九巴乘客聯絡小組2011討論內容(1)

原帖由 rickywk 於 2011-8-7 11:55 發表
咁只會迫爆235...

另外o個個路口私牌車可以咁樣轉右入安蔭，但載客車就唔俾右轉..
但我唔記得N237可唔可以右轉

N237也需繞經大白田街及石梨街往安足街。

原帖由 FD8977@102 於 2011-8-7 15:01 發表
九巴自2004年開始
乘客小組用官方形式笞
睇下城巴,新巴,MTR BUS,嶼巴
佢地做野態度好過九巴
如果九巴無心機做
不如唔好做

既然明知九巴班人係人肉錄音機,
點解有機會去到都唔兜口兜面剷佢地?
請乘客俾意見都仲用呢種態度敷衍了事?

不如 235 係早繁抽幾班車做 235P 直落梨木道, 然後拉晒D車落北葵涌街市起載, 起碼安蔭乘客唔洗兜入去, 石蔭乘客又可以多D機會有位坐

原帖由 AVW28 於 2011-8-6 22:11 發表
新界東(2)建議：
1. 81情況：
a. 反對美輝街加站
b. 路線迂迴，可否拆開兩線？(即一條專做美林大圍，呢個可以搞81S；另一條係火炭、源和路同沙中)
17. 82K延長至美田，並其中一個方向不入威院。

小弟想問下呢兩樣，九巴方面點答？

原帖由 FD8977@102 於 2011-8-7 15:01 發表

九巴自2004年開始
乘客小組用官方形式笞
睇下城巴,新巴,MTR BUS,嶼巴
佢地做野態度好過九巴
如果九巴無心機做
不如唔好做

我唔記得01-03邊年參與過，答得仲官式，
不過照以上各位的回應，已經進步好多。

Crotone兄心態就最正確，為咩？九巴請你食飯你都唔領情就太傻啦。
呢場只係政治Show，使乜咁打緊？
如果唔開，就係違反專營權，就唔使撈啦。（關於乘客聯絡小組，請詳見專營權第15點）
總之巴士公司賺你咁多，食返佢少少，大家高興，九巴又多謝你俾機會佢繼續服務市民，
開開心心，唔使認真，盡左自己本份就算啦。

不過，今年要去麗豪酒店搞，同九巴一樣，反映士氣低落，
試問一間成日食到人入醫院嘅自助餐，Ｄ員工點有士氣？
我估佢地都係有水唔斟，有人食完隻碟唔收，出面無嘢食又遲遲唔添，唔知係咪咁呢？

我估係麗豪總好過某年係九巴總部攪那次..(不過果年我好似唔得閒去,去不到)..

那日我聽到有人講九巴應該下次去汀九果間酒店攪..包保無人去

原帖由 dcyw 於 2011-8-7 15:11 發表


N237也需繞經大白田街及石梨街往安足街。

因為我印象中，AM仲係N237掛牌o個時，可以右轉入安蔭

原帖由 trident322 於 2011-8-7 10:35 發表
85c 響荷里活上車入沙田都要$7.1, 咁貴, 邊有人上呀~~~ 一係就攪好個分段先啦~~

8月7日下晝，荷里活廣場，好熱
85M：中等人龍，我等車時間內來了三班。
286M：小量乘客，我等車時間內來了一班。
82X：條龍好長，最後有車來時我估最前排的人等了20分鐘以上；
　　　我就係等82X，一架入站後，又來一架接近吉車。
84M：幾個知時間的熟客等車，在82X後入站。
85C：零人，車來都無82X/84M的人轉投。鬼咩，成$7.8！

根本唔使等轉85X，而家85C都可以早走早著，
行返剛開大老山的定線，龍翔道直上橋。
85X全日係要盡快做，車都慳返一兩部啦。

原帖由 FD8977@102 於 2011-8-7 15:01 發表

九巴自2004年開始
乘客小組用官方形式笞
睇下城巴,新巴,MTR BUS,嶼巴
佢地做野態度好過九巴
如果九巴無心機做
不如唔好做

我個人估計，這是遲早的事，只不過預計唔會係呢5-10年內發生咁解。

原帖由 2157 於 2011-8-7 12:48 發表


席上有乘客指九巴保守，不去嘗試開拓客源，並舉出多年前隧巴118為例，見城記開線成功後半年才派車，但席上九巴代表竟回應指118一開線就是聯營，簡直無知又無恥 九記有如此"官員"，還有明天嗎?! ...

講開118，就算你唔全日唔經北角，繁時搭幾班特車唔經甚至118P早繁開雙向都得掛？最多返柴灣既班次少d。
118都好似係城巴開辦先，跟手九巴想加入，先搵線(好似係681)交換。

原帖由 neosan 於 2011-8-7 12:31 發表
將南同期有九巴既天北..
但九巴係天北做得比新巴將南好好多..

西九黎黎去去都係701/702..
自從無左免費轉乘之後, 701客量最少跌左4成..

九巴做天北做得好我唔否定佢後天既努力，先天都有唔少優勢(欖隧轉乘)。
將南果度，的確做得唔好(尤其頭果幾年)，但都開始有進步，如798既開辦、796X拉落尖東(尚德可以搭296D、將南調景嶺雖然可以搭MTR)。
我果組有人係兩年前個會議提議九巴開沙將線，但九巴唔肯，最終新巴食埋。果位人兄仲當面舊事重提。

西九既話，701冇左班西鐵客，都仲可以做旺角客，縱使得返海麗係獨市(南昌富昌有12A/212)。
701我諗客量仲有上升空間。
702我唔評論，未知去左又一城之後客量點呢？

原帖由 trident322 於 2011-8-7 10:35 發表
85c 響荷里活上車入沙田都要$7.1, 咁貴, 邊有人上呀~~~ 一係就攪好個分段先啦~~

我相信都有馬鞍山人都想呢條線連鑽石山都飛埋。
馬鞍山有更平更快捷既選擇，第一城既選擇又平最少$1.5。
冇理由要馬鞍山人陪兜冇乜人上車既站點呀？(順路就話，但85C個情況係明明可以飛得呢區)。

原帖由 12A 於 2011-8-7 10:28 發表
現在城隧線限死在轉車站轉車, 但有人話轉車站太多人, 秩序混亂
當年就話無八仔, 但現在幾乎人人有卡, 可以參加到八仔轉乘

不如放寬個優惠, 比用八仔的乘客可以在轉車站後才轉車, 又或者用優惠價駁區內線
分散轉車站人流....
例子一 : 荃灣去錦英苑, 現在要 49X > 40X
但繁時在隧道口是很難上40X, 有可能等3架車都上不到
我就會建議將部份乘客分流過86K, 班乘客就返到沙田先轉車
不用全世界迫在轉車站, 或者要比5個幾坐86K

你個建議幾好，但最弊九巴唔肯呢！
果日有穗禾苑人希望加埋80M落81個轉乘度(或80M加分段)，都唔制，寧願令81K更擠迫。
81K已經掯左同幾條大線既轉乘(81之外，仲有89、48X等)，想80M分流下都唔得。

而轉乘E42果度，係因為有屋邨/細區連一條機場線都冇。龍運機場線係整個沙田連馬鞍山既覆蓋率最多8成，果2成係火炭、顯田、清晨6點後既廣源和源和路。

原帖由 DIH 於 2011-8-8 00:15 發表
8月7日下晝，荷里活廣場，好熱
85M：中等人龍，我等車時間內來了三班。
286M：小量乘客，我等車時間內來了一班。
82X：條龍好長，最後有車來時我估最前排的人等了20分鐘以上；
　　　我就係等82X，一架入站後，又來一架接近吉車。
84M：幾個知時間的熟客等車，在82X後入站。
85C：零人，車來都無82X/84M的人轉投。鬼咩，成$7.8！

根本唔使等轉85X，而家85C都可以早走早著，
行返剛開大老山的定線，龍翔道直上橋。
85X全日係要盡快做，車都慳返一兩部啦。

其實唔好話鑽石山返馬鞍山/第一城，土瓜灣返鑽石山都有替代啦！
只要搞搞3B同11已經可以令85C唔入鑽石山。
係龍翔道麻煩，11K要竹園行返落山，11要黃大仙總站行過去，3B要係黃大仙彩虹道/鳳德行過去。
樂富既，返沙田區搭港鐵啦！紅磡返來，仲有11K/7B。

我真係寧願85C照用返現時編號，但唔該跟805S上隧道。

原帖由
流星☆雨
於 2011-8-7 21:09 發表
小弟想問下呢兩樣，九巴方面點答？

81拆線：不建議，因拆線令資源減少、班次拉疏；若拉長去火炭，會令車費上調。
81美輝街加站：同運輸署研究，再同區議會討論。
82K拉去美田：冇答到！(就算有都係答官話，話車費上調)

原帖由 bustop
於 2011-8-7 15:23 發表

既然明知九巴班人係人肉錄音機,
點解有機會去到都唔兜口兜面剷佢地?
請乘客俾意見都仲用呢種態度敷衍了事?

我果組有，九巴代表當堂冇聲出。