1993及1995年港島路線交接 與 近日澳門專營權交接亂局 比較

原帖由 edhong 於 2011-8-5 15:14 發表


KC3555終於講到重點
兩地文化互有不同
我都唔知道有乜好比較
比較完講比人知香港管理係最好 ?
定係認為澳門必須跟隨香港管理文化 ??
有D人更自以為理解澳門需要什麼
把香港果套放落澳門 ... 唉 ~ ...

比較係必然，無需要講到比較係一種罪。
呢個世界就係一個比較的世界，正如文化有幾唔同都好，
評級機構一樣會去進行比較，亦都會有好多人去參考並作出重要決定。

妥善的管理係全球通用的，事實上澳門人並無因為缺乏風險管理而受惠，
佢地同全球需要依靠公交的人一樣，希望有穩定可靠的公交服務。
難道澳門人唔想改變？好多澳門人一樣鬧爆政府、想汪雲下台。
風險管理亦唔係香港獨有，你去澳門大學讀 BBA 都會教。

文化有差異係原因，但並唔係拒絕改善的藉口。
正如大陸高速列車有問題，你可以話大陸文化同外國唔同，
但唔代表咁樣就可以將問題合理化。
只有當官的先會話因為有文化差異而無需比較。

所以小弟唔明康師傅何解要拒絕比較。我相信 KC3555 兄亦只係道出
差異背後的文化因素，而非認為澳門永遠無法進步下去。

[ 本帖最後由 da54 於 2011-8-5 15:50 編輯 ]

我唔覺得香港有幾好，維澳出唔齊車，澳門交通局第二日就指令其他巴士公司派巴士支援。反觀香港嘅九龍巴士日日收車，收足超過一年，香港政府又做過啲咩嘢？更加唔好話加其他巴士公司Quota叫佢地做埋一份。

原帖由 PB602 於 2011-8-5 22:20 發表
我唔覺得香港有幾好，維澳出唔齊車，澳門交通局第二日就指令其他巴士公司派巴士支援。反觀香港嘅九龍巴士日日收車，收足超過一年，香港政府又做過啲咩嘢？更加唔好話加其他巴士公司Quota叫佢地做埋一份。 ...

目前政府仲係玩既緊保鐵....
減少巴士班次正是佢地想做既事