒舒服服咁企喺條街到等
而且 , 喺中途站搭巴士有位坐嘅機會多過港鐵好多
搭巴士又可以望吓其他景色 , 擴闊一下眼界或睇吓呢個社區嘅人與事
港鐵 ? 最多咪只係睇吓啲咩 " _ _ 呀嬸 " , " _ _ 港童 " 或者自己玩電話
..
係呀，由入口到月台，耐極都係三幾分鐘，又(多數)有恆溫空調，又冇得日曬雨淋，真係好辛苦架。
o係室內就焗死氣，o係街邊好天曬落雨淋，天熱3x度大汗疊細汗、天冷幾度寒風刺骨、又吸死氣又食塵，仲要隨時唔知自己企唔穩仆出去定有車「隊」埋黎.....就係為等架等三幾分鐘當唔使等，等兩三個字係正常，等半粒鐘都係家常便飯既巴士......午夜時份等，仲連尾車走左未都未必知.......真係好舒舒服服架
港鐵網絡簡單易明 ，明明係優點，但某些人會睇成係缺點。街邊等巴士明明係比鐵路站上上落落辛況，但某些人眼中卻係舒舒服服。佩服。
[ 本帖最後由 mckhgc 於 2011-6-7 21:58 編輯 ] |
|
|
|
|
|
|
|
|
原帖由 LP1200 於 2011-6-7 19:44 發表
係啊,經過皇室堡個邊去Sogo個頭
其實個頭就算行過去都唔算特別遠
起馬係電車路個頭都望到Sogo =P |
|
|
I have a cyka. I have a blyat. Uh!...
|
|
|
|
|
|
原帖由 Mandurah__Line 於 2011-6-7 20:47 發表
都唔明點解有D巴迷真係講到經常搭鐵既就一定係路痴甘
其實好睇佢地住邊
我有D住紅磡、土瓜灣既朋友出門都係搭巴士多
好少搭鐵，甚至連學生半價都無申請 |
|
|
|
|
|
|
|
|
原帖由 siupy 於 2011-6-7 19:42 發表
我細個住紅磡，三年班已經同同學搭7B去樂富了
我諗住得紅磡, 無乜邊個唔會搭巴士由細搭到大.... |
|
|
|
|
|
|
|
|
原帖由 andy92 於 2011-6-7 21:07 發表
其實好睇佢地住邊
我有D住紅磡、土瓜灣既朋友出門都係搭巴士多
好少搭鐵，甚至連學生半價都無申請
我當年住紅磡, 九鐵仲未有半價個陣真係無申請過
係港鐵半價包埋前九鐵線先走去申請返個學生八達通.... |
|
|
|
|
|
|
|
|
原帖由 hokwanlam 於 2011-6-7 18:08 發表
班次果度,係,即使好多巴士線密車極都要7-10分一班,
但係有冇諗搭鐵路係要上上落落,佢可以1分鐘1班,上落,
迫下電梯,跑下樓梯,出入閘唔係時間??我以前番油麻地,由落車到行上地面要5分鐘.....
巴士收費果度,冇人強迫你見到80M就要上車喎,我係第一城出沙田,
我見到49X,我俾8.2上車去沙田,跟住我話巴士收費混賬?
唔知咁講會唔會自私左D,講起81C就火都黎,我真係多得哩條馬鐵唔少,
果條81C我出九龍都會搭,食完飯我只求1程車,有位坐,唔駛行,
我唔駛要好快(實際上搭鐵同巴士既時間差唔多),
對唔住,哩3樣港鐵完全俾唔到我....
1.就當計埋來往鐵路站入口及月台既時間，你認為鐵路候車時間就會普遍比巴士長？會因此而令鐵路比巴士難預班次？唔好發夢了。要計，巴士等/碌多一兩個燈位、多幾個公公婆婆上落車、埋站時排多兩部車.......已經隨時KO晒「鐵路站上上落落」o個幾分鐘有餘！仲未計常有既收車、脫班！仲有巴士黎講7-10分一班，已經係好密既例子，有幾多可以做到？仲未計「鐵路站上上落落」同「街邊等巴士」既環境分別，請睇111#
2.為撐而撐，比喻不倫。一城49X往青衣方向，可以同新城市80M穗禾方向相比？前者仲有幾長路程，後者又有幾長？我就信前者有「技術困難」做唔到雙向分段(其實極有保留！)，但後者絕對可以做過獅隧後到穗禾收$4.1(同81K睇齊)既單向分段，佢就係唔做，點解呀？有人話係唔想短途客「濫用」長途線，拖長長途線行車時間喎(哈既然係咁，又唔見佢唔畀短途客上車喎)。呢度就講到畀生意佢做仲嫌你阻佢發達咁，另一邊，有某些人討厭既鐵路(輕鐵)競爭既地方又點呢？睇下269D，沙田呢邊，新城市去瀝源o個少少$5.2，另一邊，有輕鐵o個邊，博愛醫院去天水圍咁遠，$3.9，又點解呢可？
你係要咁講的話，我一樣可以話我太子去油麻地，鐘意上架就黎行完既觀塘線又得，上架仲有一排行下既荃灣線又得，唔需要好似巴士咁麻煩，要唸埋係邊條線！你越係撐的話，只係將巴士弱點放大！
3.我承認馬鞍山線不知所謂，西鐵收費東鐵服務，我亦不滿香港既鐵路發展，對觀塘線、東鐵線、馬鞍山線一帶係長期欺壓剝削。但你既情況，有馬鐵唔搭，死守81C係閣下問題。就算未有馬鞍山線前既81C，我唔信候車時間會短得過而家馬鞍山線+東鐵線候車時間(都係通常黎講，你唔好講81C就次次一去到就有，馬鞍山線+東鐵線就次次送車尾兼次次遇直通車)！閣下如此喜歡81C，討厭馬鞍山線，又有否想過，以往幾多學生哥學生妹，每日由馬鞍山往城河東返學放學，被81C(仲有86C)強收全程往九龍車費，就係馬鞍山線，大大改善左呢個問題，後來港鐵將學生優惠引進前九鐵網絡，車費減幅更驚人，今日學生哥/妹們由馬鞍山去大圍$2.9，去城河東其它馬鞍山線站更只需$2.1，就算遲下加價，都係$3/2.2，靠偉大既81C？$8.1！
想留著81C以往相對較密既班次(其實都未必密得過馬鞍山線！)，就抗拒馬鞍山線打救廣大學生哥/妹脫離不合理收費？隨左損人利己(其實都唔知「利」左乜野！)，冇第二句形容到你！
同埋閣下有81C與馬鞍山線選擇，已經比好多人幸福！當年馬鐵通車，幾多孤島區居民，馬鐵方便冇份，僅有既巴士線就削班就有，你知唔知？如果沙中線真係通車，情況更不敢想像！今日睇報紙，又見重提水泉澳公屋計劃喇，真係成事的話，又唔知幾多萬81C又冇馬鞍山線又冇既受害者喇。
有D人，鐵路要轉車，就好似生不如死咁，巴士要轉車呢？就靜如深海，如果轉車有優惠(所謂優惠=唔收足兩次錢，在鐵路，同樣情況只係必然而非優惠)，就直情好似當左係一程車咁，總之同講到鐵路轉車，係完全兩種態度，即使巴士轉車麻煩會比較多(如：候車時間通常較長，午夜時份又要擔心尾班車問題)。
[ 本帖最後由 mckhgc 於 2011-6-7 21:23 編輯 ] |
評分
-
查看全部評分
|
|
|
|
|
|
|
|
原帖由 yunghin2004 於 2011-6-7 19:21 發表
另外 , 搭港鐵 ( 前地鐵 ) 永遠由踏入港鐵範圍至上列車嘅一刻都唔知要行幾耐同幾多層先到月台
雖然等巴士可能耐啲 , 但起碼我可以舒舒服服咁企喺條街到等
而且 , 喺中途站搭巴士有位坐嘅機會多過港鐵好多
搭巴士又可以望吓其他景色 , 擴闊一下眼界或睇吓呢個社區嘅人與事
港鐵 ? 最多咪只係睇吓啲咩 " _ _ 呀嬸 " , " _ _ 港童 " 或者自己玩電話
巴士貴 ? 有錢淨係識得去買 iP__ne , 名牌衫 ; 俾多 1 個幾毫又諸多推搪
而且 , 我試過有人由秦石邨去銅鑼灣係 馬鞍山綫 > 東鐵綫 > 觀塘綫 > 將軍澳綫 / 荃灣綫 > 港島綫
對我嚟講 , 170 只係貴 $3.0 , 但起碼可以一車到目的地 !
最後 , 港鐵網絡簡單易明 , 雖然係幾方便 , 但呢個亦都造就到時下年青人連做事前準備都廢事嘅習慣
以前去一個陌生嘅地方通常啲人會做定 Research
而家 ? 唔識路 , 港鐵就係救星
好似由 MegaBox 去筲箕灣 , 明明大大條 606 喺隔離 , 點解要搭穿梭巴 > 觀塘綫 > 將軍澳綫 > 港島綫呢 ?
大熱天時係街度等巴士, 我完全唔覺得係一件舒服既事...
港鐵點行都好, 都係有冷氣, 點計都好過捱住熱等巴士囉....
中途站有得坐都係睇時間睇邊條線喎
你拎非繁時黎比, 非繁時鐵路一樣有機會有位坐 (當然, 有位唔坐另計)
有人話迫巴士舒服過迫鐵路, 我都講過唔止一次
迫鐵路有轉線呢個機會比你郁下手腳
迫巴士? 我睇你由港島迫到去大埔上水你中間搵咩位伸展....
點解要講到慳錢係罪? 人地選擇港鐵轉線慳錢買新電話有咩問題?
真係睇唔過眼, 錢係人地度, 人地點用係人地自由
揀得鐵路, 好明顯佢角度黎講鐵路個value 係高過巴士
咁都要批評, 我覺得係左右人地個價值觀, 敢問憑乜野迫人地全單接收你個套價值觀?
港鐵站方便認路, 方便約人明明係優點
都要搵位插, 我真係覺得好無道理囉....
你係肯做research, 搭巴士搭港鐵都會做
你唔肯做, 要你行路你都唔會做寧願問人
咁點可能拉港鐵落水? |
評分
-
查看全部評分
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
