85C 開 線 通 告 與 秘 史

原帖由 Quanta 於 2011-11-19 11:06 發表


但折舊唔係行十四年直線攤銷咩?
新車同十年車應該都係折舊咁多

新車落地折舊係大過舊車

印象中呢條線的早期掛牌如下
G242 (GJ3741)
G433 (CV3808)
G448 (CV7666)
呢三部車當年係U廠59A轉大車後甩牌加轉廠
S3BL429 (FU4794)
呢部係新車落地掛85C
S3BL158 (DP9778)

但另一說法85C開線時用平頂寶..咁85C開線用甚麼車

原帖由 toyl 於 2011-11-19 01:12 PM 發表
但係單層車價又平過雙層喎！咁又點計？

新單層車價點都貴過D續命雙層
就算十年物價相差唔止一倍
而且D續命雙層0 折舊

[ 本帖最後由 GM 於 2011-11-21 01:34 編輯 ]

85c以前的確幾舒服...但大老山後越黎越兜///

當年85C開線係用雞車行走, 在1992年時曾經有部份字軌掛過S3BL, 但往紅磡方向由寶其利街入明安街再轉入必嘉街根本不太適合用大車行走, 所以後來用回雞車, 至後來再更改行車路線才掛老虎頭, 直至1997年暑假與89C一起全冷才全線改用3AD.

其實85C定線四面受敵, 馬鞍山來往紅磡有密到七彩又快的87D, 來往黃大仙及鑽石山有較平的85M及286M, 唯一獨市位是土瓜灣及九龍城一帶, 但偏偏呢兩區來往馬鞍山的需求不大, 將來沙中線通車, 馬鞍山可以一程鐵路直達鑽石山, 土瓜灣及紅磡, 85C/85X根本已經可以壽終正寢......

記得雞車行大老山隧道簡直係虐待, 車速慢, 又多廢氣(偏偏大老山路線只有85C掛雞車, 其他大部份都是M仔, DM, BL甚至是S3BL, S3M, S3N)

[ 本帖最後由 gordon 於 2011-11-21 00:18 編輯 ]

原帖由 Quanta 於 2011-11-19 11:06 發表


但折舊唔係行十四年直線攤銷咩?
新車同十年車應該都係折舊咁多

但係本身兩者個車價都會有一段距離…咁就有「折多定折少」既事情出現
況且，有D車真係唔覺唔覺就14年車
唔專登提都唔會醒起原來ATR1出年已經唔洗再折舊…

其實87D出紅磡碼頭未必一定快過85C的,
85c開線時用圓頂寶/平頂寶. 之後用雞車+BL, DM, 間唔中有S3BL, 亦有S3M及E蛇間唔中客串過.
果陣等85c往返真係會等到火滾, 就算有直接車出土瓜灣返學, 有時真係頂唔順會搭85K轉85A的.
85c未行大老山隧道前都Ok多客, 客源自乙明往返紅磡商業區. 土瓜灣返馬鞍山行車時間約40-45分鐘.
但係行左大老山之後...唉, 行車時間仲耐左...未有85M時, 黃大仙新光中心果度可以令到雞車頂閘. 以前新光中心站後直上大老山隧道, 跟住唔知點解無啦兜埋無乜客上落既鑽石山地鐵站. ><

容生爆料，熱烈歡迎

85C 嘅問題，其實係返當年去睇，雖然係減過車行，d 班次仲整到好肉酸（相信實際等車係更肉酸），但九巴都照如期開辦呢條線，其實九巴係配合馬鞍山呢個「沙田延展發展區」有超過兩個屋苑落成而開辦，雖然，今日睇起黎，九巴咁做係幾失敗，又縮車又縮水（加四變加三點七五）但老九咁做，已經比幾個同期嘅新市鎮做得主動積極，係非戰之罪，比起將軍澳做起黎快得多，翠琳、寶琳都係一線走天涯，95K 同93K, 反之其時馬鞍山係按沙田嘅路線規模複雜過去，老九算做得積極。
85C 可以直到紅磡但無乜人揀佢，班次固然係一大問題，但呢個只係表徵，收車唔係咁簡單架，老九雖然一方面按規劃搞定位，但老九唔會分工分大仔細，除非係獨市（入到馬鞍山得一條線，咁就係獨市），老九嘅設計通常希望沿線放站有輔助機能，只要順路就得啦，89C 經晒成條大涌橋、車公廟路，咁都係跟89A 嘅行法，又81C, 85C, 86C, 89C 同一個走線上隧道，做埋區內線角色，當然，係想你俾市區價做區內生意啦，變相拉長行車路線。亦令85C 形成85系中所謂「通天後備」，獅子橋以前乘客可改乘85A, 以後至新翠可以坐85B, 大圍可以坐85, 85C 真係好似我呢篇野咁，又長又耽，班次又差。所以，無好好咁利用公路系統，亦係85C 失敗之處，除非九巴當年已有計劃令85C 「脫胎換骨」
回復 11# 的帖子
但係老九咁做，反映投資信心同埋回應一d 特定的房屋條件，例如區內擠迫戶調遷或源自某d 嘅區分，例如葵青區嘅屋邨重建而來。我反而唔認為老九咁做就完全脫本身需要
如果來自葵青嘅居民，有來往西九龍亦理所當然，本身新界西多數路線習慣上都係往九龍西
老實講，如果當年睇起黎覺得怪，日後發現供需相應平衡，咁樣好合理，而且當年人口未老化，城市活力非常高；但係今日開線密度咁低，既要慢慢等，當年先開線後搬遷，今日先搬再等開線，今日嘅經營環境實在大不如前，巴士工業係未夕陽工業？大家自己衡量，但係服務係未緊貼生活節奏
回復 14# 的帖子
我覺得已經有答案

原帖由 CX401 於 2011-11-21 01:44 發表
其實87D出紅磡碼頭未必一定快過85C的,
85c開線時用圓頂寶/平頂寶. 之後用雞車+BL, DM, 間唔中有S3BL, 亦有S3M及E蛇間唔中客串過.
果陣等85c往返真係會等到火滾, 就算有直接車出土瓜灣返學, 有時真係頂唔順會搭85K轉85A的.
85c未行大老山隧道前都Ok多客, 客源自乙明往返紅磡商業區. 土瓜灣返馬鞍山行車時間約40-45分鐘.
但係行左大老山之後...唉, 行車時間仲耐左...未有85M時, 黃大仙新光中心果度可以令到雞車頂閘. 以前新光中心站後直上大老山隧道, 跟住唔知點解無啦兜埋無乜客上落既鑽石山地鐵站. ><

87D係咪快就視乎出發點和目的地，搭87D由耀安出發去九龍塘至尖沙咀係就係比81C快，但87D要途經旺角區和行大半條彌敦道，九龍區路比81C長，富安出發去九龍，隨時81C可以同87D差唔多時間。

至於同85C比，大酒店返馬鞍山係85C快些少。始終87D要兜大半條彌敦道，85C(新85X)
既敗筆就係要兜黃大仙和鑽石山。

我估85C之後兜鑽石山(係鑽鐵巴總啟用之前都已經兜緊)，原因我估可能係執埋84M和75X一齊改；正如89C和89D既case一樣，89C、89D由開線到改為彩虹後上老隧，都係經開四美街和鑽石山，我估九巴後來發覺新蒲崗返馬鞍山85M一線都做得到，先唔駛89C和89D再經。我估85X係將來都可以唔駛經。

富安出去九龍, 81C同87D差唔多時間? 一定無可能, 起碼九龍塘唔會, 尖沙咀都無乜機會
你大可以去第一城個站睇下, 出尖沙咀好少人會搭一定有位坐嘅81C, 反而87D,281A經常要企出九龍塘
當然, 你可能覺得d人係因為出旺角段彌敦道所以唔搭81C, 但係其實窩打老道d燈都好唔順, 與行彌敦道無乜分別