昨晚66大興尾車, 上不到車的一般乘客怎算?

今次我覺得問題所在是九巴事前應該會預計到11/6晚會有大量巴士迷歡送最後一班熱狗，
但九巴並無如以往情況(如6A,62X,70)般安排多一班巴士跟尾接載餘下乘客，
這次明顯是九巴安排失當，66尾車是屯門中區最後一班出九龍尾車(另外屯公有63X)，
呢班車雖然一向客量不高，但少極都有10個左右，呢班車十年都唔會坐滿一次(莫講頂閘)，
11/6晚突然好似撞鬼咁連車都上唔到，叫班客自己執生，我又覺得這方面九巴有點講唔通！

據知當晚九巴其實已經知會負責66M尾車及60M 23:40/50班次的車長在沿途各站通知等侯66的乘客
上60M/66M出荃灣鐵路站再轉港鐵，但我覺得加派多一輛巴士做66大興尾車才是最適當做法。

原帖由 HY1677 於 2011-11-8 21:05 發表

我已經講左係要講比九巴知大約情況
由九巴自己決定點搞
佢唔肯加車/加班次,而你照原定計畫搭,頂閘既
只好怪九巴無理到其他客既感受,我既本份已經做齊,有諗到其他客既感受

本份一早做哂,九巴唔肯加車/加班既,我都無法子
同埋,我地個次兩班車都無頂閘,我地上哂上層,留返下層比老人家坐

66個班人有通知過九巴咩?
不過九巴照道理應該估到有好多人會搭66架喎
巴迷既本份做唔足都比人撐

會唔會有人咁得閒為左搭一程車  而打上去巴士公司報告?
除非包車   如果唔係   都無咩必要同九巴報告　大家都知個熱線有陣時幾難通架啦
而且　就算真係打電話上九巴　企返係九巴既立場　佢敢肯定果個電話唔係報流料?

我唔覺得幾廿人   什至幾百人上一架巴士有咩問題
就算係郊區路線咁又點　只要比＄　同遵守乘車規則就ＯＫ
　
如果單睇呢件事　唔可以話巴士迷乞人憎
每個人都有佢地既需要
作為６６尾車常客　佢地有需要坐呢架車
作為巴士迷　佢地希望親身經歷倒乘坐６６熱狗尾班車　佢地自然有需要　同埋　佢地既本份唔包括要打電話上九巴報告自己同十幾個朋友會坐６６尾車
九巴提供呢個服務   位就得１４１個　先到先得　好公平

我明白你會鄧果班真正有需要而上唔倒車既人慘
但係香港就係咁
真正有需要既人　未必真係用倒佢地所需既服務（巴士，通頂小巴，急症室ｅｔｃ）
社會一定唔可能滿足晒所有人
唯有可以做既　就係學懂接受　適當既時候爭取


唔應該叫巴迷唔好搭果班車　你會覺得佢地自私　但對佢地黎講　係有特別義意
唔應該叫九巴開多架車　只上１０幾人　唔環保　亦都唔合乎經濟效益

你唔開多尾班車架　又會有人上唔倒車
你開多架尾班車　得１０幾人　又唔環保　而且浪費資源　
所以　一定唔可能滿足晒所有人

[ 本帖最後由 ey3231 於 2011-11-9 02:26 編輯 ]

原帖由 syp 於 2011-11-8 20:59 發表


唔俾錢搭車完全係另一個問題, 唔俾錢搭車係錯誤, 見到應該報警, 但唔好將無俾錢嘅同有俾錢嘅混為一談。

我剩係知有比錢無比錢都係車上果百幾個"巴士迷"
咩叫混為一談？
唔通要將無比錢果班影晒相指明導姓貼出黎？
咁巴士迷個名不嬲都嗅到絕架啦
那都有好既一班，每次有人咁講又係咪混為一談？

[ 本帖最後由 38．HKT．138 於 2011-11-9 04:55 編輯 ]

原帖由 CN9AMT100UP 於 2011-11-8 22:16 發表

如果係等尾車嘅乘客，一早己經會有心理準備如果坐唔到班尾車
會有替代路線離開，一定唔會同你等死一架車
所以66尾車頂閘，對佢地嘅影響唔大

應該對一路上的居民/行人影響大過搭唔到車班人
去到邊度有人既位就大叫起o共一餐，逼到咁又唔似人地開歡樂 party 丫 ～
人地唔知真係以為係咪走難 …

算啦，呢度係巴迷討論區，話巴迷搭尾車影響人有問題，人地當然當你五毛啦，
因為佢地嗰晚已經搞到架9636成地精，你咁講好hurt佢地架！

利申：不贊成巴迷蜂擁搭尾車

原帖由 38．HKT．138 於 2011/11/9 04:50 發表

我剩係知有比錢無比錢都係車上果百幾個"巴士迷"
咩叫混為一談？
唔通要將無比錢果班影晒相指明導姓貼出黎？
咁巴士迷個名不嬲都嗅到絕架啦
那都有好既一班，每次有人咁講又係咪混為一談？ ...

而家個討論係話, 一些人坐咗架巴士令到另一些人冇得坐。但只有有付費, 所有乘客, 不論乘車目的為何, 應一視同仁。所以有付費和沒付費的, 是有分別的, 沒付費的是非法乘車, 如巴士頂閘, 則是非法地奪去其他人乘車的機會。因此有付費和沒付費才不應混為一談。

任何已付費的乘客, 他們就是百分之百的合資格的巴士乘客 (除非他們做了其他違反乘客守則之類的事), 不能單憑他們乘車目的是什麼, 就認為他們不應乘車, 要讓出乘車機會給其他人。已付費的乘客, 已盡了乘客的基本責任。他們同車的其他人當中如果有人沒付費, 並不是其他同車已付費乘客的責任。

我同意任何一班人當中, 一定有些害群之馬, 但只是在是次討論當中, 有需要有所區分而已。

[ 本帖最後由 syp 於 2011-11-9 08:11 編輯 ]

原帖由 nickk 於 2011/11/9 07:23 發表
算啦，呢度係巴迷討論區，話巴迷搭尾車影響人有問題，人地當然當你五毛啦，
因為佢地嗰晚已經搞到架9636成地精，你咁講好hurt佢地架！

利申：不贊成巴迷蜂擁搭尾車 ...

"巴士迷界" 向來都係咁架啦。有啲人自己唔影巴士, 就話人周街影巴士係傻仔; 自己唔影唔坐頭車尾車, 就梗係大條道理、大義凜然印印腳指控他人坐頭車尾車係 "搞事" 呀, "好得閒" 呀咁啦。站在道德高地說話, 梗係無懈可擊啦, 喺一班佢咃眼中嘅 "傻仔" 前面, 感覺自己高人一等又幾棧鬼嘅, 成個 "聖人" 咁添。雖然大家都一致喜歡研究巴士, 但大家從來都唔打算尊重他人喜歡嘅方式嘅。不過咁, 當然如果在外面行為不檢果啲就另計啦, 但只要合情合理合法, 我覺大家應該尊重其他人喜歡巴士嘅方式囉。"不贊成" 無問題呀, 唔好隨意話人 "搞事"、"自私" 丫。

[ 本帖最後由 syp 於 2011-11-9 08:14 編輯 ]

原帖由 38．HKT．138 於 2011-11-9 04:50 發表

我剩係知有比錢無比錢都係車上果百幾個"巴士迷"
咩叫混為一談？
唔通要將無比錢果班影晒相指明導姓貼出黎？
咁巴士迷個名不嬲都嗅到絕架啦
那都有好既一班，每次有人咁講又係咪混為一談？ ...

巴士迷搭尾程66熱狗唔比錢根本無人提及過，亦唔係呢篇文討論重點，你無端端講黎做乜？
係咪混為一談我就唔評論，我淨係知呢啲叫離題，叫九唔搭八...

原帖由 volvo_chan 於 2011-11-9 01:36 發表
今次我覺得問題所在是九巴事前應該會預計到11/6晚會有大量巴士迷歡送最後一班熱狗，
但九巴並無如以往情況(如6A,62X,70)般安排多一班巴士跟尾接載餘下乘客，
這次明顯是九巴安排失當，66尾車是屯門中區最後一班出九龍尾車( ...

有一樣野你要諗嘅係，嚟緊熱狗全退，路線取消，仲有機會發生好似今次咁尾班車全車滿座嘅情況
你今次開多一班車疏導，下次更多人覺得會有多一班車疏導又嚟趁熱鬧，然後就呢一班都頂閘
咁樣循環法，到時開多多班都唔夠，唔通你expect九巴無限量加車落去？
你可以話九巴唔識做，但其實佢真係無義務安排多幾班巴士跟尾接載...  
我唔評論巴士迷係咪唔應該坐尾班車搞到普通搭客上唔到車
樓上都有好多人比左唔同層面既見解...
但講到因為巴迷有權搭尾班車，所以九巴唔安排多班車疏導就係失當, 我覺得對九巴黎講係唔公道...

其實唔好鬧九巴無部署到, 佢都已經有先見之明, 尾日出左9636同9112,
本來想用2部車分散下尾班車D人流,
點知會攪單咁千奇百趣既事, 九巴同巴士迷都始料未及...
起碼如果9112可以行到尾, 23:30果班屯門尾班車起碼可以少20人上卦.
沿途乘客都有機會上到車, 而家要全世界逼住擠晒係同一班車度, 唔超載就假,
超過150人逼係部車度, 有警察抄牌就水洗都唔清...
攪成咁怪就怪班巴膠啦

再者, 大興站長同D收工司機, 已經有勸上唔到車的乘客改搭66M,
並稍為延遲66M尾班車開出時間, 已經盡晒力
當然有多班66係後面吊尾係最好方法啦

話時話, 其實行車證有咩好偷, 會有乜野價值,
我有懷疑條友想仿傚中巴單野咁, 逼九巴出熱狗特見...
記得當年有個巴膠專登係柴灣整壞D中華寶, 想逼中巴出珍禽異獸做特見

[ 本帖最後由 s3n354 於 2011-11-9 11:38 編輯 ]