{討論} 機場及新大嶼山A、E定線問題

一直都對A、E線的定位及其定線有很多疑問, 並希望在此與各位師兄討論一下, 也盼望能在稍後提出一些優化這些路線的建議.

關於A、E線, 我認為現在它們服務的地區包括:
1. 機場
2. 東涌住宅區
3. 貨運區 + 國泰城
4. 博覽館

**********************
A線的服務對象, 很明顯就是
a) 旅客
b) 到機場上、下班的人士

由於需要面對機鐵的競爭, 以及盡量以最短時間將旅客送到機場, 因此A線都是直出公路, 不途經東涌及貨運區等地方, 但一分錢一分貨, 車資A線也比E線貴 (當中城巴及龍運A線收費的不同, 可以再作討論).

***************************************
而E線的服務範圍則大得很, 部分路線更可以說是上述四個地區也是其服務範圍, 因此在大嶼山那邊, 車程往往需要20分鐘, 甚至更多才能上公路出市區. 因為原理上車程較長, 而巴士設備也沒A線豪華, 因此E線的車資比A線便宜.

**************************************
問題:

1. A線及E線重疊. 例如, 在觀塘出發往機場, 你可以選擇E22, 也可以選擇坐A22, 但來往兩地的客量真的需要兩條路線嗎?


2. A線及E線車程不短, 定線不直接-- E線在大嶼山兜, 而A線由於只服務機場客, 因此為了讓客量較有保證, 因此不得不在市區兜. 再以A22及E22作例, E22取道龍翔道較直接的方法往新界, 但卻要先繞經東涌住宅區及貨運區才能到機場; 而A22雖然不用繞經那些地方, 但卻要先途經馬頭圍、紅磡及塞車塞到沒有朋友的佐敦道才能上公路. 最終, 由觀塘出發往機場, 除了坐地鐵和的士外, 就沒有什麼快捷的方法前往.


3. 哪區需要A線, 哪區需要E線, 哪區需要兩條線? 就例如我住的東區, 為何存在的是A12, 卻非E12? 而更令人感到奇怪的是, 元朗和北區同在新界, 居民的環境、收入分佈也差不多, 為何一區是E34, 而另一區則是需要支付昂貴一倍的A43呢? (A43車程較長, 但如果是E43, 相信二十元也可以) 當年兩間公司投標時, 究竟用什麼準則來決定該區需要的是A線, 還是E線?

*歡迎討論*

機場同觀塘單方向仲可以揀E22A同A29
同埋,E22/A22客源其實唔同
A22主打市場根本唔喺觀塘,而係九龍城打後
E22主打就係觀塘(其中一個)

其實A22土瓜灣同九龍城一帶都有唔少人搭
所以撐得起條A22(但同時流失唔少觀塘/九龍灣客)

邊區要A線,邊區要E線
應該好睇巴士公司想做邊類線
好似A43咁,其實當年龍運唔係咁想開
之不過群眾壓力太大,龍運先被迫屈服
(當年新機場開幕,根本就冇plan過A43
只係諗住大家搭279X,even更早期條M78?,之後大家再轉機鐵)
所以龍運梗係開條A43搶錢啦
(佢開初應該expect都未必夠客)

A12係因為條線serve西灣河至銅鑼灣/中環一帶商業區
當然唔可能開E線啦(因為本身已經有E11)
之係A12由小西灣嘈話冇車到機場
咁城巴冇乜可能淨係開條E12 serve小西灣至西灣河
所以就順勢拉條A12過去喇

本來整個港島都沒有 E 線，E11 是第一批新機場路線招標後才決定開的。

運吉想位位俾$100去香港站坐 AEL 轉 S1/S64

原帖由 dippy 於 2011-9-27 21:47 發表
但係A線係市區既定線間接令到唔少人會坐機場A線上班
例如A12既水街往東區
A21既海麗去油尖

對比起E線, E線既市區客就明顯比較少
除左E41有比較多既青衣客, 其他都比較少

相反, 龍運既A線就無呢個問題, 因為新界區 ...

較多青衣客既應該係E42..?

E23市區客都絕對唔少..而且係佐敦俾$4.8番慈雲山，相比3C真係又快又平

原帖由 ccicoltd 於 2011-9-27 20:20 發表
本來整個港島都沒有 E 線，E11 是第一批新機場路線招標後才決定開的。

雖然 E11 係 $21/位 不過真係唔夠 A11 快($40/位, 即日來回半價， 仲有N條市區線免費轉乘&青嶼幹線東涌方向免費任何城巴E線轉乘~!?)
所以客滿程度 A11 係好多時都爆($40頂閘入機場/出市區 - 我上環上落次次都要罸企/就算出市區唔坐等下一班都一樣係罸企)
而 E11 只係 剛剛好坐滿 或企幾個人。
所以我覺得 城巴 港島A線算做得比較成功
(起碼係自己地頭，可以開好多轉乘吸客，做到點到點)

所以我成日覺得 E11 真係可以唔做/減班 比多D 車A11 好過(起碼港島區大部份人都負擔得起先~!!)

[ 本帖最後由 kmb113 於 2011-9-27 23:59 編輯 ]

原帖由 lom5290 於 2011-9-27 22:14 發表

較多青衣客既應該係E42..?

E23市區客都絕對唔少..而且係佐敦俾$4.8番慈雲山，相比3C真係又快又平

有時連2E佐敦>土瓜灣客都可以搶埋

原帖由 kmb113 於 2011-9-27 10:49 PM 發表


雖然 E11 係 $18/位 不過真係唔夠 A11 快($40/位, 即日來回半價， 仲有N條市區線免費轉乘&青嶼幹線東涌方向免費任何城巴E線轉乘~!?)
所以客滿程度 A11 係好多時都爆($40頂閘入機場/出市區 - 我上環上落次次都要罸企/ ...

E11收$21啊師兄

原帖由 neoplan720p 於 2011-9-27 18:59 發表
一直都對A、E線的定位及其定線有很多疑問, 並希望在此與各位師兄討論一下, 也盼望能在稍後提出一些優化這些路線的建議.

關於A、E線, 我認為現在它們服務的地區包括:
1. 機場
2. 東涌住宅區
3. 貨運區 + 國泰城
4.  ...

E線收費標準低
後加既路線幾乎都是A線
收返較高車費.....