攀天橋游說示威者 警長失足墮下傷重不治

其實，命運呢d野好難講
示威者都估唔到有個警察上去叫停佢會跌死

世界真係變，就算警察真係有d地方做得唔好
畢竟也是一條人命...

對與錯，我唔識講，只係覺得命運安排
有人覺得示威人士完全無錯唔係無道理

但係警察自己跌死就成班人係度恨災落禍，希望個班人好好反省下...

原帖由 nickhei 於 2011-6-16 02:04 發表
但問題係，如果一個社會係連申訴機會日漸削弱，咁可以點做?係政策善全下係可以唔用暴力或激進手法，但可惜現今政府日漸封閉說服唔到我社會係公平。其實香港人示威整理溫和，但訴求一直得不到政府理會，政府淨係話明白苦處同訴 ...

我講d 雞, 當然係不合理, 但正正就是想講, 不斷去搵原因, 未必有意思,
我已講, 唔係唔同意你講呢d社會原因, 而是有d問題, 係要從行為本身去睇..

其實有點兒奇怪, 其實我昨日回文, 一直只是針對"激烈行為", 我反對"激烈行為"
其實亦唔一定跟示威/政府有關係, 而是講緊任何人都要為自己行為負責, 劉先生
的痛悔, 正是為自己不當行為負責/內疚...我想講正是任何行動前應該深思個影響....
要原因, 好易有, "激進可以講係兩害取其輕"或者無錯, 但今次正正就係睇到個害重,
仲係好重, 的一面...

同樣的悲劇/意外, 同樣可以出現於"少女因情困危坐天台" 等較常見之"激烈行為",
我相信一般人都會有意見係, "你去死都唔好累人", 今次正正出現左一個悲劇, 好可惜,
亦正正因為今次係"示威", 唔少人就將這話題不斷政治化, 拉到好多政治原因....這是
我認為最無意思的...

要講的, 都講晒了...

[ 本帖最後由 3ASV196 於 2011-6-16 08:51 編輯 ]

所以..呢件事不論警長和抗爭者都是呢個事之下的悲劇.

我最反感的是呢個強調沒有抗爭,那有改變的呢位議員..
明明唔建議人咁做,出左事又係到劃清界線.只強調那是制度下問題..完全對出左事的警察漠不關心..那仲唔係冷血?

仲有成日指警權過大,香港警察係專權政府下的工具的香港人,同樣係度恨災落禍，希望呢班人好好反省下...

原帖由 cn2661_2d32 於 2011-6-16 04:18 發表
示威者應該都係個末路老粗,
良心係有的,佢只係用錯方法表達,亦間接做左機會令警長意外殉職.

呢個人係有良心的,由佢內疚表述可見.
有良心的人覺得自己有份害死左人,果份自責/精神壓力夠佢折磨大半生.
對佢來講已係最 ...

你講野仲冷血, 執法者唔係應該先保障自己生命嗎?
消防衝入火場前都要確保任何儀器無問題先入去救人啦

如果唔確保安全, 意外只會不斷再發生

原帖由 kay 於 2011-6-16 08:17 發表
其實，命運呢d野好難講
示威者都估唔到有個警察上去叫停佢會跌死

世界真係變，就算警察真係有d地方做得唔好
畢竟也是一條人命...

對與錯，我唔識講，只係覺得命運安排
有人覺得示威人士完全無錯唔係無道理

但係警察自己跌 ...

我自己覺得，
星期三晨早流流走上中環跳橋，
搞到干諾道中東行封剩一條線，平時無事都塞車架啦，
示威者咁玩，幾多無辜市民俾你連累返工遲到？

人地返工遲到都可能無勤工，扣人工，甚至俾人炒，
示威者抗爭既時候，又有無考慮到對其他人有咩影響？或者影響有幾大？
唔諗清楚後果先做野，對錯真係不能分嗎？
陳議員咁都可以抽水抽到話係周局長唔o岩，咁又唔諗下，
你唔不斷支持佢做 d 激進行為，佢又點會越黎越過份？


而且重點係：
同自焚唔同，呢o的人，擾亂社會秩序，
企跳汀九橋企跳中環橋，佢根本就只係做 show，又點會真係跳落去？
計我話，根本就唔駛理佢，無謂累街坊。
你要表達訴求，要引人注意，
不如考慮叫陳議員一齊同你去尖沙咀彌敦道掛 banner 祼跑兩小時，
保證安全，publicity 唔見得差過依家。

原帖由 3ASV174 於 2011-6-16 15:51 發表

我自己覺得，
星期三晨早流流走上中環跳橋，
搞到干諾道中東行封剩一條線，平時無事都塞車架啦，
示威者咁玩，幾多無辜市民俾你連累返工遲到？

人地返工遲到都可能無勤工，扣人工，甚至俾人炒，
示威者抗爭既時候，又有無考慮到對其他 ...

我以往都強調過，如果想係香港有人注意你，有能力癱瘓香港是必須

去汀九橋跳影響真係微不足道，但今鋪上左頭條，雖然變成悲劇....起碼都出左名先喇

唔知算唔算離題一講
FACEBOOK曾經有人開左個Page乘呢件事去抽80後水, 結果半日後成個page消失得無影無蹤。

呢種煽動世代仇恨的行為, 先係最可惡(但亦都係唐生的最愛)