又有駕駛非空調巴士的車長中暑

原帖由 12A 於 2011-7-6 10:55 發表


回應22樓位陳生
兩點
1. 不處理九公入面的工會是否橡皮圖章,
但工會其中一項功能係為會員爭取應有權益
現在有員工因為不理想的工作環境而搞到身體出問題
而勞工處今日亦因應酷熱天氣警告生效
一早發新聞稿呼籲僱 ...

總之 個人認為

你要反熱既時候 應該要留番少少餘地

去得太盡無意義架
你仲可以嘈幾耐者?

而且成日話要提早退役 你好似真係唔知道一架巴士既基本條件係咩
就係行得走得、載得人、有八仔現金收費
無論係無冷氣既熱狗、有冷氣既巴士 架車都可以行
要一架正常既車強行提早退役 係違反定律同營商原則

你抬工會出黎 都唔可以逾越營商基本原則
個車駕駛環境差 可以響範圍內調節
但一話差架車就唔要
由你去做CEO就真係好 乘客開心 但公司傷心

話你地不吃人間煙火 確實係其來有自 唔係抽水唔係吹水

我個人曾經同美國刑警企響非常分明既對立面
但我而家覺得 全冷係大勢 不過響全冷既同時 有人就乜都唔理 要即刻全冷
即使犧牲其他人、甚至自己既利益都唔緊要 加價咪加價嚕 我一定要有冷氣

呢班人既諗法完全超越一般常人既思維
平白加左價 加幅仲遠高過正常向政府申請既加價
爭取全冷既國時 亦應該要爭取合理既車費

10年前 或許保養冷氣車成本貴好多 先至會有熱狗比冷馬平既情況出現
但今時今日 9成既巴士係有冷氣 難道條道理仲行得通?
你反熱唔緊要 但反熱反到有D過籠 甚至減到一個趨勢 佢可以大條道理全冷唔減既時候
請問你賺到D咩? 其實變相係大家反熱撐熱都輸晒 只係贏左九巴

至於工會 我認為可以做到保障司機既野有好多 只係不為而非不能

[ 本帖最後由 richardchan1988 於 2011-7-6 19:03 編輯 ]

個道理就好似一間公司有50個人,佢地全部都係25-30後生仔,不過當中有大約35個既工作表現係比較好,唔通我做老闆既因為果15個人既工作表現比較差而要佢地全部提早退役咩

原帖由 EH9097 於 2011-7-6 18:36 發表

其實我覺得今次批熱狗賣番英國或者澳洲仲好,起碼當地唔會咁熱,天氣熱壞車既機會增大...而且英國澳洲仲有巴士迷可以保留佢地..咁樣無咁浪費

退役車不嬲都係招標方式甘賣緊出去架啦

爭在係乜野公司會入標買你地D車既姐
廢車場﹐車行﹐個人名義定係巴士營運商丫

或者以最簡單去想想，又有幾多位員工願意於三十三度或以上既熱度下去駕駛呢批熱狗行市區線呢？作為乘客，又有幾多人會想在高熱天氣下坐中熱狗呢？縱然係會有人喜歡熱狗，但不能否認絕大部份市民坐中熱狗行市區流水線都怕怕呢一個事實。本人並非反熱，只是想一般乘客同車長都會想熱狗安排於效區、或者短途線吧。重新澄清，希望巴士迷們請試試從乘客同車長既角度方面想想。

勞工及福利局會跟進巴士司機中暑
06/07/2011 2:50PM



天氣酷熱, 有巴士司機以及食環署外判工 , 在工作期間懷疑中暑暈倒, 勞工及福利局說會跟進 , 並要求巴士公司在天氣酷熱時, 減少使用沒有冷氣巴士 .

勞工及福利局長張建宗在立法會大會 , 回答議員質詢時說, 政府今年接獲六宗有關僱員在工作期間, 懷疑中暑不適個案, 當局會加強巡查 .他又說局方一向關注職業司機工作環境, 由於他們的工作風險受到很多因素影響 , 職安條例難以有效保障他們, 承諾會檢討 , 研究有無修改空間.

張建宗又說, 現時只有很少非冷氣巴士行走, 而且更會在年底全面退役, 但政府仍會要求巴士公司盡量少用非冷氣巴士行走.

Source From : http://www.metroradio.com.hk/997/News/Default.aspx?NewsID=e098d601-0f54-4231-bc38-989315d1c34c

勞工及福利局講到明會跟進巴士司機中暑

原帖由 kei_hk 於 2011-7-6 15:07 發表


未知你乘坐當日的天氣﹐以及你乘坐的時段。

繁忙時間同非繁忙時間都有明顯分別的﹐非繁忙時間行車較暢順﹐會較多生風吹入車箱﹐感覺又唔會太熱。
但一到繁忙時間﹐經常會停車﹐又要在巴士站排隊等上客﹐沒有生風的同時﹐又有大量 ...

我搭個轉係 41A - S01 尾轉黎 , 太陽已經差唔多落山 , 可能因為咁都比較涼

原帖由 S3BL470@98A 於 2011-7-6 18:23 發表
我坐過38和42C的熱狗，他們行龍翔道和呈祥道是好正。
因此，在部分時間坐38和42C都是只會選擇坐熱狗。(除非真是好趕)

我自己坐過 GK 9141 @ 42C 就覺得無想像中咁好
行公路俾前面車頂住晒 , 仲要係咁 3 > 4 > 3 > 4 轉波 , 好 chok ..

原帖由 kei_hk 於 2011-7-6 15:03 15:07 發表
昨天黃昏收工(約5:45上車)才坐完一部熱狗回家﹐講真我都有一刻考慮唔上車﹐但最終都有上車。

原因不是慳錢﹐而是比mtr的車程為快。要慳錢的我反而坐mtr仲便宜(以冷馬計)﹐反正我都預左此線全冷﹐唔會有寄望有熱狗。

最後上車的原因﹐只是我坐的是42c由鑽石山回青衣﹐由於上車之後都已經即將上高速公路﹐會一直有生風便不會太熱。
假如部車不是即將上高速公路﹐是在市區慢慢行﹐唔會有生風吹入車﹐我肯定唔會上熱九。

....
未知你乘坐當日的天氣﹐以及你乘坐的時段。

繁忙時間同非繁忙時間都有明顯分別的﹐非繁忙時間行車較暢順﹐會較多生風吹入車箱﹐感覺又唔會太熱。
但一到繁忙時間﹐經常會停車﹐又要在巴士站排隊等上客﹐沒有生風的同時﹐又有大量熱氣攻入車廂﹐成個車廂係會非常熱的。...

今晚收工都坐中熱狗, 話說我7點前後在新都會等37出旺角
等兩等就整架掛牌熱狗FZ5135
上車前, 我同你一樣都有猶豫, 一係再企多2個字等下班, 一係返轉頭坐地鐵
但最後係有上車, 因為自己衡量過, 一上車就好快有一段路係行公路, 我坐上層應該都頂到
在車程上, 上層大約有10名乘客, 下層就不太清楚
上車至美孚鐵路站前係接受到, 有不少生風吹入來, 都唔係話好熱
但美孚之後就開始慢慢行,成日停燈, 隔離又多車, 多了熱風, 開始有點接受不到
過了長沙灣政府合署後就更差, 好多熱風...
而我本人在西洋菜街前一兩枝燈落下層, 一落到去就感到下層車頭好焗, 完全無風, 好熱
這個感覺給我的反思是, 現在已日落還是很熱,
要是早一兩轉未日落, 真的會比現在更熱...

假如我是出油麻地打後 (需要坐41A), 屆時有更長路段係市區慢慢行, 無生風吹入來
我一定會不上熱狗

ps 我認識的非行家朋友中, 有幾個人已經不論熱狗所行走路線, 都不會坐熱狗
現在說兩句話已經好俾面

如果我係你﹐放工時間由葵芳去旺角﹐我9成坐MTR﹐主因係怕塞車。

即使坐巴士﹐熱九肯定唔上車﹐去到美孚打後﹐全部都係慢慢轆的地區﹐自問真係好難涯﹐無謂作出挑戰。但如果只係去美孚(極限荔枝角)﹐我都或可考慮。

大家講到揸/坐熱狗好似係不能接受的事…
以往前置引擎年代 (長牛/AEC/雞/鴨)，豈不是天天有車長中暑？
以前搭這類巴士，仲要未禁煙…/這類車型窗又細，如果下雨，仲要關哂窗，玻璃窗凝結的水點多得可以畫公仔，跟現時的大車窗相比，車廂通風度以及o個種焗熱程度不會比現在好…
所以，社會富裕令人適應能力降低看來是不爭的事實！，