熱帶氣旋討論：納沙

原帖由 kei_hk 於 2011-9-29 17:53 發表
今次掛8号，相信都是當年"派餅乾“有關。

當時同今次差不多，唔係每一處都大風。不同的係檢討過發8号波的準則後，今次可以出8号波。

我唔係太記得派餅乾的情況，但今次有浮塢撞堤、棚架壓的士、斷樹處處，
商務及經濟發展局轄下的香港天文台，為免市面混亂令經濟活動受阻，都係掛八號好。

正經講，尋日一直都冇諗過會有八號，估唔到半夜納沙稍為偏北，
同時環流唔講得小，今日working hour內掛八號是正確的決定。

朝早五點幾我醒左，出面吹到fung fung聲，跟住六點幾就知道唔使返工喇。

最好係今次狂風影響到尖沙咀、中環等商業中心，
天文台總部自己都可能吹到黐晒線，八號的理由就更大啦。

中國中央氣象台測定，颱風納沙已於晚上九時十五分於廣東徐聞縣角尾鄉作第二次登陸，登陸時中心附近最大風力十二級，平均風速約為每秒35米。

納沙繼續遠離本港，境內風力持續下降，香港天文台會在午夜過後考慮改發一號風球。

派餅乾 (派比安) 為06年的風暴﹐當時最接近香港是為260KM (約下午2時)﹐詳細資料可看天文台的資料
http://www.weather.gov.hk/publica/tc/tc2006/chinese/section3_3rpt.htm

而當時派餅乾路線圖﹐同今次納沙也有幾分相似﹐可看天文台資料
http://www.weather.gov.hk/publica/tc/tc2006/chinese/track0606.htm

當時﹐天文台台長為林超英先生﹐當時的仍然使用舊有的標準去衡量是否達需要掛8號風球﹐而一個很重要的指標﹐便是市區的平均風力﹐以舊機場跑道尾(啟德)的風速站為準﹐也是唯一視作的市區測風站。
當日﹐啟德站得確係唔達8號波的指標﹐所以天文台也沒有發出8號波。而事實上﹐在新聞片中可看到遊客在尖沙咀天星碼頭廣場﹐被強風吹到。 http://www.youtube.com/watch?NR=1&;v=7EEbrAA50EI


其後天文台便增加市區的測風點﹐務求增大「市區」的範圍。

而今天不少風係強勁的﹐但同樣地也有幾個有風速公佈的地點﹐風力都未達8號波的標準的。
沙田:

將軍澳

青衣

天星碼頭




當然﹐這些測風站都會受其他因素影響﹐因而食唔正風。
但如果用回當年的標準﹐天文台又可以講「市區」風力未達8號波而不發出8號波了。 (啟德站已經停用﹐無數據可作比較)




*********************************************************************

今天應該很多人都唔會估到會掛8號波﹐我也相信今天無一份報紙﹐港聞版不是講排8號波機會很微。

以往﹐真係未入400KM(預測路經)﹐真係無機會8號波的。所以﹐天文台昨天真係講到非常大信心不會排8號波。
偏偏他們眼中的 400KM 這條安全線﹐今次發揮唔到作用﹐在市區測風點增加後﹐便發現今次有不少地方可達/接近8號波標準﹐便緊張起來﹐急急於凌晨時份改口風﹐清晨出8號波。

以市民安全前題下﹐絕對無問題。但是﹐天文台近年給市民的預警﹐真的要檢討。往往是1,3 號係相當遅發出的﹐一些要計劃去離島的人﹐真係隨時被玩起的。

[ 本帖最後由 kei_hk 於 2011-9-29 22:45 編輯 ]

會唔會係同九龍城冧棚架有關?
因為記得同一個位有次都係冧棚架塞住成條路
最後搞到九龍區交通大癱瘓

相信今次最重要掛 8 號既原因莫過於烈風圈夠大 (約 400 公里)，亦正好說明
距離並唔係掛唔掛某個風球既一個參考指標。當然，以過往經驗去睇，今次既距離
都可以掛上 8 號波的確令大部分人感到意外，尤其呢個風進入南海後沒有明顯增強，
而一般人亦較少注恴佢既大小。

[ 本帖最後由 fw1321 於 2011-9-29 23:03 編輯 ]

原帖由 S3N280_FX8032 於 2011-9-29 00:30 發表
到底天文台攪甚麼呢，22:45詳細報告係460公里，但23:45短報告係420公里，有其他討論氣象站話納沙向西北方向行，但天文台唔改繼續西北西，又話本港風力在晚間持續增強，天文台會密切留 意納沙的動向。但同時又說掛八號風球機會較 ...

風暴中心難定，尤其風眼不明顯或鬆散，要定位較難，往後的報告可能係不斷修正中，以前都試過。
零晨二時後的時間烈風圈大到覆蓋整個香港，加上有達到暴風速度的一小區域會在未來時間接近香港，唔掛八號就太危險了。

原帖由 kei_hk 於 2011-9-29 22:35 發表
派餅乾 (派比安) 為06年的風暴﹐當時最接近香港是為260KM (約下午2時)﹐詳細資料可看天文台的資料
http://www.weather.gov.hk/publica/tc/tc2006/chinese/section3_3rpt.htm

而當時派餅乾路線圖﹐同今次納沙也有幾分相似﹐ ...

就算尋晚2245一報都只係否定了晚間發8的可能性，而且提到會密切留意佢既動向

除 非 納 沙 顯 著 增 強 或 轉 向 較 北 方
向 移 動 ， 晚 間 需 要 改 發 更 高 熱 帶 氣 旋 警 告 信 號 的 機
會 偏 低 。 但 由 於 本 港 風 力 在 晚 間 持 續 增 強 ， 天 文 台
會 密 切 留 意 納 沙 的 動 向 。

何來講到非常大信心不會發8號波?
天文台一直留意到晚間風力增強，只係而多D時間確定北跳是否短期波動，完全無你所講既「緊張起黎」同埋「凌晨改口風」

納沙既烈風圈達390KM
本來8號波的確較為5050機會
但晚間既北跳令CPA近了同埋風場圖顯示香港以南有50KTS既雨帶將會掃過香港令香港將會受烈風影響
故令天文台肯定了8號波需要發出

原帖由 fw1321 於 2011-9-29 10:59 PM 發表
相信今次最重要掛 8 號既原因莫過於烈風圈夠大 (約 400 公里)，亦正好說明
距離並唔係掛唔掛某個風球既一個參考指標。當然，以過往經驗去睇，今次既距離
都可以掛上 8 號波的確令大部分人感到意外，尤其呢個風進入南海後沒有 ...

如果真係暴風圈夠大﹐天文台預測的人員更加有問題﹐連氣像資料都可以分析有誤﹐要在凌晨時份急急改口風。

當真係有所增強﹐一發現相關現象﹐已經可以在較早的時間(如10:00-11:00) 改口風﹐把「發出8號風球機會甚微」﹐改為一些更合適的字眼﹐例如 「風力有所增強﹐發出8號風球的機會增加」﹐令市民早少少有所防範。

大家要知道﹐防風措施是需要時間去做的﹐3號同8號的做法也有不同﹐不是短短2-3小時可做完成的。

原帖由 kei_hk 於 2011-9-29 23:12 發表


如果真係暴風圈夠大﹐天文台預測的人員更加有問題﹐連氣像資料都可以分析有誤﹐要在凌晨時份急急改口風。

當真係有所增強﹐一發現相關現象﹐已經可以在較早的時間(如10:00-11:00) 改口風﹐把「發出8號風球機會甚微」﹐改為一些 ...

1) 烈風圈390KM，預計CPA為400KM，七天天氣預佈風力6-7級，高地同offshore 8級，完全合理，何來分析有誤?
2) 天文台一路都指晚間改發8號機會偏低而唔係甚微，而是次發出8號波時間為清晨，而且2245一報已經提及各區風力增強，已經暗示有考慮8號波的機會
3) 3號波既時天文台一早已經提定大家做好防風措施，唔係8球風球先走去做

3. 請 即 採 取 各 種 預 防 措 施 ， 保 護 房 屋 及 財 物 的 安 全
， 將 所 有 容 易 被 風 吹 倒 的 物 件 綁 緊 ； 室 外 傢 俬 、 花
盆 及 可 能 被 風 吹 倒 的 物 件 亦 應 搬 入 室 內 。 請 再 檢 查
所 有 門 窗 是 否 可 以 關 閉 。

原帖由 kei_hk 於 2011-9-29 23:12 發表


如果真係暴風圈夠大﹐天文台預測的人員更加有問題﹐連氣像資料都可以分析有誤﹐要在凌晨時份急急改口風。

當真係有所增強﹐一發現相關現象﹐已經可以在較早的時間(如10:00-11:00) 改口風﹐把「發出8號風球機會甚微」﹐改為一些 ...

天文台網頁一路都係指晚間發出8號風球機會低
而8號風球係4:40發出, 4:40已經係早上

但唔知點解尋晚有部分電台報章河蟹左晚間兩字