年青人是否對鐵路依賴？

原帖由 mckhgc 於 2011-6-13 00:21 發表
至於新田圍，又係雞先定蛋先？係因為本身人口老化，唔多人要搭車出外，令對外交通需求低，所以對外交通服務亦少；還是本身交通差到趕客，令村內年輕一輩有能力搬都「逃亡」，以致人口老化？同區的瀝源、禾輋，比新田圍更舊，但為何卻不見有同樣人口老化問題，相反不論交通、商場都有聲有色？

前一排81M未收車
82K未改線
我又唔覺得新田圍有咩大分別

新田圍既交通需求一眼睇晒
想搭巴士出市區既向上行向下走都接近可以去到香港大部分既地方
唔想行有282做電梯線

新田圍唔同其他老化既地方
新田圍接近係獨自一角
頂多都係得秦石同豐盛連住

但秦石自己出面有條車公廟路
只係豐盛有機會要向上搵新田圍
同時間,新田圍一樣連住條獅子山公路
山入面既交通差,但行出少少其實都幾四通八達

瀝源、禾輋隔離有咁大個沙中
源禾路又有一排運動場
仲有警局,數間學校
自然有佢既商機


望下新田圍
一眼睇晒就係沙循同陳元喜


再講遠少少
新田圍既case好明顥就係因為需求低而引致問題
以前新田圍商場有大家樂、有酒樓、有銀行
但係之後走完一間又一間
到現在只係得一間質素差到冇朋友既南豐
點解會咁呢?
原因好明顯已經睇到
有錢賺既又點會走呀老實講


交通既一樣
人老左自然唔會想去咁遠既地方
去沙中就變左最好既選擇
所以點解282仍然開緊7-10分鐘一班
到繁忙時間都要企人呢?

原帖由 mckhgc 於 2011-6-13 10:47 發表

言下之意，是否若有$2特惠站，閣下就接受輕鐵K巴的一程接駁要收費？

輕鐵最低收費$3.9，K巴則$3.8，原來有人有得慳$3.8/3.9唔要，寧願要慳$2




新界東大把地方免費接駁又冇，$2特惠站又冇呀！仲身在福中不知福！ ...

係呀, 因為我根本用唔著接駁服務, 我向來都係行路比較多.

由西鐵站到我平常會到的某個地方, 只需10-15分鐘,
同樣路程, 按市區標準, 通常會設有兩蚊特惠站,
我寧願港鐵取消輕鐵免費接駁, 直接回贈返兩蚊車費比我.

反正我都用不著, 就算你輕鐵車程值$10都係無用!

水泉澳線就好大機會有
係山頂到已經有巴士坑

原帖由 咖喱 於 2011-6-13 15:34 發表
小弟都係住德田, 其實我地係o向觀塘比較幸運o既一群,
加上巴士o既網絡較好, 又近東隧口, 大約 1 個鐘就邊度都去到,
相反, 對面山秀茂坪同再過 d o既順利, 唔計 p 車的話,
去灣仔/中環無可能 30-40 分鐘    不 ...

秀茂坪還好, 落地鐵站算怏,
出九龍的, 有11X, 趕時間的還可以考慮95

樂華先算係差, 巴士網絡麻麻, 去好多地方都要駁車

原帖由 JK6080 於 2011-6-13 21:29 發表

咁都要抽水？
天北人口咪一樣密集，唔開條 967 唔通拉條 969 入去？朝朝 969 又爆、 967 又爆，單單一條 969 點應付到？
西鐵唔開接駁線分流，輕鐵邊頂到咁多人？ ...

繁時黎講我同意967有必要存在
但非繁時又洗唔洗呢???

原帖由 AVW56 於 2011-6-13 23:37 發表


係呀, 因為我根本用唔著接駁服務, 我向來都係行路比較多.

由西鐵站到我平常會到的某個地方, 只需10-15分鐘,
同樣路程, 按市區標準, 通常會設有兩蚊特惠站,
我寧願港鐵取消輕鐵免費接駁, 直接回贈返兩蚊車費比我....

我估計你個地方應該係免費接駁接觸唔到
但都要睇果個地方係咪多潛在客源到值得擺部特惠站
譬如南生圍咁，一樣係十幾分鐘既步行距離
但斷估你都唔會同意呢個地方值得擺部特惠機卦...
市區線一樣唔係個個十幾分鐘步行距離既地方都有特惠站啦...

當然，如果你去個地方係有免費接駁，只係你選擇行，咁係你個人問題...

原帖由 Snoopy@FB8617 於 2011-6-13 23:35 發表
前一排81M未收車
82K未改線
我又唔覺得新田圍有咩大分別

新田圍既交通需求一眼睇晒
想搭巴士出市區既向上行向下走都接近可以去到香港大部分既地方
唔想行有282做電梯線

新田圍唔同其他老化既地方
新田圍接近係獨自 ...

你都識講，「之前」丫嘛，我地係咪活o係「之前」呢？之前81M起碼都預到大多數時間逢10,25,40,55有車，自從2011年後又點呢？味又變成另一條連區內都隨時要等半粒鐘既線囉

阿水唔知搭架282去秦石、沙中，就幾乎全港都去到咩？駁車唔係最大問題，最大問題係282本身要收成$3.5，就算同九巴本身都好少BBI(更唔好講到話駁港鐵有免費咁狂想)，又係當你每日2次一個月22日，呢種懲罰性駁腳費，一個月就成$154，扣除假期，一年當11個月，已經成$1700，如果唔止返5日工/學，放假又出下街，仲唔止呢個數。如果係駁港鐵出市區的話，總車費隨時貴過由大埔去市區。

如果話要付費駁車，至有「大把車」搭，都叫「方便」既，咁我唸全香港都冇一個地方係「唔方便」咯，就算半山真豪宅，如果有一條駁鐵路站既上落山綠小線(通常畀賓賓保安清潔等工作人員用)，都係「好方便」咯。


至於講上山到獅子山公路，都係唔掂，首先行上去都幾遠下，熱天、雨天時行得到去，已經成身濕，係爭在係汗水定雨水。彎彎曲曲的白痴天橋，往市區方向在另一邊，一年唔知o係條白痴天橋度睇著走幾多架車(反觀沙田其他屋村巴士分站，多數都係市區方向貼村，方便好多)，仲未計條路夜媽媽時有時湯死牛，有時惡犬攔路。

亦唔見得有幾「四通八達」，全日線只有6條，只能去九龍東、深水埔、九龍城、九龍塘鐵路站，其中80M同82M，89同74A根本係重疊，74A出名疏，74A,82M,86只有市區方向有用，新界方向挨貴車......唔好話同車公廟路比，連同顯徑比(似乎對交通最多怨言既沙田屋村)，都差成條街。講起去顯徑又係，沙田(除馬鞍山)其它公屋出入顯徑，$3-$4.4，唯獨新田圍，高達$6.1/5.2。

講起個商場，其實以前都唔係好得幾多！係叫做有多D商戶，但同其他村比，一樣輸九條街(當然後來係輸九條萬里長城)。當年訓街超市轉barcode收銀，新田圍分店可能係全港最後一間轉；同時，巨獸/猛獸銀行陸續摺埋全港公屋分行，新田圍分行就可能係第一間死！真係好野排尾，衰野打頭陣！

維基大把「link」講佢D衰野
http://zh.wikipedia.org/wiki/%E6%96%B0%E7%94%B0%E5%9C%8D%E9%82%A8

至於282情況，就正正證明新田圍既需求係有，但供應極不足。其實282既客，去沙中行街睇戲食飯飯茶既多，定係目的地並非沙中，而係要到沙中轉車(不論轉鐵路定其它巴士)去別處既多？以新田圍村內既交通，唔搭282去秦石、沙市轉車，根本近乎與世隔絕寸步難行，新田圍連城隧線都冇(沙田唯一冇城隧線公屋！)，連搭城隧線都要去沙市轉，你話282有乜法子唔爆？唔好講話咩282同城隧線有BBI，叫做好過冇，但個覆蓋根本唔夠，如果我由荃西、屯元天搭43X/263/269D去新田圍呢？282同城隧線既BBI根本幫唔到。

歸根究底，都係政府規劃失誤、本末倒置既問題，像新田圍呢類咁隔涉且孤立之地(類似例子仲有澤安村)，根本唔適宜興建公屋，而較適合起類似世界花園、瑞峰花園、聚龍居之類既豪宅。但呢個政府，似乎完全唔知問題所在，繼續方便之地就起埋晒咩名城、車公廟站上蓋項目等痴線之作，供有車階級居住或供「同胞」炒賣，公屋就得碩門兩幢係似樣，其它咩美田、水泉澳、火炭黃竹洋街以北....一樣係痴線之作，到底仲要攪出多幾多個真正悲情城市、害多幾多萬人坐困愁城陷孤島，至肯收手呢？

話我抽水、離題都要講句：某某圍城經常被傳媒指為悲情城市，這個討論區，某些居住於該處的user(恕我不能稱之為站友)亦對該處甚多怨言。我想問，那個圍城，有冇一個村，係如此孤島、如此荒涼、如此不便？會否有區內穿梭既1x分鐘車程，都要畀成$5.x-6.x，兼等成半粒鐘既離譜荒謬情況？

到底，甚麼「圍」才是真正悲情城市？要嘆「沒能力去闖出沙漠」「無車票又怎去覓去路」「誰策劃這寸地尺土」？

原帖由 teddybus 於 2011-6-14 11:49 發表


我估計你個地方應該係免費接駁接觸唔到
但都要睇果個地方係咪多潛在客源到值得擺部特惠站
譬如南生圍咁，一樣係十幾分鐘既步行距離
但斷估你都唔會同意呢個地方值得擺部特惠機卦...
市區線一樣唔係個個十幾分鐘步行距離既地方都有特惠站啦...

當然，如果你去個地方係有免費接駁，只係你選擇行，咁係你個人問題...

大把人冇免費接駁，都寧願畀$3.x-4.x巴士小巴賺，都唔會行10-15分鐘。
有免費接駁都唔用，係要走去行10-15分鐘，係傻的嗎，但與人無尤。

而為左自己慳$2，寧願要大多數居民使多$3.8/3.9-----計來回的話，其實係使多$7.6/7.8，但自己就仍然只慳$2(因就算區內有$2特惠站，都只係去程有用，回程搭完至拍，唔會入返$2)，呢種人，除左自私無恥卑劣之外，我真係唔識形容。

市區大把地方距港鐵站10-15分路程，尤其公屋，睇下特惠站又有幾「通常」有啦，就算有，有時都係得$1咋
http://www.mtr.com.hk/chi/whatsnew/fare_saver.html

原帖由 mckhgc 於 2011-6-14 14:00 發表

亦唔見得有幾「四通八達」，全日線只有6條，只能去九龍東、深水埔、九龍城、九龍塘鐵路站，其中80M同82M，89同74A根本係重疊，74A出名疏，74A,82M,86只有市區方向有用，新界方向挨貴車......唔好話同車公廟路比，連同顯徑比(似乎對交通最多怨言既沙田屋村)，都差成條街。講起去顯徑又係，沙田(除馬鞍山)其它公屋出入顯徑，$3-$4.4，唯獨新田圍，高達$6.1/5.2。

美田出入顯徑價錢都差不多
顯田同四美一早就應該有直接區內線來往
之前九巴想過開283P
63系小巴公司又嘈
88P又畀803K打殘到摺埋
但80 81S等線每日都有唔少人迫住坐佢地來往兩地
豈有此理


講返新田圍
我學校(大圍站附近)唔少人住新田圍
佢地返學真係幾難搞下
一係行路
一係叫掠錢三飛（82K疏 81M都唔係太好 85B更差但好多時都見到有人迫住上佢）
小弟屋企之前等派公屋時派過新田圍
同屋企人去過睇乜環境
新田圍真係好唔方便


可惜班次與需求是永遠掛鉤的，不論有「雞」先定有「蛋」先都係。
只可以怪政府規劃惡劣

不過沙田大體黎講都算係比好多地區好好多睇下圍城、將軍澳、東涌呢啲
真係無眼睇

[ 本帖最後由 流星☆雨 於 2011-6-14 14:59 編輯 ]

原帖由 mckhgc 於 2011-6-14 14:00 發表

你都識講，「之前」丫嘛，我地係咪活o係「之前」呢？之前81M起碼都預到大多數時間逢10,25,40,55有車，自從2011年後又點呢？味又變成另一條連區內都隨時要等半粒鐘既線囉

阿水唔知搭架282去秦石、沙中，就幾乎全港都去到咩？駁車 ...

好同意你的看法

根本香港的規劃出問題, 唔止新界, 連市區都係
有能力比多多錢搭車的, 就會住在港鐵站樓上, 例如係名城
無能力的, 就住到無雷公咁遠, 例如你講的新田圍

我住東九龍, 鑽石山樓上就係星河明居,
一落樓就有地車, 附近有一大堆巴士線可以去不少地方
但山頂的慈正, 富山又如何, 行落去要成幾個字, 咁就一定要坐駁腳車, 一上一落都要幾蚊.
好啦去, 坐巴士, 又只係去得九龍內幾個區同慢到不得了的116, 要去新界, 又坐駁腳車....

之後九龍灣樓上有德福, 下面巴士站幾乎去哂全港各區
但樂華就在山上, 區外線得2A,13X,28,619,
入新界同其他無直車到的地區, 又係靠駁腳車出去轉區外線
你話有BBI, 23M駁新界線, 但23M班次有幾好, 又做不到原站轉乘, 個轉乘有幾可用大家心中有數
大家還是乖乖地每程比多2蚊坐小巴

老實說, 藍田站隔離的鯉魚門道徒置區如果唔係老早就重建左
上址現時分分鐘唔係居屋, 而係同前山谷道村一樣, 會係私人樓
各位想在市區上車又少了一個選擇

講完東, 就講西
荃灣都唔好得幾多, 荃灣站起了綠揚, 之後就有要駁腳的象山同石圍角
呢兩個屋村咁吊腳, 連商戶都唔多想入去做生意, 象山商場/街市空置率係數一數二
要買野的, 好多時都要落荃灣同葵涌, 你話可以坐小巴同32系 (32B,32M)
之不過, 最弊九巴係hea做32系, 區內線都要4個字一班, 石圍角還好, 可以坐32同貴一貴的43X
但象山就得條32, 唔係就要行出去可風, 步程要三個字, 沿路要上落鈄, 更要日曬雨淋
所以象山的情況分分鐘比新田圍更差