am觀察 : 智能巴士：另一種集體運輸的出路

原帖由 peterkwan 於 2011-11-21 17:53 發表
其實個構想係好，但實際上實行來，有很多技術性問題要解決。

首先，先唔講司機駕駛態度問題同中途壞車/違例泊車/交通意外，就算假設左每班車的行車速度一樣，
每日同一班車到站的時間都可能不同，其中一個原因，是因爲路面交通狀 ...

其實閣下可以睇返我#18的回文, 都有講到有關困難, 及點樣表達個時間好d

其實我相信大部人都會明白巴士行車會受路面情況影響, 即使有"到站時間",
可接受的誤差都應該會比鐵路大....

但前提係有個大約時間係總好過咩都無...完全無概念下班車幾時到...

情況有如大家等升降機, 如果大堂有升降機樓層顯示, 總比無的好,
係等候的心理上....

[ 本帖最後由 3ASV196 於 2011-11-21 18:44 編輯 ]

但從乘客角度方向出發， "巴士將於15分鐘內到達" （或者更短時間)， 就expect 所顯示的時間 + 某個可接受時間範圍(每人不同)內一定會有車到站這個感覺（正如鐵路一樣，無人會expect 列車會於所顯示的時間+某個可接受時間範圍 (每人不同）之外才到達)。當如果因爲路面情況做不到他 expect 的時間內到站，乘客就會越來越覺得不可靠，有同無沒有分別。

就算途中有交通意外/塞車而要臨時 update，都總不能顯示 "巴士將於60分鐘內到達" 這些無"意義"的顯示吧。

如果香港行BRT,
我諗,
後果會好似鐵路支線咁樣,
講N年都未上馬,

班尊貴議員一時又話呢度有站,
果度冇站,
一時又話唔應該起太高既道路,
又話怕噪音影響居民

唉~香港就係呢一種畏首畏尾既風氣令到社會退步

原帖由 ~誰@359~ 於 2011-11-21 17:43 發表
點解一定要迫巴士公司趕客？
點解一定係政府塞舊錢畀巴士公司，就可以畀政府為所欲為？
點解唔係要政府搞返掂而家既塞車問題，重新針對私家車呢個問題核心
造成一個誘因，令「到站時間」變成係巴士公司用作吸客既工具？
咁樣先係 ...

其實我反而咁諗, 閣下講到"搞返掂而家既塞車問題"係重點....我唔反對,
但直d講, 塞車就好難一下解決, 最多整多d巴士專線...

但我一直睇係, 「到站時間」係塞車環境下, 反而更重要, 講真, 如果巴士
好似地鐵咁, 暢通到5 min 一定有車gei, 就無時間都無所謂la....問題正是
依家交通情況唔穩定, d 班次未必跟到時間表咁準, 先需要更多資訊,
先更需要個時間....

正如如果紅隧唔係成日塞車, 都唔駛係路牌整個行車時間俾人選擇la...道理是
一樣...(再要重申去講, 海隧時間路牌係好重要的現今例子, 不論技術上, 使用
者心理上, 都俾到我地睇, 點樣可以估計不穩定, 塞車情況下之行車時間)

直d講, 依家講緊係巴士本身問題, 我自己就覺得唔好又拉去講私家車,
私家車就一定有ga la, 問題係巴士係現今情況點樣再提升個服務ma
咁討論先係有意義....

係人都知, 如果香港少d人, 少d車, 咩交通都會暢通d, 如果下下都講私家車
先, 咁咩巴士建議都唔駛講了.....除左私家車問題, 巴士是否本身完全無改
進空間呢.....重點在呢度...

原帖由 3ASV196 於 2011-11-20 23:38 發表


其實我都明, 如果有留意我近年貼有關巴士文章的朋友,
都有留意我近年好集中去講未來香港巴士服務的建議

包括在收費模式, 車輛設計, 服務標準等....因為我都希望
巴士服務提升, 去對抗鐵路化之競爭, 同時用增加效 ...

只能夠講,
舒適度上巴士公司基本上係提供到接近一流既設施,
巴士既體積,
政府一日唔放寬限制,
一日巴士公司都唔能夠作更多既試驗,
而且,
前景上,
觀乎巴士公司買既車越買越縮水,
政府更加唔會做,
餘下既所謂"進步"
好多只係晌機械上著手,
收費模式方面,
我倒認同係巴士公司方向問題,
當然,
政府亦有責任去提供一個好既前景俾巴士公司,
除非政府打算將佢國營化,
然而,亦唔會,
所以亦變成今日巴士公司越做越冇心做既局面

原帖由 3ASV196 於 2011-11-21 19:10 發表


其實我反而咁諗, 閣下講到"搞返掂而家既塞車問題"係重點....我唔反對,
但直d講, 塞車就好難一下解決, 最多整多d巴士專線...

但我一直睇係, 「到站時間」係塞車環境下, 反而更重要, 講真, 如果巴士
好似地鐵咁,  ...

有冇人諗過,
當西隧唔係收私家車四五十蚊一程既時候,
仲有冇咁多人死排爛排都要排紅隧,
又有冇人諗過,
少D交通燈,
或者將交通燈既協調做得好D,
條路係去車去得快D,
裝咁多個衝燈相機,
其實我可以同你講,
係垃圾,
甚至乎老實講句,
好似城隧返沙田咁兩線縮一線,
話塞你就塞你,
呢D,
根本係路面設計問題

條路唔係少左私家車就會好,
相反,
公交越多阻滯,
條路只會越多私家車
都係果句,
條路冇晒私家車,
車房執晒,車行死埋,
咪又係多班失業大軍

[ 本帖最後由 da93 於 2011-11-21 19:21 編輯 ]

原帖由 peterkwan 於 2011-11-21 19:03 發表
但從乘客角度方向出發， "巴士將於15分鐘內到達" （或者更短時間)， 就expect 所顯示的時間 + 某個可接受時間範圍(每人不同)內一定會有車到站這個感覺（正如鐵路一樣，無人會expect 列車會於所顯示的時間+某個可接受時間範圍 ( ...

其實依家未試過, 大家都好難知道實際上用起上黎係點gei, 即個實際誤差率去到幾大....
這可以是影響大家贊成定反對....當然, 如果有, 我都期望越準越好la....正如依家個
班次時間表.....

不如我反問閣下, 不知閣下點睇依家巴士站個時間表? 那個係死gei, 唔會識變gei,
其實那乳豬盤時間表, 同樣會"因為路面情況做不到他 expect 的時間內到站，乘
客就會越來越覺得不可靠，有同無沒有分別。"

咁點解巴士公司都要整?

而講緊的新系統, 其實因為科技進步, 資訊係增加及即時性, 點計都會比那乳豬盤時
間表為準, 對乘客而言, 真係是否完全無作用?

如果真係要60min 先有下班車, 我真係寧願佢show 出黎la, 正如如果屯公出事,
運輸署都叫人唔好坐巴士, 唔好用屯公一樣...

[ 本帖最後由 3ASV196 於 2011-11-21 19:29 編輯 ]

原帖由 3ASV196 於 2011-11-21 18:39 發表


其實閣下可以睇返我#18的回文, 都有講到有關困難, 及點樣表達個時間好d

其實我相信大部人都會明白巴士行車會受路面情況影響, 即使有"到站時間",
可接受的誤差都應該會比鐵路大....

但前提係有個大約時間係總好 ...

又調番轉講,
如果有路面情況既影響,
反而仲容易攪,
例如話觀塘道塞車,
你基本上可以用呢個顥示屏將成個訊息放晌沿線各站既顯示屏度,
係人都睇到,
呢個我覺得比好準確咁顯示到站時間更易做

原帖由 da93 於 2011-11-21 19:31 發表

又調番轉講,
如果有路面情況既影響,
反而仲容易攪,
例如話觀塘道塞車,
你基本上可以用呢個顥示屏將成個訊息放晌沿線各站既顯示屏度,
係人都睇到,
呢個我覺得比好準確咁顯示到站時間更易做 ...

其實我一直同意應該顯示埋訊息, 即咩塞車咁, 但如果只是
出個訊息, 唔出埋時間, 就更"趕客" lor, 因為塞車都可能好快
有車ga ma

原帖由 3ASV196 於 2011-11-21 19:40 發表


其實我一直同意應該顯示埋訊息, 即咩塞車咁, 但如果只是
出個訊息, 唔出埋時間, 就更"趕客" lor, 因為塞車都可能好快
有車ga ma

呢個要睇巴士公司點做,
況且一句野可以有好多種講法既,
你可以嘗試拎D實物去想像一下,

好似交易廣場城巴個大電視咁(或者更大既顯示屏),
上面係路線既開車時間,
呢個mon放晌九龍灣地鐵站果個大站度,
個mon主要寫路線預計到達時間,
底部加多句現時觀塘道比較擠塞,行車時間可能有所延誤

咁樣已經解決到你所講既問題
同埋,
邊度有意外,邊度車多,邊度改道,
公司電台係有晒料晌手既

[ 本帖最後由 da93 於 2011-11-21 19:50 編輯 ]