昨晚66大興尾車, 上不到車的一般乘客怎算?

原帖由 ccchhhuuunnn 於 2011-11-7 19:30 發表


看來你還很小
70 Last Day 上水尾車 S3BL頂閘
再抽調行完尾轉的278X 3AD加班

原來要知道70 last day發生咩事先叫大人？

原帖由 kei_hk 於 2011-11-7 21:24 發表


上次 70 尾車加班﹐純粹是因為上水總站在車廠則﹐即刻可拉到車﹐同埋有大量準備收工的司機﹐可情商司機加班走多轉。同時總站聚集人數大大超出巴士的載客量﹐最後據新聞講﹐係同一時間開3班尾車。

如無記錯，加既3AD係278X剛剛返到上水既HS9068，突然比稽查拉去走一單70，成為歷史班次。四眼有執鬚既師傅仲要唔係好熟路添。

原帖由 leungfan 於 2011-11-7 21:09 發表
70 last day 九龍方向加左部3AD都仲好似有人係總站上唔到車

架3AD只係坐爆,有企位的

部3AD

原帖由 kei_hk 於 2011-11-7 21:24 發表
作為乘客﹐上唔到尾班車﹐當然第一時間 XYZ 啦。

之後﹐當然第一時間去搵其他方法去我的目的地啦。
賴死等車﹐真係想等到第2天早上呀

會唔會有人無錢坐其他車?  機會好微﹐特別現在係流行八達通﹐同埋夜嘛嘛的人﹐都唔會係單 ...

當日部3AD係泊上水總站ge收工車...應該唔關車廠事

原帖由 kei_hk 於 2011-11-7 21:24 發表
之後﹐當然第一時間去搵其他方法去我的目的地啦。
會唔會有人無錢坐其他車?  機會好微﹐特別現在係流行八達通

如果附近已經無其他車呢(除左的士)
點解唔會有人無錢坐其他車?
我見D人成日都唔知道八達通唔多夠錢,比左一程車錢就負錢
如果要轉車既,好大機會比完第一程就負左,仲點轉車

我極度憎幾十~幾百個巴士迷去搭尾班車,影響原本既乘客
明明有車坐就比D巴士迷搞到無車坐
所以呢,我就算要係某D路線既特別日子搭,都一定唔會搭尾班車(例如:70,66,277等等)

原帖由 HY1677 於 2011/11/8 16:55 發表

如果附近已經無其他車呢(除左的士)
點解唔會有人無錢坐其他車?
我見D人成日都唔知道八達通唔多夠錢,比左一程車錢就負錢
如果要轉車既,好大機會比完第一程就負左,仲點轉車

我極度憎幾十~幾百個巴士迷去搭尾班車,影 ...

一年有幾多次呢o的送尾車情況, 然後受影響乘客人數又有幾多人, 當中又有幾多人冇八達通, 或者八達通冇錢? 對比全年巴士乘客總人數係百分之幾? 巴士迷去送尾車又唔係故意有組織地要打爆部車, 故意唔俾其他人坐車, 佢o地都係合法付費乘客。你自己唔喜歡做o既o野, 唔代表就應該指控其他人做就係罪大惡極。

但原本D客未必會知道尾車會離奇打爆囉
我想講呢,就算要尾日坐唔係問題
但唔該唔好個個去哂尾車,留返D位比原本真正要搭既客啦

無啦啦成班人打爆哂架車,連企位都唔比真正要搭既客,呢班巴迷仲霸道囉

原帖由 HY1677 於 2011/11/8 17:31 發表
但原本D客未必會知道尾車會離奇打爆囉
我想講呢,就算要尾日坐唔係問題
但唔該唔好個個去哂尾車,留返D位比原本真正要搭既客啦

講得容易, 既然大家都冇組織, 點樣做到 "唔好個個去晒尾車" ? 點樣協調?

你不如到時到現場呼籲好冇, 一見架車就來打爆, 就勸籲o的人唔好上車。

無啦啦成班人打爆哂架車,連企位都唔比真正要搭既客,呢班巴迷仲霸道囉 ...

咁果o的班次疏落o既鄉郊巴士, 本來大部份時間大把位, 硬係坐正果班就俾一班行山友、露營友一o野打爆架車, 搞到要等半小時一小時o既下班車, 甚至係尾車而冇下班車添, 呢大班人都係 "好霸道" o架。

原帖由 syp 於 2011-11-8 17:42 發表
略

點會無組織呀,facebook成幾十人約哂去搭66大興尾車
根本就係大把人一早已經計劃好哂去搭66大興尾車

禮拜六/日/假期成堆人無啦啦打爆94,都真係幾自私

其實點解呢D自私行為會比人覺得無野,仲要係理所當然,理直氣壯咁去駁斥人?
唔通社會已經變到是非黑白都調轉哂?

原帖由 HY1677 於 2011/11/8 18:30 發表
點會無組織呀,facebook成幾十人約哂去搭66大興尾車
根本就係大把人一早已經計劃好哂去搭66大興尾車

幾十人夠打爆一部熱狗巴士? 一架熱狗裝幾多人?

幾十人約埋坐巴士就係自私, 咁任何集體活動都好自私喇。幾十人約埋 book 個 campsite book 爆個 campsite 又係自私啦, 幾十人約埋 book 間餐廳食嘢包場 又係自私啦, 幾百人 book 酒席擺酒搞到酒樓冇得做晚市散客又係自私啦。

禮拜六/日/假期成堆人無啦啦打爆94,都真係幾自私

睇嚟閣下嘅道德標準同情操都幾高, 小弟甘拜下風。

不過如果俾著你係 "成堆人" 其中一員, 係咪真係有車唔上, 甚至係尾班車都唔上, 寧願自己一個人 (或者叫埋你果堆人) 留在荒山野嶺一晚, 為嘅都係等架 94 巴士在餘下路段可以載到客? 你真係做到至好講喎, 都係果句, 講就容易丫。

你如果係用呼籲方式叫大家避免坐尾車我覺得冇問題o丫, 但呢個畢竟係合法行為, 如果你話人自私又盛講到好似罪大滔天咁, 我就有興趣了解下你係咪真係坐言起行喇。

其實點解呢D自私行為會比人覺得無野,仲要係理所當然,理直氣壯 ...

呢個係咪自私係一個好主觀同個人嘅觀點嚟嘅, 你覺得自私唔代表其他人都係咁覺得o架喎, 個人觀感唔好講到好似普世價值至得o架。

如果合法付費乘車都係自私, 咁你不如乜車都唔好坐呀, 你坐車就係佔用咗一個位, 你佔用咗個位時, 其他人就坐唔到, 最後導致巴士頂閘, 你都有責任o架。

[ 本帖最後由 syp 於 2011-11-8 19:31 編輯 ]