年青人是否對鐵路依賴？

事先聲明, 純粹個人意見...

港鐵有學生半價已經贏哂, 先唔理呢個因素......

我本身係巴士friends, 去邊都會先諗巴士, 不過, 有部份港鐵始終有佢獨有嘅優勢...

港島線 - 唔係上環(將來可應用至石塘咀)至銅鑼灣嘅路面交通, 根本巴士流水一定
好過港鐵流水, 始終港鐵要上上落落好唔方面, 尤其巴士流水通常可以叫幾飛

東西鐵 - 站少, 行車時間比巴士快得多

如果搭上述三線, 或加轉另一線嘅一兩個站, 我都會考慮搭港鐵

不過, 一到外國地方, 始終人生路不熟, 對當地巴士嘅了解亦不多, 鐵路肯定
無咁易咪失, 不過, 就算識睇地圖, 由地底上地面後要認清方向都要時間.......

原帖由 Choi 於 2011-6-7 09:44 發表


奧運去旺角，居然係東涌線轉荃灣線
你話唔想行啫，隔離總站有13D/16都唔上？

點都會選擇79k啦下話,
再唔係行返去朗豪坊都唔係好遠
13D/16絕對唔會考慮

原帖由 icecone 於 2011-6-7 00:17 發表
我係年青人
搭地鐵多主要有兩個原因
1. 有學生優惠，半價真係平好多架，真係識唔少人北區去屯門係坐火車轉西鐵
學生冇咩收入，有時只係貴毫子，但就令到我唔搭巴士
2. 搭巴士就各有各搭自己既路線，但地鐵明明去唔同地方都可以 ...

北區去屯門嘛
76K/ 77K 到元朗轉輕鐵 ... 部分地方仲平過全程港鐵喎先生 ...
[ 碼頭區就貴 $0.5 .. ]

原帖由 fuwing 於 2011-6-7 01:15 發表
我個人覺得樓主個例子唔係幾好
我住沙田, 冇學生優惠
但我過海基本上都會揀港鐵 (或者去尖沙咀轉船, 如果目的地近碼頭)
理由好簡單
o係時間唔係差好遠o既情況之下而佢又最平
咁港鐵真係最好選擇
反而去九龍/新界就真 ...

舊年開始係炮台山返學之後申請左港鐵學生優惠，自己都多左用市區線過海。初返學既時候屋企人幾乎日日叫我用全程港鐵返/放學，但本身屋企行去馬鐵站都要一段時間，全程港鐵轉車又轉餐死，所以返學都係出紅磡轉隧巴。放學如果要搭鐵，通常都係去到鑽石山就轉返巴士

不過沙田既隧巴線實在太貴，所以我係返學既日子從來冇坐過680，只係有次去灣仔聽完talk，因為太夜，先無耐地坐左一次。如果去中環同灣仔，87D+天星絕對係我既不二之選

至於自己D同學多數都係搭鐵，有住九龍東既同學係唔會坐601/619既，相信都係因為價錢問題

原帖由 pklaw 於 2011-6-7 01:22 發表
我兩個表弟叫他們由沙田美林搭車去荃灣都唔識搭、佢地話冇坐過巴士出去喎、淨係識地鐵轉地鐵............

仲搭巴士轉巴士
你教佢搭 481B 一程過算喇

$7.0 平過 46X

PS: 我曾經聽過有人問，機場去東涌係咪要係青衣轉車 ?

[ 本帖最後由 andy92 於 2011-6-7 11:06 編輯 ]

原帖由 JF1261 於 2011-6-7 01:21 發表
係, 我宜家都對鐵路痴心塌地(由其去九巴區域)

搭鐵路, 班次一定唔會疏過15分鐘, 而且正點率係正負3分鐘99% 以上 (東西馬鐵5分鐘)(雖然你可以話港鐵吹水, 但我信真係咁準)
唔洗大熱天時企係路邊食塵唔知幾耐
唔洗擔 ...

擔心哩樣,擔心果樣,閣下做人應該好大壓力.....

鐵路行車穩定??你緊係未見過搭鐵路點迫法,我而家日日番學過海都搭鐵,
轉荃灣線同觀塘線簡直係地獄,尤其係荃灣線,緊握扶手?扶都冇得你扶呀,落左車隻腳係度震緊,
我個fd試過企地鐵,搵唔到位扶手,最後成個人大字型咁訓左係地下,行車穩定?唔覺囉.....

又講下鐵路班次,我係大水坑搭鐵出尖沙咀,馬鐵->東鐵->西鐵,行去尖沙咀站,
快既,35分鐘,慢既,50分鐘,我好擔心,唔係我行慢左,而係等車時間原來可以好長,
而我地係唔覺,仲不斷話鐵路好快,好似我係哩個post之前講既例子咁.....

宜家d 年輕人改搭鐵路,係因為佢地先入為主覺得不論去邊度都係鐵路快,實際冇去計過係鐵路快定巴士快.....

原帖由 victorkaho 於 2011-6-7 00:22 發表
A1.但係直接d唔好咩!?你趕時間斷估你唔會咁搭掛
A2.呢點我篇文章正正有提及，
   年青人搭鐵始終可以上車傾到落車

1. 實際上好多時間都係地鐵快D，特快巴士就係地鐵既三倍價錢(都唔一定快D)，真係趕時間先會搭