19/9起692(P)調整服務時間及班次; 601P加班

始終覺得 692 應彷效 603, 往港島只停灣仔及中環〈經東廊、告士打道、夏愨道〉，而返將軍澳改為過維園後入興發街上東廊，由灣仔開始返將軍澳可設分段收費；至於 692P 可用作上午繁忙時間由將軍澳往天后站(經英皇道)，下午繁忙時間則由天后返將軍澳(經英皇道)，同時 692 可以與 601 全日提供雙向轉乘優惠 (類似 63X, 68X 及 69X 與 281A 做法)，不應一刀切取消，部份那些一半或以上路段與鐵路平衡但又有一定乘客需求的路線(如 新巴8, 城巴E11, 九巴 63X) ，都並非一定要取消，稍作修改行車路線來應對！

原帖由 PC2625 於 2011-9-17 03:00 發表
始終覺得 692 應彷效 603, 往港島只停灣仔及中環〈經東廊、告士打道、夏愨道〉，而返將軍澳改為過維園後入興發街上東廊，由灣仔開始返將軍澳可設分段收費；至於 692P 可用作上午繁忙時間由將軍澳往天后站(經英皇道)，下午繁 ...

你舉例既 8（柴灣斜）、63X（洪水橋、藍地） 同 E11（後勤區）都各自服務無重鐵到達既客源，
相反 692 係完全同鐵路重疊（尚德去將軍澳站只需 5-10 分鐘），客量又低，
將軍澳線自己本身非繁忙時間都有位坐，692 既客根本可以完全被港鐵吸納。

再者 692 本身貴港鐵一截，就算有分段同港鐵睇齊，班次同行車時間都會輸，
去港島只停灣仔中環的話，點解唔乾脆送埋o個少少客去港鐵自己開其他線？
回程去到興發街先上東廊，其實繁忙時間行車時間同行晒成條英皇道係無分別，
中環搭港鐵 40 分鐘內必到坑口，但 692 就算上埋東廊點都要一個鐘，
除左大把位坐真係無吸引力。

原帖由 M722 於 2011-9-16 23:35 發表
坑口、尚德客好多會選擇MTR,往返港島北.

692:
i) 班次疏
ii) 下午繁忙時間行經金鐘灣仔軒尼絲道、英皇道,容易交通擠塞,大失預算
iii)  早上繁忙時間行經將隧,容易交通擠塞
iv) 收費缺乏競爭,692全程$13.4  vs MTR坑 ...

(i) , (iv) 係 主因 , 不過收費過高係巴士公司既意願 定係 運吉既意願 .
呢層只有佢地兩者先知道 . 但收費過高有港鐵相對較平而代替,
結果只會係乘客不斷流失 , 班次不斷縮減 .
但都有佢既好處 : 一定有位坐 . 你唔計較其班次及你唔想逼港鐵及交通擠塞就可以選擇乘坐 692 .

原帖由 M722 於 2011-9-17 00:00 發表


其實下繁621可以取消,所有班次轉為619X...
行車路線:維園上東廊,過東隧後,跟E22往入麗港城後,跟E22(往藍田方向)上觀塘繞道/將軍澳隧道公路,直接往寶達/秀茂坪/四順. ...

呢個一路係我既想法其中之一 .
問題係入唔入麗港城中心 .
入去就無反對聲 , 晒多D時間 .
定係兜麗港城外圍就ok , 反對聲多但慳番時間 .
呢層等佢地自己決定 .

不如直接 621/692 合併左佢 , 繁時加開麗港城既特班
坑口/將軍澳 <> 麗港城 <> 東隧/東廊 <> 灣仔北 <> 中環

一來可以重組客源 , 二來避開灣仔地鐵沿線(往中環經灣仔北)
三來又可以強化麗港城既交通 (全日線)

最大問題變左係 中環往麗港城既收費

原帖由 天空之神 於 2011-9-18 00:43 發表
不如直接 621/692 合併左佢 , 繁時加開麗港城既特班
坑口/將軍澳  麗港城  東隧/東廊  灣仔北  中環

一來可以重組客源 , 二來避開灣仔地鐵沿線(往中環經灣仔北)
三來又可以強化麗港城既交通 (全日線)

最大問題變左 ...

我反而會諗621同641下午返九龍班次合併,
641下午經銅鑼灣,興發街,東隧,藍田,入麗港城,之後經偉業街去Megabox同啟業
同時619P增設下午往順利服務, 港島區路線跟373 (港澳碼頭>德輔道中>金鐘>入境大樓>東廊>東隧)
這樣由恆生總行起計25-30分鐘可以到裕民坊, 觀塘,牛頭角同順利客可以慳好多時間
(期間部分619班次可踢去灣仔起載)

原帖由 limited 於 2011-9-18 01:50 發表


我反而會諗621同641下午返九龍班次合併,
641下午經銅鑼灣,興發街,東隧,藍田,入麗港城,之後經偉業街去Megabox同啟業
同時619P增設下午往順利服務, 港島區路線跟373 (港澳碼頭>德輔道中>金鐘>入境大樓>東廊>東隧)
...

641最正就係灣碼走, 咁做同趕客冇咩分別
其實好多人都知, 興發街繁時上東隧o既時間同行英皇道冇咩分別
咁641仲係特快?

如果621號回程(往九龍方向)延長至慈雲山(北)可行嗎？一來可增加客量(上面有人說621號回程客量欠佳)，二來可為慈雲山提供回程服務(現時服務慈雲山的302號沒有回程服務)。

原帖由 YC 於 2011-9-18 11:04 發表
如果621號回程(往九龍方向)延長至慈雲山(北)可行嗎？一來可增加客量(上面有人說621號回程客量欠佳)，二來可為慈雲山提供回程服務(現時服務慈雲山的302號沒有回程服務)。 ...

慈雲山(北)行紅隧順好多，621咁兜法既話唔係太吸引
302住港島要塞紅隧，但住九龍巴士專線唔駛點塞