「新聞討論」灣仔企跳男子不滿兒子無法派往心儀學校

kwyeung兄說得對、最惨D家長以身作則教壞細路呢、佢地D小事又投訴、大事又投訴的習慣呀、聲大夾惡呀、蠻不講理呀、幫佢地好似老馮呀、冇禮貌等等、走偏門就更加正常啦、D細路見父母都咁做、咪自己學埋一份咯、我看將來只會更多呢類人要生要死去得到想要嘅野。

原帖由 kwyeung 於 2011-9-10 22:33 發表


當年我就係jupas頭三個choice放哂神科, 搏入唔到,
順便滿足親戚朋友既虛榮。
結果不幸地A1收左我, 捱足咁多年

點都好, 我就唔贊成呢類怪獸家長, 乜野都要生要死要投訴。
以前聽過一個law firm partner講, 佢當年中學派位唔合情理,
自己走上去教育署講數, 最後入到心儀學校。
今時今日, 點解冇人有guts咁做？仲要父母都係靠旁門左道爭取。

個仔上到中學, 應該要以身作則,
教曉佢點樣用自己能力, 係社會光明磊落生存。

我反而想問, 何解 "走上去教育署講數" 又唔算 "旁門左道"? 正常人都係接受電腦結果, 上教署結果即係靠外力人手去改變結果, 點解又唔算旁門左道

原帖由 頭文字TRIDENT 於 2011-9-10 22:20 發表
唔好信晒明報的報導
佢第一次獲派個間陳白沙紀念中學係 Band2 學校

而據我從某消息人士所知
依位同學先後被轉介到南區某英中,灣仔區某英中同東區某 band 2地區中中名校等學校就讀
但因為有關人士無係頭個個禮拜準時 ...

d學校都唔會想收佢啦, 有個咁嘅怪獸家長,
怪獸家長容乜易連個仔被罰留堂, 都鬧到d老師狗血淋頭

原帖由 h2o 於 2011-9-11 01:19 發表


我反而想問, 何解 "走上去教育署講數" 又唔算 "旁門左道"? 正常人都係接受電腦結果, 上教署結果即係靠外力人手去改變結果, 點解又唔算旁門左道

當年民風純樸, 仍未有叩門、自行面試、甚麼性系統評估等諸多花款,
只看成續攪珠, 如學生A和B同以C校為第一志願,
A成績較好, B入了C校而A卻派到二流三流學校,
當然有理由相信系統出錯。

系統出錯, 上教育署興師問罪, 查明原因轉回C校,
又豈算旁門左道？我倒會稱之為據理力爭。

所謂旁門左道, 就是理應入D校, 卻因極度失望而發爛,
走到教育署一哭二鬧三上吊, 別人怕潑婦罵街而被迫更改結果。

呢位家長冇理由唔知一樣野
叫做隨機號碼
只係呢樣嘢, 已經冇得好講

再者, 話明 "名校"
你估會唔會只得原區學生去報?
你個仔係前十名, 係一間學校的前十名, 唔係全港學校的前十名
自行選校選唔中, 即係個仔的實力還未及其他人
就係咁簡單

早幾年聽 D 教書朋友講, 已經越來越多家長乜都為小朋友出頭
再加上早陣報紙又話十零廿歲的畢業生返工唔鐘意
父母代為出頭找僱主晦氣
宜家父母為個仔搵唔到心儀學校而打算跳橋時
其實個細路仲可以過意得去咩

原帖由 cky 於 2011-9-11 05:16 發表
呢位家長冇理由唔知一樣野
叫做隨機號碼
只係呢樣嘢, 已經冇得好講

再者, 話明 "名校"
你估會唔會只得原區學生去報?
你個仔係前十名, 係一間學校的前十名, 唔係全港學校的前十名
自行選校選唔中, 即係個仔的實力還 ...

其實如果個位家長係有心玩落去, 大可以同政府打官司 - 打隨機號碼呢一點,
究竟有冇存在唔公平 o既成份 ~

不過我自己就覺得, 呢個世界不嬲都係咁,
有時有 D 野係冇得講, 你係要學識接受現實 ~

報紙話佢地係新移民, 話而家政府岐視佢,
我心諗, 你覺得香港政府岐視你, 咁你未返上大陸囉, 冇咩必要起度丟自己架 ~

面係人地比 架係自己丟
而家佢咁樣, 真係全香港 o既人都識佢囉,
若果有朝一日有人搵到佢個仔係邊個, 我又睇下佢全家人點收科 ~

隨機號碼係電腦派位那一刻才產生出來的，過程完結後自動取消
所以呢個根本冇得拗是否公平
佢話考得比他個仔差的都入英中，只因同一學校的同一組別的人數有關

而且，假設佢話考前十名，點都係第一組別吧
成個搞珠程序一定係派晒所有第一組別的學生才會到第二組別
即係第一組別派第30間都會優先過第二組別的第1間
因此除非佢可以證明到比他低一個組別的學生派到入佢認為心儀而又有填表的學校，咁就有得打
否則, 多餘啦