巴士水'砵'一問

原帖由 av220 於 2011-9-11 11:10 發表
回KEI_HK:
你講開又好似係, 以前成日見到雞/鴨只係開一邊水撥.

新巴 DM 兩邊水撥均可獨立開關和控制速度。

原帖由 av220 於 2011-9-11 11:10 發表
不過話時話, 城記FLYER 上層個水撥, 係咪全部冇晒啦?
如果上層都開埋, 應該好過癮.

已全數拆除。

如果講冷蘭/豪, 各公司的水撥是不同的, 九巴應該通通都係兩個獨立摩打, 所以通常兩邊速度不規則。

城巴就唔同時期有些不同, 最早期裝銀幕下面, 後來又改裝上面。但最後期的又改裝回下面, 就用了一個中央摩打, 兩邊速度規則。改裝下面, 可能為了摩打不用妨礙牌箱運作。

中巴富豪的就裝上面, 但看起來比較 "鬥雞", 兩個水撥黐得較埋, 摩打一大舊 (好似係一邊大一邊細) 在牌箱下, 印象中唔係中央摩打, 都係獨立兩個, 只係放埋一齊?

原帖由 LB9774 於 2011/9/10 22:51 發表
仲有呢新巴的超富豪,三鋒,用AL個隻,並不是E500個隻
點解??

佢銀幕係一分為二的, 點用 E500 果隻水撥? 咪會刮到中間個銀幕分隔柱囉。

原帖由 av220 於 2011/9/10 22:21 發表
中記既VA 又係, 唔鍾意見到水撥放在車頭窗中間.
這都是新車不會見到的. 可能如板友話齋, 新車水撥有分"原位" 同"唔係原位"

中記 VA 水撥的 "原位" 應該是偏中間而非兩側。

原帖由 kei_hk 於 2011/9/10 22:40 發表


以前熱九車﹐包括S3M, S3BL, S3N 等﹐水潑直情係分2個開關製的﹐係可以獨立開任何一邊的水潑。
講真﹐我都唔明點解有此需要。(可能係珍寶年代帶落)

可能以前的水撥係獨立連摩打和關關掣一舊過生產的, 不會和另一個水撥有任何關連, 或者係為成本較低, 並不是從 "需要" 方面考慮。

原帖由 syp 於 2011-9-11 11:27 發表
如果講冷蘭/豪, 各公司的水撥是不同的, 九巴應該通通都係兩個獨立摩打, 所以通常兩邊速度不規則。

城巴就唔同時期有些不同, 最早期裝銀幕下面, 後來又改裝上面。但最後期的又改裝回下面, 就用了一個中央摩打, 兩邊 ...

反而想知既係,
好似城巴咁,
裝銀幕下面,
個視野會否更好?

九龍公司一律裝上面既設計既時候,
有時有D比較高大既司機,
落雨天時係難以望見路面,
因為水撥撥唔到佢對眼向前望既位

原帖由 da93 於 2011-9-11 13:31 發表


反而想知既係,
好似城巴咁,
裝銀幕下面,
個視野會否更好?

九龍公司一律裝上面既設計既時候,
有時有D比較高大既司機,
落雨天時係難以望見路面,
因為水撥撥唔到佢對眼向前望既位 ...

裝喺下面會容易望見路面,
但裝喺上面睇左鏡會好睇好多

原帖由 syp 於 2011-9-11 11:37 AM 發表


可能以前的水撥係獨立連摩打和關關掣一舊過生產的, 不會和另一個水撥有任何關連, 或者係為成本較低, 並不是從 "需要" 方面考慮。

我記得以前珍寶係裝上方的﹐乘客是可看到2個磨打的﹐我記得2個磨打上面都有一個開關制的。

問題係﹐司機一邊的一個﹐勉強都仲可以伸手去用這一個開關制﹐左方的水潑又點去開關?

其實咪又係有另一個制在司機位附近﹐坐定定伸手可達的位置﹐不過都係分開2個獨立制去控制水潑的。


我記得﹐初期的s3n,s3bl 的水潑制是分開左右獨立制﹐但係個開關是位於司機位上面的(即車窗上面的一排制)。
在統一1個制的時間﹐改裝在錶版之上。
而s3m 是在錶版則的電制位。

講真﹐技術上要1個制控制2邊水潑﹐一點也不難。一條線來電﹐電制開關後分做2條線便可以﹐稍有常識都識做。

要分獨立制﹐我只講到原因只有1個﹐便是慳保養成本。
大家都知﹐舊車是2個獨立磨打﹐速度係不一的。當年又以實用為主﹐但求用得便算﹐所以便不會安裝什麼回撥裝備。
在下雨之後﹐點去控制2邊水潑返回適當位置? 最簡單方法咪獨立去控制開關﹐去到適當位置便關水潑﹐一邊做完便做另一邊。

至於點解其後要統一1個開關制?
以司機去看﹐2個獨立制當然係煩啦﹐所以很多時唔係太大雨便只開1邊。但另一邊便會有雨水﹐影響視線﹐市民及高層看到的﹐便會覺得有危險﹐所以咪改為1個制。

點解其後再加回撥裝置?
前面已講﹐2個磨打是不同速度的﹐很多時都好難配合2邊都停在適當位置﹐令到阻擋司機視線。
要花好多時間才可令到2邊水潑去番適當位置﹐同時好多時係停雨後才會做﹐會「乾刮」玻璃﹐令水潑損耗加速。
所以便要加上回撥裝置﹐為司機著想。事實上行車期間司機不停去開關水潑令到歸位﹐是會令司機分神﹐增加行車的危險。

提起珍寶，令我想起中巴亞歷山大車身的珍寶，水撥是一上一下，印象中兩個係獨立開關，司機通常都只會開司機位0個個，左邊0個個好少開，因為開左都冇用，掃唔到塊倒後鏡0個個位

原帖由 syp 於 2011-9-11 11:27 發表
中巴富豪的就裝上面, 但看起來比較 "鬥雞", 兩個水撥黐得較埋, 摩打一大舊 (好似係一邊大一邊細) 在牌箱下, 印象中唔係中央摩打, 都係獨立兩個, 只係放埋一齊?

中巴VA (只限VA1-VA50) 係用一個摩打, 放在右邊 (即係大舊啲嗰邊), 再用連桿拉動左邊水潑 (細邊), 由於係上置式設計, 所以無咁多空間放咁長的連桿, 所以兩支水潑會裝得比較埋.
VA用單摩打的時候, 九城仍然用獨立摩打, 所以覺得中巴嘅水潑活動規律得多, 不過VA51-VA64跟返九巴規格, 所以又用返雙摩打設計.
VA係專利巴士中, 目前唯一一款中置下吊式, 又用單摩打的設計, 之後用下吊式都改用Wright, E400偏埋司機位摩打 (右舦右邊, 左舦左邊) 的設計, 不過Wright, E400的好處係潑刮的實用面積係比較多, 同埋唔用時唔會阻住視線.