九年來巴迷對新巴態度呈180度轉變?

其他區唔清楚
但係新界西北的路線都可以講下

大家最鐘意講的分拆
新界西北的路線係起西北區內拆開黎做
而起市區就全部行返同一條路
例如咁多條 X 線（包括 265B，唔計 260X）
起屯門元朗天水圍各有山頭（呢度就唔數 la...）
但出到市區就全部都係行長沙灣同埋彌敦道

唯一的爭論點係行唔行西九龍走廊全日行就無可能（根本唔夠客，而且好可能會有一堆人要轉車）

如果有部份班次行，
咁主線的班次會即刻少左

原帖由 neoplan720p 於 2011-7-11 11:04 發表
唔怪得一直都有人覺得老九極少特快線/ 有一堆偽特快線係無問題.

我會咁睇:

1. 基本上絕大部分板友都會認同, 全日分拆對新界西北X線黎講係絕對無可能, 亦都唔可取.

2. 現在我針對既問題係繁時.
既然繁時大把客, 咁又係咪要將所有班次行哂落一條路呢?
主線既班次少左又有乜問題呢?

***************
就已265B為例, 上繁佢可以整幾班特車, 跟967直出, 專做天北, 去到九龍就跟返原線.

又或者58X/59X為例, 下繁佢又可以開幾班車, 旺角直出, 飛哂深水埗、長沙灣.

夾哂時間 (如同前車相隔約8-10分鐘), 以呢幾條線既客量, 一定可以逼爆架車, 只不過係巴士公司願唔願意做咁解.

至於正線班次少左, 既然有特車疏導左其中一部分既客, 咁正線既車就算少左, 都會因為有特車, 而可以專心做另一部分既客.

e.g. 265B正線車就可以專做天中、天慈一帶; 58X、59X正線車就可以專做長沙灣道一帶.

我睇唔到有咩問題.

同埋真係吹得就吹....
洪水橋一向由 63X + 68X 做開

960A 只係填返個空位

原帖由 樂仔〞 於 2011-7-9 22:20 發表


撞鬼囉 , 咁呢條仲係 66X 58X 63X 67X 黎既 ?

同埋 ... 66X 本身總站隔黎已經係西九龍走廊 ... 咁咪一開車分站都唔洗停就上公路 ?
你咁睇得起條線既客量呀 ...

63X 做哂全部位都唔滿 la......

個人認為, 新城於港島區能夠拆大量特快線嘅原因, 在於
港島區嘅道路網比較簡單, 流水線隔離就已經係公路, 而
公路嘅出入口亦能深入至流水線, 令特快線離開主線後已
經係公路.

至於九龍區, 彌敦道/長沙灣道同三幹/西九/呈祥道都有較
長嘅距離, 離開主線後亦要一段時間, 經過幾支交通燈方
能到達公路, 雖則仍會較主線快, 但行公路嘅優勢已無咁
明顯

東九方面, 當初起觀繞就應該要喺龍翔道加出入口, 即觀
繞西行可落龍翔道西行, 龍翔道東行可上觀繞東行, 這樣
已可以減輕彩虹交匯處, 觀塘道/偉業街近德福一帶嘅交
通擠塞, 令將荃線成為名正言順嘅公路線, 現在只可以等
中九龍幹線...

原帖由 KV1902 於 2011-7-11 03:25 發表
新城唔係真係好好，只係佢識做生意。有D野佢執得靚，D人就覺得好過老九。

好簡單，東區大線8P 非繁有冇跟班次開?
好多時都等10分鐘先有車出。
問題係，兩味時段會比中途班次，D人就覺得佢地冇咩野。
只要睇埋唔太夠車用既城記 ...

話又唔可以咁講
東廊 D 路口都幾方便 D 車出入某一區 , 又唔洗塞咁多燈
但係九龍個邊 , 我假設條 6 號轉特快
由美孚一開車已經要飛起深水埗同長沙灣
係快呀 , 但你覺唔覺得客量會好 ?
條線都未可以係沿途食到客就比人趕上公路

又有人話特快飛落尖咀 , 用西九快速咪得囉 !
我唔理先前點上啦 ... 但落左公路後
又塞廣東道 , 又出唔返彌敦道南行 ... 快既時間都扣返哂
即係同 4 幹至干諾道中東行冇左條快線 , 大家齊齊塞慢線落金鐘冇分別咋 ...

我諗九巴唔係唔想整特快
而係條道路網整到快左都唔覺得快
你見 260X 268B 269B 要中郵先調到頭 , 259B 大角咀上橋都冇乜客 [ 當然仲關屯門區定線問題 ] 就知咩事 ...

如果話九巴唔想整特快 .. 215X 11X 又係咩黎 ?
你話 11X 東行走線唔掂 ... 其實都係公路網問題 ...

所以 .. 九巴應該想做既 , 但做左出黎個感覺都唔係快 ... 咪寧願唔做囉

九龍既網絡的確比較複雜, 但唔代表無得做.
我隨便已經可以舉幾個例, 話俾大家聽, 可以至少繁時試辦特快線.

1. 抽一、兩部40既車做觀荃特快, 行龍翔道已經快好多.

2. 觀塘<-> 美孚既快線. (太子道西唔停站, 唔經石峽尾)
直達深水埗、長沙灣

3. 74X抽幾班車唔經新蒲崗、鑽石山

4. even 215X繁時都可以有一、兩班車過完藍田直上公路, 唔行觀塘道.

5. 259B 同242X 返新界方向, 既然係新界已經兜咁多, 就好應該唔行旺角, 過完尖沙咀就上公路. 兩條線而家唔夠客, 完全係咎由自取.

6. 42A, 68X, 58X, 59X 下繁一、兩班車旺角直上公路.

*************
我唔期望九龍區既特快線可以做到港島咁成功, 但絕對唔希望見到, 好似而家咁, 將所有野都推哂落去行大路、行流水.

原帖由 neoplan720p 於 2011-7-11 00:37 發表
假如968下繁往元朗有幾班車, 唔停金鐘、中上環:
師兄質疑快十幾分鐘有咩做?

1. 首先, 對銅記、灣仔既客有著數, 車程快左; 而客量問題, 根據多次既觀察, 下繁只要同前車相隔8-10分鐘, 部車去到灣仔杜老誌道前, 已經 ...

1.假設性銅記、灣仔夠客出飛既時候
咁中環、上環由夠唔夠撐呢?
長途車一定要頂閘才算滿意?
係一間公司立場來講一定係
唔頂閘都最好坐滿


2.差得果幾班車有咩好多大分別?


3.想空氣好D既
不如同搞掂區議會仲好


4.即係返到去七點鐘再私出去再做一單68X入元朗?
點個肯同你做?
蛇車都可以收得工、正字軌既仲咩唔繼續做968?

原帖由 da93 於 2011-7-11 01:44 發表


老實講句,
尖沙咀上車唔駛碌到落太子先返到馬鞍山已經要謝恩

係87D、281A既case來講都可以叫同意
但係長碌彌敦道既對外線實際上唔多

原帖由 neosan 於 2011-7-11 10:07 發表
到時要入沙田市中心咪又係時間..
基本上87D咁行已經係最快..

係大圍落再上獅隧其實係幾快...

原帖由 neoplan720p 於 2011-7-11 12:58 發表
點解968下繁返元朗, 整幾班車skip 金鐘 上環, 都會懷疑整唔爆呢?

如果同前車相隔10分鐘, 咁果部特快班次去到灣仔已經好肯定可以要企 >10個人, 仲唔滿意?

而果個時間亦都可以有968短棍, 專做金鐘上環一段既客.

成 ...

係做左與冇做分別唔大既情況下
咁我又覺得冇咩必要咁做
車又唔會多一班
乘客係會快左
但似乎968既情況下,冇咩需要再繼續大大力吸客
除非,968繼續有好大既增長空間