東鐵係咪減左車?

原帖由 mckhgc 於 2011-6-20 12:02 發表

東鐵線過境段車費補貼本地段車費就聽得多(不過某些人，唔使分擔過境客帶來既負荷，卻吵著要分享過境客帶來既車費補貼，冇得分，就大叫「唔公平」)，政府補貼東鐵線電力開支，就真係第一次聽，來源請求唔該。

就算真係有補貼，東 ...

來源就好難搵得番比你嫁喇,始終太耐之前既事,甚至可能係我記錯.不過有一樣野你忘記左,將來南北線通車,新界東至到沙田既人都可以直接搭車去到中環,小數化長計,宜家少少既不便,將來可以得到更大既方便.仲有呢個地方唔係得你一個人住,超過700萬人都係住呢度,好難會做到公平呢樣,少少忍讓就一定嫁啦,既然你咁唔滿意,你大可以唔住香港,搵你所謂既公平地方.

[ 本帖最後由 D201@EAL 於 2011-6-20 16:28 編輯 ]

原帖由 D201@EAL 於 2011-6-20 16:25 發表

來源就好難搵得番比你嫁喇,始終太耐之前既事,甚至可能係我記錯.不過有一樣野你忘記左,將來南北線通車,新界東至到沙田既人都可以直接搭車去到中環,小數化長計,宜家少少既不便,將來可以得到更大既方便.仲有呢個地方唔 ...

係搵唔到來源、記錯，定係......

南北線，真係唔講由自可，一講把幾火，同東涌線幾乎完全重疊九龍南線就急急起，沙中線就拖足幾十年，原本話2008/09左右通車，結果呢？2011年既今日仲未動工，仲借D意又徹回環評，空廂高鐵又唔見佢咁多保留。「將來」喎，再係咁攪，都唔知呢個版有幾多人有命見到沙中線通車

唔知點解，要「忍讓」既，要面對「好難做到公平既」，次次都係東鐵線、馬鞍山線、觀塘線既人(觀塘線兩度削過海、尖東歸西.....)

大可唔住香港，何不食肉糜？

點解唔怨下買千九比東鐵用果陣又唔買多幾抽呢...

原帖由 mckhgc 於 2011-6-20 17:53 發表

係搵唔到來源、記錯，定係......

南北線，真係唔講由自可，一講把幾火，同東涌線幾乎完全重疊九龍南線就急急起，沙中線就拖足幾十年，原本話2008/09左右通車，結果呢？2011年既今日仲未動工，仲借D意又徹回環評，空廂高鐵又唔見佢咁多 ...

咁對於搵唔到來源就真係我錯既,sorry先.不過又諗下,係邊個拖到沙中線拖咁耐?冇錯,政府係重視高鐵多過其他鐵路發展,不過,都不及果班只顧自己利益,係都要響自己屋企門口整個車站既人.要講拖時間,佢地咪拖得仲耐?環評...當初又係邊個玩野?我諗我唔洗講係邊個都係知啦可?
仲有你又有冇諗過住新界西既人響西鐵通車之前番工幾辛苦,佢地何嘗唔係忍到通車?大家都係香港人,點解耐性可差咁遠?

[ 本帖最後由 D201@EAL 於 2011-6-20 18:11 編輯 ]

原帖由 tkf_2005 於 2011-6-20 17:54 發表
點解唔怨下買千九比東鐵用果陣又唔買多幾抽呢...

你估九鐵唔想咁做咩!
當年九鐵直頭想全東鐵換千九啦,又可以提速,加密班次......
只係當年千九真係好貴,日本紙又不停咁升,再加埋當年起西鐵時洗突左,搞到無晒錢,最後東鐵咪得九列千九囉!

原帖由 mckhgc 於 2011-6-20 12:02 發表
......
無論如何，我只看到眼前的事實：是相比起09年8月前，東鐵人去尖東，價錢貴了，但時間多了，方便度低了，現在連班次也少了。

西鐵人去尖東，價錢也貴了，但時間快了，方便度高了，現在連班次也多了。

西鐵線服務進步了，東鐵線服務卻退步了。 ...

似乎你淨係針對今次東鐵於凌晨12時後紅磡往上水方向減班,
而無視東鐵縮回紅磡站後有加班的事實
包括平日星期六繁忙時間由以往17:00-20:00
大幅延長至14:00-20:00, 出車數目提早3個鐘由24抽增加至26抽,
而星期日及公眾假期17:00-21:00亦納入繁忙時間,
出車數目26抽, 羅湖/落馬洲往來紅磡每3至4分鐘一班,
之後又因應平日一至五繁時六點幾九龍塘站轉車人潮由月台塞到落大堂
(尤其18:35紅磡往廣州東直通車之後果段時間)
加開一班由旺角東起載前往羅湖的特車~

再計盡d, 東鐵未返回紅磡總站前,
晚上10點至凌晨12點收車時間,
點會有特車由紅磡往沙田/大埔墟
(雖然特車出現原因同進出紅磡總站車速慢有關)
疏導部分短途乘客<--特別係紅館演唱會完結時
所以唔好因為凌晨12時後東鐵cut左一班車
就發晒火話東鐵整體服務不斷倒退啦

原帖由 hello 於 2011-6-20 19:10 發表

你估九鐵唔想咁做咩!
當年九鐵直頭想全東鐵換千九啦,又可以提速,加密班次......
只係當年千九真係好貴,日本紙又不停咁升,再加埋當年起西鐵時洗突左,搞到無晒錢,最後東鐵咪得九列千九囉! ...

西鐵，又係西鐵！

到底，因為西鐵既狂奢極侈，而攪到東/馬鐵服務、設施縮皮既「西鐵請客，東/馬鐵付鈔」事件，除左東鐵少左千九、馬鐵站既簡陋馬虎之外，請問仲有冇其他？


不過話說回來，就算多幾抽千九又點，我發覺不論九鐵定港鐵，都似乎唔多善用，大家都知東鐵北行有多款終點站，南行亦有多款始發站，最爆多人既羅湖車，就似乎最少行千九，而禁對較少人既落馬洲車，或小貓幾隻(誇張D講)既大埔墟、火炭、沙田特車，行千九既機會，都比羅湖車行千九為高。咁攪法，除非全線換晒千九，否則畀多幾抽，都只係浪費資源

原帖由 mckhgc 於 2011-6-23 19:06 發表

西鐵，又係西鐵！

到底，因為西鐵既狂奢極侈，而攪到東/馬鐵服務、設施縮皮既「西鐵請客，東/馬鐵付鈔」事件，除左東鐵少左千九、馬鐵站既簡陋馬虎之外，請問仲有冇其他？


不過話說回來，就算多幾抽千九又點，我發覺不論九鐵定港鐵 ...

首先,我唔知你見到「西鐵」兩詞就咁激動做咩

第二,既然西鐵洗突左係事實,而我亦無去怪過西鐵洗突左搞到東鐵馬鐵呢樣果樣縮水,起西鐵果陣無人想洗突


不過有樣認同你就係東鐵既千九仍然未比人好好利用過

我身為九龍東人，九龍南線通車我都覺得有著數喎，至少去圓方一帶唔使荒謬地過兩次海或經荔景。

「尖東歸西」都有得怨我真係唔知畀咩反應，一早知道尖東站係預留畀西鐵的，
曾經有五年時間畀你享受下烏蠅頭入地底站都算有賺啦，佢大可以等埋九龍南線一齊起，奈佢唔何架喎。

東鐵有十二卡、長途超平、班次頻密、短途特車，這些又有冇新界西人話「唔公平」呢？
至於千九派車問題，地產鐵路公司的調度智慧，我真係不敢抱太大期望。
話說我有一日朝早見到南行連續五班車都係千九，而我自己搭緊一架千九北行。

沙中線，我由上一世等到而家。

原帖由 hello 於 2011-6-20 19:10 發表

你估九鐵唔想咁做咩!
當年九鐵直頭想全東鐵換千九啦,又可以提速,加密班次......
只係當年千九真係好貴,日本紙又不停咁升,再加埋當年起西鐵時洗突左,搞到無晒錢,最後東鐵咪得九列千九囉! ...

係西門子單野先比多1億...total都好似話比預算中平左...

西鐵工程總開支最新數額為404億元，而預算開支為464億元。九廣鐵路公司（九鐵）預期西鐵工程總開支將會在預算開支之內。

http://www.info.gov.hk/gia/general/200404/21/0421205.htm

不過東鐵訂千九用都係分開單...

...如果當初入足12抽車...就唔洗家陣繁時大圍都要等2-3班先上到車...