昨晚66大興尾車, 上不到車的一般乘客怎算?

咩叫做「我極度憎幾十~幾百個巴士迷去搭尾班車,影響原本既乘客」

巴士迷搭巴士要經過特別申請？巴士迷都係人，巴士係服務人由一個目的地去另一個目的地
咁搭尾班車又有咩問題？有比錢ga wo。

尾車搭唔到咪用另一個方法去目的地囉，仲可以點？其實咁的問題都問題出，咩事呢？！
唔通真係學樓上講企係道等通宵？
我地又唔先知，係咪要答阿A搭的士，阿B搭66m出去再轉咩咩線到達目的地？！


可笑

[ 本帖最後由 he3543 於 2011-11-8 19:43 編輯 ]

原帖由 HY1677 於 2011-11-8 17:31 發表
但原本D客未必會知道尾車會離奇打爆囉
我想講呢,就算要尾日坐唔係問題
但唔該唔好個個去哂尾車,留返D位比原本真正要搭既客啦

無啦啦成班人打爆哂架車,連企位都唔比真正要搭既客,呢班巴迷仲霸道囉 ...

按照閣下邏輯
你搭車都係唔好排隊喇
因為會影響排得後o既人搭車o既機會
又或者上車你都係唔好坐低啦
因為會影響其他想坐o既人o既機會
又或者不如你唔好坐巴士喇
因為你上o左車, 後面又可能有人上唔到車架喇

原帖由 HY1677 於 2011-11-8 16:55 發表
如果附近已經無其他車呢(除左的士)
點解唔會有人無錢坐其他車?
我見D人成日都唔知道八達通唔多夠錢,比左一程車錢就負錢
如果要轉車既,好大機會比完第一程就負左,仲點轉車

我極度憎幾十~幾百個巴士迷去搭尾班車,影響原本既乘客
明明有車坐就比D巴士迷搞到無車坐
所以呢,我就算要係某D路線既特別日子搭,都一定唔會搭尾班車(例如:70,66,277等等)

真係比巴士迷打爆架車又點樣？
接載乘客有咩問題

從來無人guarantee過搭巴士一定可以上到車。。
你話行山友打爆94都自私
咁不如話埋朝早乘搭各大路線導致滿座既人都好自私？


有時說話唔係道理全對就係大道理
仲要睇下時間，環境，情況
唔知你明唔明。。

原來一班巴迷比番相應既車費搭車就等於累到人無車搭 ?
如果係既, 我建議閣下見到一班巴迷一齊上車個陣就唔好上埋一份啦
廢事又比人話自私啦
大老闆你真係教識我好多野呀

原帖由 syp 於 2011-11-8 19:13 發表
不過如果俾著你係 "成堆人" 其中一員, 係咪真係有車唔上, 甚至係尾班車都唔上, 寧願自己一個人 (或者叫埋你果堆人) 留在荒山野嶺一晚, 為嘅都係等架 94 巴士在餘下路段可以載到客? 你真係做到至好講喎, 都係果句, 講就容易丫。

我之前同過成堆朋友去西貢玩,人數有4X人
我地去之前,我打過去九巴問班次,順便會有大約幾多人係邊度上車
我地仲要唔係一次過上車,分開兩批人搭兩班車

根本你太多人預先約埋一齊要搭同一班車,其實要同返巴士公司講,等巴士公司有個知字,睇返情況調動車務安排
而唔係失驚無神幾十人突然間上車,搞到原本既客無得搭

無錯,個班巴士迷有比錢搭車
但又如何先?有錢搭車就大哂架?
有無理過真正有需要搭既乘客既感受

平時根本唔需要轉車,無啦啦就比成班攪事既人搞到三更半夜都要轉車
巴士迷搭66熱狗係下午搭洗死咩?
人地真正有需要搭就比你攪到無得搭

[ 本帖最後由 HY1677 於 2011-11-8 20:43 編輯 ]

原帖由 HY1677 於 2011-11-8 08:37 PM 發表

我之前同過成堆朋友去西貢玩,人數有4X人
我地去之前,我打過去九巴問班次,順便會有大約幾多人係邊度上車
我地仲要唔係一次過上車,分開兩批人搭兩班車 ...

照你咁講
係咪應該一早就打去九巴
話" 我地個日好多人會搭66尾車呀, 唔該派多架車丫, 費事其他乘客上唔到車啦"

唔一定係叫九巴派多架車
係要講比九巴知大約情況
由九巴自己決定點搞
佢唔肯加車/加班次,而你照原定計畫搭,頂閘既
只好怪九巴無理到其他客既感受,我既本份已經做齊,有諗到其他客既感受

路過:
包架尾車見證呢個歷史有無問題對定錯唔評論
只係覺得呢句「一班巴迷比番相應既車費搭車」好有保留  
扮晒證，係咁意入D錢，百幾個中無人咁做 ? 我一定唔信

原帖由 HY1677 於 2011/11/8 20:37 發表
我之前同過成堆朋友去西貢玩,人數有4X人
我地去之前,我打過去九巴問班次,順便會有大約幾多人係邊度上車
我地仲要唔係一次過上車,分開兩批人搭兩班車

根本你太多人預先約埋一齊要搭同一班車,其實要同返巴士公司講,等巴士公司有個知字,睇返情況調動車務安排
而唔係失驚無神幾十人突然間上車,搞到原本既客無得搭

你哋真係好偉大。不過聖人都無謂要我哋凡夫俗子跟你哋一齊做聖人喇。
不過你哋分兩批都有廿人, 如果中途又有另一批凡夫俗子上車搞到冇位, 咁我估作為聖人嘅你, 係一定會中途落車俾佢哋上車嘅。

無錯,個班巴士迷有比錢搭車
但又如何先?有錢搭車就大哂
有無理過真正有需要搭既乘客既感受

咩為之 "真正需要" ? 為坐尾車而坐車唔算 "真正需要" ? 由什麼時間開始, 巴士乘客要按其 "真正需要" 分等分級 ?

平時根本唔需要轉車,無啦啦就比成班攪事既人搞到三更半夜都要轉車
巴士迷搭66熱狗係下午搭洗死咩?
人地真正有需要搭就比你攪到無得搭

合法付費乘車係 "攪事" ? 咁你廿人走上架巴士度, 就算係預先通知, 都係預先通知嘅 "攪事", 而且係分兩批 "攪事" 添, 我勸你都係完全唔好搭巴士算喇, 免得導致巴士頂閘, 心存內咎喇。

原帖由 38．HKT．138 於 2011/11/8 20:52 發表
路過:
包架尾車見證呢個歷史有無問題對定錯唔評論
只係覺得呢句「一班巴迷比番相應既車費搭車」好有保留  
扮晒證，係咁意入D錢，百幾個中無人咁做 ? 我一定唔信 ...

唔俾錢搭車完全係另一個問題, 唔俾錢搭車係錯誤, 見到應該報警, 但唔好將無俾錢嘅同有俾錢嘅混為一談。

[ 本帖最後由 syp 於 2011-11-8 21:01 編輯 ]