千四大學學位俾大陸人 VS 香港學生無學位升學

原帖由 PB602 於 2011-7-4 22:51 發表


A-Level程度計相等於大學預科，或者四年制大學下一至二年級程度(以A-Level Economics為例，範圍比大學一年級Economics 1A同1B更深更廣)。假如大學科科C都可以畢業的話，2AL+2科語文合格絕對讀得掂大學課程(當然，讀得掂唔 ...

非常同意, 讀唔讀得掂根本就唔係一個主要問題
問題係而家香港 o既大學連機會都唔比香港學生先係問題 ~

原帖由 DIH 於 2011-7-4 11:46 發表
某大學，近年研究院入學日子，指示都以普通話及簡體字為主。

關於學生質素，這是個人問題，甚麼人都有好有壞。
但至於收生，我都認為應該盡量照顧本地學生。
本科還算可以，研究院真係無乜邊個個名唔係漢語拼音。 ...

對呢 d 安排, 我自己認為簡直就係荒謬
明明香港人就係用繁(正)體字, 廣東話及英文,
有咩可能為左個班人就要刻意轉哂普通話及簡體字吸引佢地落黎 ?

本來你話比 d 大陸人落黎提升質數, OK - 我接受
但係而家成件事個基本已經唔同左 ~

原帖由 PB602 於 2011-7-4 22:51 發表


A-Level程度計相等於大學預科，或者四年制大學下一至二年級程度(以A-Level Economics為例，範圍比大學一年級Economics 1A同1B更深更廣)。假如大學科科C都可以畢業的話，2AL+2科語文合格絕對讀得掂大學課程(當然，讀得掂唔 ...

F6,F7 的Econ 野頂多味 BBA sem 1 的 economics.......
仲有你唔會 expect 可以將 AL 個套靠背的方法 apply 到大學到都有效.....

利益申報:
本人之前係某大BBA 學生,依家 quit U 等更佳 offer.

原帖由 PB602 於 2011-7-4 22:51 發表


A-Level程度計相等於大學預科，或者四年制大學下一至二年級程度(以A-Level Economics為例，範圍比大學一年級Economics 1A同1B更深更廣)。假如大學科科C都可以畢業的話，2AL+2科語文合格絕對讀得掂大學課程(當然，讀得掂唔 ...

AL Econ 拎 A 大學 Year 1 要拎 C 甚至 C 都無既人我都見唔少，
當然調返轉既亦有，但真係唔多。

讀唔讀到書的確唔係重點，
但如果香港學生上到大學唔係只係掛住癲，掛住玩，掛住 hea，
然後 sem 尾 GPA 瀨晒野先黎奶 professor 腳趾（甚至搵人嘈），
真係俾到個有心讀既款出黎，應該少好多人覺得大陸生讀得好就要俾佢地落黎讀。

原帖由 PB602 於 2011-7-4 01:14 發表
價廉物美？不一定。

我間公司有一批MT係大陸留港學生，無錯成績好勁，但做事懶到出汁，日日遲到15分鐘，夠鐘就準時走人，有Deadline又唔尊重，賴晒野之後又要本地同事開OT同佢地執手尾。「大陸學生勤力上進」根本係都市神話，講做事 ...

我覺得呢個似係你公司問題多 d。

工作上就未同過內地生做野，
大學 project 就試過不少，的確感受到佢地其實唔係太識同人合作，
或者係內地生自己 bonding 太勁，佢地自己就合作無間，但做左 d 咩就唔會點同你溝通。
但講效率同工作質素，比起好多本土學生，真係高九條街。

我都相信好多時本地同事執屎能力都係比較高，
但真係以起碼做左一排野既畢業生為主。
你講 fresh graduates 的話，
我家姐畢左業一年，同佢一齊畢業既本地生朋友，除左我家姐一個，個個都起碼轉左一至兩次工，
唔係辛苦就嫌錢少，一係話學晒野嫌悶，普遍港生都有呢個問題，下下請你返黎一陣又走，HR 真係前世唔收。

無奈港共政府為咗迎接上面班友仔落嚟
就通街煲冬瓜同殘體字
所以我好佩服馬英九
雖然部份經濟都係要靠對岸
但至少喺文化要堅持台灣自己文化
殘體字通通唔出得街
我贊成咁做
去得人地地方就要遷就人地文化
唔係人地文化遷就自己
香港，未夠廿年已經共化嚴重

原帖由 區麗芝 於 2011-7-5 00:29 發表
根據政府資料,每個UGC 學生每年平均成本成港幣20萬。
大陸學生所支付的學費根本不足以收回成本。

所以非本地學生係收一個蝕一個
--- 佢地畢業後大部份都會返原居地或去美國, 留港工作的少之又少

我聽唔少大陸 undergrad 埋怨佢地俾的學費貴過 local,
又成日聽大陸 postgrad 嘈通漲勁, 怨大學唔加 studentship

佢地又唔諗吓響大陸做 professor 的收入仲少過佢地班 postgrad (唔計灰色收入),
同埋每人受緊幾十萬一年的資助

師兄，嘈還嘈，搞清楚少少先。
1.「移民監」你其實知唔知係咩意思？
2.香港稅基狹窄，好多「香港人」都無咩交稅，又係唔係噉計？李嘉誠係咪應該好多特權？
3.可以話你知，「民主自由」國家會話，家庭團聚係人權、國內自由遷徙係人權、對所有有居留權人士一視同仁係人權。

各位師兄，小弟相信，全世界不少國家地區情況相似。至少英國情況如下：
1. 去年英格蘭戶籍學生學費上調200%引發暴動，但外國學生，蘇格蘭、威爾斯、北愛戶籍學生不受影。
2. 大學收取本地學生，人數受政府限制。收生過多的大學/學系，其資助會遭倒扣。外國學生則無此限。
3. 外國學生的收生標準，一向比本地學生低。

原帖由 ArnoldC 於 2011-7-5 04:18 發表
師兄，嘈還嘈，搞清楚少少先。
1.「移民監」你其實知唔知係咩意思？
2.香港稅基狹窄，好多「香港人」都無咩交稅，又係唔係噉計？李嘉誠係咪應該好多特權？
3.可以話你知，「民主自由」國家會話，家庭團聚係人權、國內自由遷徙係人權、 ...

1. 咁麻煩你重新定義咩叫移民監
2. 一日未有香港永久身份證都唔應該被視為香港人，唔通我攞住張綠卡就可以自稱美國人？
更何況啱啱落嚟嘅人享受嘅福利唔應該同當地嘅人睇齊，否則對於本土人係好唔公平
3. 我都可以話你知，家吓好多民主自由國家正在收窄移民條例；喺美國甚至準備修憲唔俾非本國居民所生嘅細路享有美國公民權
人權？都要睇咩情況先得架…香港實在太多喺度拗爛腳嘅人，係需要杜絕嘅