長實設計 三部門被轟錯批 遺害千師生爬長命梯

原帖由 kmb113 於 2011-9-24 23:17 發表

其實當年我係聖類斯 D 人住石塘咀
明明知道有兩條長命斜 (大馬路&廣豐里) D人都唔會同你早少少到
咪一樣跑到隻野咁... 仲要我地學校唔興操場(足球場)早會。係直接上課室聽校長廣播GA...
跑完長命斜仲要爬一至五層 ...

St. Louis 對我0黎講已經好好行。

我以前仲住係石塘咀，係St. Paul 男校讀0個陣，無論
行前門、後門、定係興漢道都係差唔多，分別只係行
樓梯定係大斜路。

不過由小學開始行0左十幾年大斜路，都慣0左 Lu......
仲因為咁練到自己0既步速愈0黎愈快。

KING'S 咪一樣~!!! LUNCH 食飯 落O左山 要上返山...真係服O左去可塘咀同我地 ST LOUIS & ST PUAL仔 爭飯食既 KING'S 仔 人~!!! 真係唔好來港島讀書呀~!!! 會行到死...間間學校都係半山上面~!!!
天主教總堂區小學... 唔好話閒日好天行上/行下... 落雨先死得人... 醫院道上面D 水湧落來果下真係好甘~!!!

P.S. 講開 興漢道 依家搭小巴好似無人識得叫 興漢道有落 D人剩係識得叫 東閘有落，果次我叫 興漢道有落 成車除O左司機個個人當我怪物咁睇~!!!

原帖由 AVD1 於 2011-9-23 17:34 發表

我從來冇講過話咩行樓梯唔岩, 冇冷氣都唔岩,
我自己都有返過我 o既, 而家學校有冷氣機, 以前讀小學個陣未一樣冇, 大熱天時未一樣係咁上堂 ~

不過而家唔係講緊冷氣機問題
而係樓梯, 12 層你唔會覺得有點兒過份 ?  ...

好簡單，他日加多部Lift時，學校願打願挨去保養個部係人都用得的升降機的話，咪皆大歡喜囉

依家個兩間仲係新辦的學校，好多同屋苑之間的用地/設施問題相信都未解決，身為地產商的更加唔敢莽加設施，否則他日班業主覺得學校設施太多而唔認學校係佢地負責範圍咪死火！

再者，我依家返工一落邨都要朝九晚六咁，係一d依山而建的邨內的大樓睇圖睇設施，有時一星期五日都係咁行，都行o左接近半年，如果個d咁年青力壯的學生哥一日行個十二層都講到咁要生要死的，咁我想請教閣下我係未依家應該辭職以保尊嚴同關節健康呢？

[ 本帖最後由 E60 於 2011-9-28 21:48 編輯 ]

而家D富商好多都係為富不仁

務求賺錢,唔會理其他人

原帖由 E60 於 2011-9-28 21:47 發表

好簡單，他日加多部Lift時，學校願打願挨去保養個部係人都用得的升降機的話，咪皆大歡喜囉

依家個兩間仲係新辦的學校，好多同屋苑之間的用地/設施問題相信都未解決，身為地產商的更加唔敢莽加設施，否則他日班業主覺得學校設施太多而唔認學校係佢地負責範圍咪死火！

再者，我依家返工一落邨都要朝九晚六咁，係一d依山而建的邨內的大樓睇圖睇設施，有時一星期五日都係咁行，都行o左接近半年，如果個d咁年青力壯的學生哥一日行個十二層都講到咁要生要死的，咁我想請教閣下我係未依家應該辭職以保尊嚴同關節健康呢？

1. 身為地產商的更加唔敢莽加設施，否則他日班業主覺得學校設施太多而唔認學校係佢地負責範圍咪死火
咁我又覺得佢地買樓之前一早就知 o既, 如果係咁唔滿意你未唔好買囉. 所以我都唔係好鐘意 PI 班人日嘈夜嘈話飛機嘈. 你買 PI 個陣機場都已經起左架啦, 你好清楚個度係飛機航道, 你而家話飛機嘈要人地改航道. 真係好有問題. 你咁唔鐘意嘈你未唔好買 PI 囉, 咁佢地又去買 ?

2. 如果個d咁年青力壯的學生哥一日行個十二層都講到咁要生要死的，咁我想請教閣下我係未依家應該辭職以保尊嚴同關節健康呢？
敢問一句你幾多歲, 一個小一小二小三學生又幾多歲 ? 唔好成日以為一班仲成長緊 o既小朋友可以好似你一個成年人 (你上面講緊你返緊工, 好明顯係成左年) 真係有咁多能力. (當然我唔可以否定一個都冇, 但係以 common sense 黎講, 好明顯就唔可以將一個小朋友同一個成年人拉埋一齊黎講) ~

原帖由 AVD1 於 2011-9-29 15:36 發表
敢問一句你幾多歲, 一個小一小二小三學生又幾多歲 ? 唔好成日以為一班仲成長緊 o既小朋友可以好似你一個成年人 (你上面講緊你返緊工, 好明顯係成左年) 真係有咁多能力. (當然我唔可以否定一個都冇, 但係以 common sense 黎講, 好明顯就唔可以將一個小朋友同一個成年人拉埋一齊黎講) ~

132級樓梯, 係咪咁辛苦呢？
好多依山而建既老牌中小學, 都係行差唔多呢個數。

唔想行樓梯, 可以早少少出門口等電梯。
要舒服當然要付出, 成功需苦幹呀

Hor Hor，原來大人係唔可以投訴的，希望某君成年後會識自動封口

我只係覺得係我依家的工作壓力同出的汗水，同係中學個陣出的汗水比較，我已經唔再覺得係中學同依家讀夜校Degree的壓力係壓力黎(不過我中學個陣都唔覺行路辛苦)，行十二層樓梯？我唸我依家行一日邨都已經係佢地一日來回五轉都唔止啦，再者學某君咁講，香港中學多的是，冇人迫個班學生讀個間學校bor，成日話以前要同依家唔同，唔怪得之人類要不斷破壞大自然同地球啦

而且人好虛偽ge，我識某些人叫佢返工跑一日地盤，佢會乘機早收工，但有時同佢出街，佢由美孚行去佐敦都唔會Say No，真係唔該唔好睇小年輕人的體力

到佢地讀大學個陣，黑心講句佢地其中一個year 1就肥幾科，係未又去投訴大學點解Year 1就比最深的科目佢去讀？到佢讀Master個陣論文難寫，又投訴大學點解要佢寫萬字雞腸嗎？

o岩架，香港的商人係為富不仁，中國人一向有權就會使橫手架啦，但大家認為班業主又會個個好人嗎？

[ 本帖最後由 E60 於 2011-9-29 17:29 編輯 ]

原帖由 AVD1 於 2011-9-29 15:36 發表

2. 如果個d咁年青力壯的學生哥一日行個十二層都講到咁要生要死的，咁我想請教閣下我係未依家應該辭職以保尊嚴同關節健康呢？
敢問一句你幾多歲, 一個小一小二小三學生又幾多歲 ? 唔好成日以為一班仲成長緊 o既小朋友可以好似你一個成年人 (你上面講緊你返緊工, 好明顯係成左年) 真係有咁多能力. (當然我唔可以否定一個都冇, 但係以 common sense 黎講, 好明顯就唔可以將一個小朋友同一個成年人拉埋一齊黎講) ~

咁好老實講，我地呢班六七八十後，有邊個未經歷過小一0既階段？有
邊個係返放學同小息0個陣，未試過係學校入面行成六七層樓先返到自
己0既課室？我相信呢度咁多位板友0係細個0個陣，每日都要不斷咁行
上行落，但係而家佢地咪又係行得走得......

而我自從小學開始，日日都0係行上半山返學，由以前住石塘咀行到而
家搬去堅城，由六歲行到而家都就0黎廿四；由以前返學，變成而家去
半山區0既客仔度送0野。如果小朋友0既腳真0係好似你講咁脆弱0既話
，咁我而家咪要成世坐輪椅？

而且你要知道，以前 lift 係中小學入面係一種奢侈品；而且就算真0係
有 lift，都只係俾教職員同訪客用，學生係唔准搭架......

多言了。

其實除了西半山區，北角那邊都會有不少人以前要經油街那邊的樓梯，或者經炮台山道上山上學，大約於2008年才完成加建升降機及扶手電梯。

[ 本帖最後由 hkaiw 於 2011-10-1 10:50 編輯 ]

原帖由 hkaiw 於 2011-10-1 10:47 發表
其實除了西半山區，北角那邊都會有不少人以前要經油街那邊的樓梯，或者經炮台山道上山上學，大約於2008年才完成加建升降機及扶手電梯。

基本上成個港島區既學校大部份都係依山而建~!!! 無邊個學生係唔需要上落山同樓梯就可以翻到學...