1993及1995年港島路線交接 與 近日澳門專營權交接亂局 比較

.


近日 澳門巴士專營權 及 運作模式改革 引發不少問題
令小弟想起十多年前 城巴兩次接替中巴路線 既情況


1993 及 1995 年 城 巴 兩 次 接 替 中 巴 路 線

城巴先後兩次接替中巴經營 28 及 14 條路線
當年殖民地政府唔希望一次性取締中巴服務
所以逐漸分批取消中巴路線專營權

當年小弟仍在巴士公司任職
兩次接替程序,政府及九巴都有仔細部署
如城巴接替後有混亂，政府有程序要求九巴支援新專營權內既服務
其實，該兩次接替，九巴在之前數星期已派車在有關路線試車
安排那條路線由那區那廠負責

當然兩次接替，都無出現混亂

而 1998 年，新巴在六個財團入標角逐下
成功奪得中巴餘下88條路線專營權
由於新巴接收中巴資產及員工
所以亦沒有出現混亂



2011 年 8 月 澳 門 巴 士 專 營 權 交 接

兩年前，澳門政府銳意改革公共巴士服務
由政府主導服務，營運者向政府提供服務
將澳門全部60條巴士路線分成五組招標

兩年間，發生澳巴招標事件
結果由新福利,澳巴及維澳蓮運攤分五組路線
(竟然大路線由新公司營運)
(維澳蓮運既母公司,就是現時香港電車既母公司)

澳門交通事務局似乎沒有風險意識
沒有制定一旦接替後混亂既應變
更沒有理解 澳門招募公共巴士司機既困難
對法資公司信心爆滿

結果，八月一日新專營權啟動
維澳蓮運有車無人駕
昔日線皇一律淪陷
澳門市民怨聲載道
即時要兩間舊公司派車支援
亂局相信要長期持續
（有如 1998 年香港新機場啟用既混亂）

●●　有關澳門新巴士專營權詳情，請參閱Ｂ４版　●●


或 許 ， 當 年 港 英 政 府 視 野 較 闊
有 危 機 意 識


.

[ 本帖最後由 n281 於 2011-8-5 10:23 編輯 ]

凡係有大 project，都應該有風險管理，讀過管理的都應該知道....
1/8 維澳出事，見到澳門政府好似束手無策，過左一日半先搵到新福利派幾架支援車，
完全係風險管理全 FAIL.....

我唔會話港英政府有遠見，而係正常一個政府都應該識得咁做.....

P.S. 回想年初，城巴提供$2車費回贈，適逢大年初一，城巴都做足風險管理準備，
plan 好晒應變，好多職員嚴陣以待，亦搵人不斷實地測試、監察同匯報，結果八達通程式順利運作....
睇落好簡單的事，其實背後真係要做足工夫.....

其實澳門交接同香港所面對既都係同一問題:車長工資少,工時長,無前景

九十年代香港經濟好,楂巴士年年加10%人工,勤力少少可以搵到二三萬,
當時城巴新公司架車有冷氣,工作環境好,自然容易吸納各行業人仕楂車,
結果城巴當時最頭痛係車多過人手問題

今時今日架架巴士都有冷氣,工作環境無大改善,工時長,乘客越來越惡,
以前人等車,而家動不動話要投訴拍片,試問邊有人願意做"厭惡性工作"

原帖由 da54 於 2011-8-5 10:31 發表
凡係有大 project，都應該有風險管理，讀過管理的都應該知道....
1/8 維澳出事，見到澳門政府好似束手無策，過左一日半先搵到新福利派幾架支援車，
完全係風險管理全 FAIL.....

我唔會話港英政府有遠見，而係正常一個政府都應該 ...

風險管理任何機構都會做,只係澳門情況較為特別,因為當地除左
巴士的士就無其他交通工具,巴士服務做得唔好,自然會影響整個
社會

其實澳門唔係無風險管理,只係信任新公司有能力處理,結果一開波
就出事,搞到要搵番舊公司去支援

原帖由 orange 於 2011-8-5 10:44 發表
其實澳門唔係無風險管理,只係信任新公司有能力處理,

呢兩句係有矛盾的....
風險管理就係要考慮埋新公司無能力處理的情況.....
單憑個信字，肯定唔係風險管理。

原帖由 da54 於 2011-8-5 10:50 發表

呢兩句係有矛盾的....
風險管理就係要考慮埋新公司無能力處理的情況.....
單憑個信字，肯定唔係風險管理。

6月尾維澳蓮話已請8成人手,其後報導都話工作順利,
做官既自然覺得維澳既有澳門公司,又有外國營運商
參與,按理會有經驗,結果出現比起九公司欠人收車還
要更差既欠人收線

今時今日一個"信"字可以係好亦可以係壞,但今次偏向
壞既方面,風險管理最大目的係防避意外,你相信佢會做
得好但同時要避免意外,正如一般公眾泳池落水前唔會
check你識唔識游水,但點都會有個救生員當值

[ 本帖最後由 orange 於 2011-8-5 11:13 編輯 ]

原帖由 orange 於 2011-8-5 11:09 發表

6月尾維澳蓮話已請8成人手,其後報導都話工作順利,
做官既自然覺得維澳既有澳門公司,又有外國營運商
參與,按理會有經驗,結果出現比起九公司欠人收車還
要更差既欠人收線

今時今日一個"信"字可以係好亦可以係壞,但今 ...

請 8 成人手都無用，當維澳開檔前兩日都仲可以罷工時，
澳門政府應該要準備好最壞情況當日無人開工要點做....
(7.31 晚我都有同人講笑話如果維澳員工第一日就罷工就有好戲睇，
結果唔駛罷工都亂晒龍)

香港都唔係未試過大型項目風險管理出問題... 新機場初開貨運系統大混亂
已經係一個例子，又係一個信字出事。

原帖由 da54 於 2011-8-5 11:32 發表

請 8 成人手都無用，當維澳開檔前兩日都仲可以罷工時，
澳門政府應該要準備好最壞情況當日無人開工要點做....
(7.31 晚我都有同人講笑話如果維澳員工第一日就罷工就有好戲睇，
結果唔駛罷工都亂晒龍)

香港都唔係未試過大 ...

總次一句, 花生都唔夠派...

1/8 看見維澳在大站有更亭無人當值(葡京外),已經心知不妙...好懷疑佢地就算請人做站長結果都踢埋去做司機打杖, 可憐交通局企站的靚女成家人都俾人問候齊...

不是說笑,今次維澳請人在香港登過報,可是最後圈子中入了信的朋友都完全連見都無見過工...包括巴士公司做緊的.

[ 本帖最後由 leslie 於 2011-8-5 13:27 編輯 ]

呢個同澳門本身政府文化比香港更因循苟且有關，
佢地對危機意識管理都係好幼嫩，甚至我識嘅一般澳門市民，甚或大學生，
根本無呢種意識形態。
加上巴士公司本身又係政府養，更加唔會用腦同你諗掂佢。