屯門公路擴闊工程

都唔知應該起咩標題好 不過想係度講今次屯門公路擴闊工程害人不少 而家搞到日日朝早8 點開始塞車不止
仲要3 日唔埋整一單交通意外 起因都係果d 畸呢既修路累事 就上個星期 出九龍方向過左深井跟汀九橋交界位封左條慢線 但又冇清楚路牌 搞到d 要去荃灣果d 車一係逼左上汀九 一係就夾硬抽過中線 睇慢d 都唔掂
黎緊既日子點搞呀...

朝早8 點開始塞車 ?

我朝朝 8 點幾搭 E33 返工又冇乜點塞喎

原帖由 FD_8592 於 2011-9-6 09:16 AM 發表
都唔知應該起咩標題好 不過想係度講今次屯門公路擴闊工程害人不少 而家搞到日日朝早8 點開始塞車不止
仲要3 日唔埋整一單交通意外 起因都係果d 畸呢既修路累事 就上個星期 出九龍方向過左深井跟汀九橋交界位封左條慢 ...

永遠做工程都是有影響﹐永遠都係做完工程才有收成。

唔做擴闊﹐你而家及以後都要日日涯塞車﹐除非有新的代替道路出現。以屯門公路去看﹐恐怕未來十年八年都唔會出現。
而家做擴闊﹐短暫增加塞車﹐但完工後交通流量有所提升﹐塞車機會大大減少。

為未來忍多幾年﹐怕塞車交通意外﹐在可行的情況下使用西鐵。

原帖由 kei_hk 於 2011-9-6 12:41 發表
唔做擴闊﹐你而家及以後都要日日涯塞車﹐除非有新的代替道路出現。以屯門公路去看﹐恐怕未來十年八年都唔會出現。
而家做擴闊﹐短暫增加塞車﹐但完工後交通流量有所提升﹐塞車機會大大減少。

以我理解，而家屯門公路主要係做重建同改善工程，所謂既擴闊都係擴闊路肩同行車線的闊度以符合最新標準，但係行車線數目冇增加。將來d車的確係會行順左，但係未至於塞車機會大大減少。

原帖由 XF206 於 2011-9-6 13:36 發表

以我理解，而家屯門公路主要係做重建同改善工程，所謂既擴闊都係擴闊路肩同行車線的闊度以符合最新標準，但係行車線數目冇增加。將來d車的確係會行順左，但係未至於塞車機會大大減少。 ...

但將來如果有車響屯門公路發生咩事 (e.g. 壞車)
都可以停埋去路肩等人黎救車
唔需要再霸住一條行車線
咁已經減少左塞車機會

原帖由 exspeed 於 2011-9-6 11:56 發表
朝早8 點開始塞車 ?

我朝朝 8 點幾搭 E33 返工又冇乜點塞喎

但我上1,2 個星期日日8 點幾開FB 都見到我D FD話塞車 可能係你好彩

或者我講得唔好 屯門公路做改善係好事 但係我能見到既咁多道路工程之中 係得呢個工程到咁多意外 而呢D 意外唔係我個人吹水吹出黎 而係百份百既事實 咁係唔係應該負責有關工程既公司需要多多注意呢?呢個就係我想帶既野

原帖由 FD_8592 於 2011-9-7 01:16 AM 發表
或者我講得唔好 屯門公路做改善係好事 但係我能見到既咁多道路工程之中 係得呢個工程到咁多意外 而呢D 意外唔係我個人吹水吹出黎 而係百份百既事實 咁係唔係應該負責有關工程既公司需要多多注意呢?呢個就係我想帶既 ...

屯門公路未擴闊的路段﹐本身已經唔係闊﹐令條行車線都唔及今天的標準。

當有工程要進行﹐便要在這些較窄的標準行車線﹐進行收窄及修改行車路線﹐對駕駛者有一定的危險﹐自然會減慢車速﹐令到整體行車減慢。

由於工程可以令行車道改變﹐例如突然向右傾﹐之後又全部向左傾﹐司機只要不留神﹐便會撞路邊的水馬﹐或者撞到則邊的車輛﹐交通意外機會自然高。

可惜係﹐現實中係無辦法去處理這方法的問題﹐除非封閉1條行車線﹐令到另外2條行車線可以加闊﹐也令工地可佔用這一條封閉的行車線﹐令到行車線不用修改突然偏左偏右。

塞車係一時一時, 好似今個星期就比較暢順, 星期一八點廿分連大欖長命斜都唔駛慢車,
但只要有少少事 (好似壞車) 就好麻煩, 試過朝早有交通警o係小欖斜截停違規入巴士專線
既車攪到巴士專線塞餐飽。

夜晚最厲害試過一星期五日有四晚繁忙時間 (六、七點) 都有交通意外, 日日都塞。

原帖由 FD_8592 於 2011-9-7 01:10 發表

但我上1,2 個星期日日8 點幾開FB 都見到我D FD話塞車 可能係你好彩

我就覺得工程後冇話塞得特別嚴重左, 通常 8:10am - 8:20am 上車, 一個鐘後就到

反而上星期三夜晚十點幾都塞, 深井開始塞, 但一過小欖就冇事