九巴蕩失路50乘客嚇餐死 (續)

原帖由 kei_hk 於 2011-9-22 10:47 發表


我又客觀一點去看﹐究竟跟車的職員﹐係純粹睇位司機點去行﹐有無行錯。定係沿途不停講前面路口點行駛。

前者的﹐只是增加司機壓力﹐對會否再行錯路﹐亳無正面幫助。後者的﹐真係司機本身問題﹐能力不能勝任。 ...

跟車督察一般(因為不在場唔可以評論)一路睇住佢楂,發覺有問題就會
立即出聲,一來等個車長無咁大壓力,二來可以知道車長係邊一個地方出
問題可以及時修正

楂車要一眼關七,有時佢專注於路面或其他情況而出現分神情況,新仔經驗
不足,做漏做錯實會有.楂車講經驗,有d人講幾句睇地圖就知點行,有d需要
時間磨,如果一次行錯路無發生任何事故而要煲到咁大,莫講呢個師姐,對其他
有經驗車長亦不公平

http://orientaldaily.on.cc/cnt/news/20110922/00176_004.html

應該要善用屯富路調頭，咁咪唔駛要駛到屯門市中心先至掉頭咁遠。

車務督察真係唔識做！

睇嚟九巴要出版「駕駛應變錦囊」俾車長先至得！

調去上水廠渣278K算啦，270都怕佢唔入翠麗花園....

我都覺得報館煲到咁大...拍埋片真係對個司機好唔公平...

原帖由 kei_hk 於 2011-9-22 10:43 發表

2. 我又覺得﹐新人駕駛經驗係不足﹐但只會行車較慢﹐cut線等動作可能未必做到得心應手。行錯路係同新人舊人無關的﹐無理由開一條新線﹐公司無教過司機點去行﹐新人舊人都是一齊學習去記路線﹐明顯行錯路是同新人舊人無論。

當然，新人舊人都有機會行錯路，但係新人要熟習的事情較多，派新人去短途路線某程度可以減輕新人熟習壓力。

原帖由 da54 於 2011-9-22 11:16 AM 發表

當然，新人舊人都有機會行錯路，但係新人要熟習的事情較多，派新人去短途路線某程度可以減輕新人熟習壓力。

派新人行一些短線﹐絕對是好事。

可惜的..... 前面都有人講了﹐u廠真係無乜短線﹐有短線的又路面環境複雜﹐對司機要求高。

原帖由 da54 於 2011-9-22 11:16 發表

當然，新人舊人都有機會行錯路，但係新人要熟習的事情較多，派新人去短途路線某程度可以減輕新人熟習壓力。

屯門元朗廠最短途係54,但正如前文所言,睇落好易其實好難,
至於屯門公路線更加唔使諗,無番咁上下經驗去行分分鐘未到
油柑頭已經拉手掣停埋落路肩

行261已經係最低危險度路線,起碼唔使行隧道過收費亭,唔使
出市區對住d的士小巴,時間較鬆動彈性,行公路跟左線行錯極
有限(最大可能係去左落馬洲口岸,但有調頭位夠大車行),叫新人
四點幾坐工程車去上水做短途又話蝦新仔,點解要跨廠返工

所以有d野睇落簡單但內裡大量問題要考慮

小弟唔熟九龍公司人事安排，但係其實係咪一定要派死 U 廠線咁 rigid？
點解唔可以行下其他廠的短途線一個月，然後再正式調返去本身屬廠？

內裡大量問題要考慮，但問題係人為制度，唔係唔可以改變，只係睇有關公司有無決心去做.....

原帖由 da54 於 2011-9-22 11:33 發表
小弟唔熟九龍公司人事安排，但係其實係咪一定要派死 U 廠線咁 rigid？
點解唔可以行下其他廠的短途線一個月，然後再正式調返去本身屬廠？

派邊間廠主要係睇居住地點. 如果派新人去其他廠,
朝朝三四點搭車返工咪仲辛苦, 個個都想返工地點近屋企架啦.
另外我想話, 新車長明知自己唔識行某段路, 係咪應該
第一日收工後自己去認下路, 有乜理由第二日去到同一段路
會再錯. 這是工作責任問題, 不能推說公司訓練不夠.

原帖由 ricky619 於 2011-9-22 11:49 AM 發表


派邊間廠主要係睇居住地點. 如果派新人去其他廠,
朝朝三四點搭車返工咪仲辛苦, 個個都想返工地點近屋企架啦.
另外我想話, 新車長明知自己唔識行某段路, 係咪應該
第一日收工後自己去認下路, 有乜理由第二日去到同 ...

第一日已經行錯路而唔駛再渣車﹐公司又會唔會即時安排培訓?(包括叫他跟車認路)

無理由叫返車廠淨坐唔駛做掛


所以﹐第2日再行錯路﹐巴士公司及司機本身都是有點問題的。
反映了巴士公司培訓不足﹐令到司機未必熟路便要出街﹐又或者未有足夠考驗司機是否合適出街載客。
司機本身可能真係認路有困難﹐能力所限未能勝任﹐這一點未正式當司機﹐都未必發現的。