am觀察 : 智能巴士：另一種集體運輸的出路

原帖由 aPower 於 2011-11-20 23:50 發表


據我所知，暫時不是
好像只有B3系、A10和A29

而且，那些到站時間估算的誤差與班次間隔相比
除非真是超過十分鐘才有一班的路線
否則作用真的不大 ...

如果寫十分鐘一班, 真係等十分鐘就有車就話o者...

其實問題正是事實上依家好多十分鐘以內一班之
路線, 都好易要等超過10分鐘先有車呢...

我試過等104, 時間表寫6-7分鐘, 我結果等左成20min,
前面有人話等左30min...早知坐船.....

尤其依家大家成日講收車, 或拖卡, 都可以影響到
班次, 而正是巴士時間較難估計, 乘客先需要更多
資訊去考慮, 先係這系統之目的吧...

其實對比返鐵路, 即使幾分鐘一班, 班次穩定都會show
時間, 就知等車資訊的重要性了....

好老實，巴士公司唔show到站時間，係有佢既道理o係度
因為以而家既交通情況去睇，佢整到站時間根本就等同趕客
呢一點已經唔係巴士公司能力範圍內可以控制既事情

例如話，之前星期一唔知做乜機隧要間封
漆咸道堆線幾乎斷晒欖，其實唔關九記收車事嫁喎，但我等215X等左一粒鐘
如果215X有show到站時間，d客見到下班車要等成三個字
都已經趕走左唔少客，但明明唔係巴士公司自己做得差
而係唔知點解條路塞到癲，回唔到車
黑狗當食，白狗當災

我會覺得，要巴士公司肯整到站時間既資料
首要條件係，有關方面要盡全力使到巴士服務唔會受任何外在因素影響
令到「到站時間」唔會變成一樣趕客既東西，反而可以吸引乘客
咁到時巴士公司先有誘因去做

的確，粗字果一項真係好難做，但實際上係不得不做
鐵路同BRT都係不受外圍交通因素影響既服務
而同時全世界只係得少數既普通巴士服務係有到站提示，咁先證明粗字一項係必須…

原帖由 ~誰@359~ 於 2011-11-21 00:55 發表
好老實，巴士公司唔show到站時間，係有佢既道理o係度
因為以而家既交通情況去睇，佢整到站時間根本就等同趕客
呢一點已經唔係巴士公司能力範圍內可以控制既事情

例如話，之前星期一唔知做乜機隧要間封
漆咸道堆線幾乎斷晒欖 ...

其實正如之前我講, 趕唔趕客真係2睇, 如果你要我無了期,
不知情下等成粒鐘車, 中間我完全唔知咩事, 而且仲要
唔止一次, 長遠黎講, 如果有鐵路選擇, 你估我仲會唔會去
巴士站賭一局? 睇下今次架車幾時到?

我就唔會了......唔係巴士公司控唔控制到之問題, 而正是巴
士公司控制唔到, 先要更俾乘客知道情況...

唔好介意, 如果以減少資訊去用黎留客, 我覺得係好過時之
想法

相反, 如果俾d客知道等車時間, 反而有利, 如我行過巴士站,
見到巴士好快到, 可能我就唔會行上行落去坐地鐵..即使
我plan左地鐵先..而即使有事故, 如果有其他巴士線可以到,
我亦可能會選擇其他更貴的巴士線, 如我係tst 等7號返waterloo
road, 我見到7原來有壞車, 有延誤, 或要等15min 先有車, 我可
能會上架271 ga wor, 如果有車黎, 我又趕...鐵路又唔方便....

就算今次我見到耐, 坐左鐵路, 下次也可能見到早, 會坐巴士呢...

總好過我好谷氣, 唔知等幾耐, 又見其他線係咁有車, 係錢同
時間考慮之矛盾, 我想大家都試過吧....

再講, 等得耐車, 即使d客上到車, 你食到佢一次車錢, 但是否
等於個客無不滿, 下次仲會唔會坐?

而且, 好多人其實唔係唔等得, 但巴士個問題真係, 就係唔知等幾耐,
寫15min, 可能都有人等, 仲可能可以去附近間7-11買d野, 再去等tim..
如果唔趕....

其實係現今年代, 多選擇下, 提供更多資訊先係未來方向, 與其
諗趕客, 不如諗下新資訊下俾到的機會吧....

[ 本帖最後由 3ASV196 於 2011-11-21 01:23 編輯 ]

原帖由 3ASV196 於 2011-11-21 01:12 發表

其實係現今年代, 多選擇下, 提供更多資訊先係未來方向, 與其
諗趕客, 不如諗下新資訊下俾到的機會吧....

就係「趕客」同「機會」比較過，先會有唔值搏既諗法姐

果D用「到站時間」吸客既諗法
有幾何D人會係行去地鐵站其間會經過巴士站？仲要遇著就快有車？
變左用「到站時間」吸客，根本係可遇不可求
反而一個唔該，塞車脫班，比正常班次疏，就連平時既客都會趕走埋
以而家香港既交通情況，你覺得「生客遇著零分鐘」易D，定係「熟客遇著脫班」易D？


老實，果日我等一個鐘215X，其實我係打過去4466諗住問下咩事
之後已經聽到機隧間封既消息
消息其實一直都有提供，你只可以話佢既渠道唔足夠
況且，究竟呢D極端例子會出現幾多次？
我讀左兩年幾POLY，等一個鐘215X既次數只係兩次
反而keep住有車但keep住頂閘既情況見得仲多，咁樣有冇到站時間其實都已經唔再重要
因為有車唔代表到你上到車，咁樣「吸客」只係會換來生客既失望
咁就算佢下一次見到「零分鐘」，都會質疑究竟自己上唔上到車
就係坐開巴士既客，先會知道乜野叫做正常，乜野叫做唔正常


反而講到呢度，我會覺得巴士公司需要整既，唔係同乘客講下班車幾時會到
而係同乘客講邊度邊度出左事，影響乜野路線既班次同服務
相比起吸生客而言，同班熟客解釋點解班次會失準
佢地先唔會咁易判巴士公司死刑
就算脫班，趕既客都只係一日，而唔會一野就嚇到佢地以後唔幫襯…
至於到站時間，都係等巴士服務可以做到鐵路咁準時先再算吧啦

係主要既道路上多加"巴士專用線"減少塞車先
如果下班車"客滿"的話亦需顯示再下一班車到站時間

原帖由 ~誰@359~ 於 2011-11-21 01:33 發表
就係「趕客」同「機會」比較過，先會有唔值搏既諗法姐

果D用「到站時間」吸客既諗法
有幾何D人會係行去地鐵站其間會經過巴士站？仲要遇著就快有車？
變左用「到站時間」吸客，根本係可遇不可求
反而一個唔該，塞車脫班，比正常 ...

有幾何D人會係行去地鐵站其間會經過巴士站？<-- 其實最少我自己
成日都會遇到的, 而講緊亦未必係鐵路, 包括競爭之其他交通工具.....

好似我康怡返旺角, 我有102, 有地鐵, 有小巴, 巴士站係正地鐵口,
我依家選擇多數係102/地鐵, 因為小巴唔知之後等客點....而102最
大問題, 就是有時等得比較耐, 所以我一唔想等就地鐵ga la, 有左
時間其實幫到手

另外成條彌敦道咁, 其實亦好多人行過巴士站先會到地鐵的....

而且, 好早我都講, "如果遇到交通意外或特別情況, 亦可能需要較
好之通報機制", 當然這亦可以包括下班車客滿車的顯示......只要將
司機按客滿制自動駁去系統就可以了.....

其實你講到打電話問, 先唔好計我地識打電話去問la, (普通客連電話可以
咁問都未必知), 其實你會唔會一等車就打電話問? 有顯示同無顯示差別
就在此了, 一黎顯示是主動通知, 二黎唔駛等到過晒時頂唔順先去問, 三
黎電話熱線如果人人都打, 就一早成日接唔到線, 依家新巴熱線, 有時我
打都要等超過10min先有人聽...@@ 情況已經好唔同了...

就好多人都會講, 路面情況唔同, 巴士"到站時間"做唔到鐵路咁準時, 其實
亦可以優化有關估計, 係數碼化, 智能化下....

其實每一班巴士, 都係可以用之前一班巴士之實際服務時間去估計下一車"到站時間",
咁就可以做到更準確之時間, 去緊貼當時有關路線之路面情況, ...係GPS + 行車
距離, 其實都可以即時估計到巴士由一站到另一站之大約時間, 而係有大量巴士
之路段, 如講返彌敦道, 更加可以用大量數據去做了.....

而除左GPS, 巴士亦可以透過WIFI 點, AUTOTOLL 感應去做到更準之位置,
情況就好似現時運輸署隧道之行車時間估計, 路面是否一定估唔到? 其實依家都有了...

當然, 巴士公司亦要更加去留意有無司機過份碌車, 或爬同線車頭之情況.....

[ 本帖最後由 3ASV196 於 2011-11-21 08:27 編輯 ]

同意呀, 喺呢個年代個個都手機上網, 候車時間呢d交通訊息又唔係咩機密資料, 係好應該搵方法令到佢更透明化, 公開出來, 總的來講係對乘客有利。
不過, 要巴士公司自願去都幾難, 一來有成本考慮, 二來亦有上述嘅 "吸客/趕客" 憂慮, 除非有一家好為顧客著想嘅公司, 所以都係要政府逼, 甚至要政府做埋, 先會較大機會成事啦講返轉頭, 就算站在巴士公司角度, 都好應該要為每部巴士裝上gps, 監察每部巴士嘅動向, 令派車/調車更靈活更準確, 甚至係向住鐵路化嘅方向進發, 至於為提升系統而引致嘅成本, 是否由政府補貼, 則係後話了。

[ 本帖最後由 leochill 於 2011-11-21 09:29 編輯 ]

原帖由 leochill 於 2011-11-21 09:24 發表
除非有一家好為顧客著想嘅公司, 所以都係要政府逼, 甚至要政府做埋, 先會較大機會成事啦

點解一定要迫巴士公司趕客？
點解一定係政府塞舊錢畀巴士公司，就可以畀政府為所欲為？
點解唔係要政府搞返掂而家既塞車問題，重新針對私家車呢個問題核心
造成一個誘因，令「到站時間」變成係巴士公司用作吸客既工具？
咁樣先係對全香港市民有利既做法

其實個構想係好，但實際上實行來，有很多技術性問題要解決。

首先，先唔講司機駕駛態度問題同中途壞車/違例泊車/交通意外，就算假設左每班車的行車速度一樣，
每日同一班車到站的時間都可能不同，其中一個原因，是因爲路面交通狀況，包括交通燈的長短（尤其
係警署外的交通燈，如荃灣警署外的交通燈是人手控制的)及其他道路好像十字路口交通狀況 （好像柯
士甸道塞車可以導致彌敦道南北行塞車)。而第二個問題根本沒辦法解決。所以，就算比左你每部巴士
都裝了 GPS，其實話比乘客聽個大約到站時間，如果係顯示長時間反而還好，如果係短（如顯示 < 10
分鐘後到站，但因爲路面情況而導致 > 10 分鐘先到), 乘客個印象會覺得"都唔準既"，反而會係趕客。