香港路面既交通擠塞原因何在？

現在除了平日上下午的繁忙時間路面出現交通擠塞，
每逢星期五下午及星期六下午的交通擠塞情況更嚴重的。

有冇板友知道路面既交通擠塞原因何在，
有冇辦法去解決以上的交通擠塞問題？

如果指銅鑼灣，源頭應該是在利園、時代廣場一帶；而旺角則差不多每天中午過後都會塞車，源頭方面主要在旺角道與洗衣街交界，其次便是彌敦道與窩打老道交界。

另外德輔道西東行東邊街至皇后街一段亦往往因為貨車上落貨而引致塞車，龍尾有時會伸延至水街，主要因為有些貨車停泊在巴士站，結果巴士要停在中線上落客所致。

[ 本帖最後由 hkaiw 於 2011-11-23 14:18 編輯 ]

其實現時交通擠塞主因係路面設計未能應付現時既車流量，
還是各類車輛數量不斷增加有關？

原帖由 nwfb1110 於 2011-11-23 15:45 發表
其實現時交通擠塞主因係路面設計未能應付現時既車流量，
還是各類車輛數量不斷增加有關？

你這兩句, 實際上是沒有不同的..理論上就有...

路愈多, 車流就會愈多, 這是不變的定律..

如果從規劃角度看, 當年新市鎮不能自立, 就是今日塞車的主要成因之一,
令多區居民需要頻繁地來往市區, 令車流上升.

香港島從東而西, 主要得三大道路, 九龍也是, 所以當中的樽頸情況十分嚴重

旺區無變大到，亦都無轉移，理論上最有效紓緩塞車的：
西隧一來太貴，二來離原有旺區亦遠；
青沙夠平喇啩，但亦因為落長沙灣等等唔係太方便，結果暫時都未係好多車用。

相比之下，大欖夠貴囉，但又咁多車行？
因為行大欖真係shortcut，真係慳到時間。
但假如我由油麻地經西隧過中環，感覺上好似有快到，
但其實里數比用紅隧還要長少少，在此之上再加上隧道費貴，結果西隧唔係紓緩到好多紅隧車流。
西隧出港島後，更加係畀塞入中環金鐘的車塞返轉頭......

現在新界都塞車
如上水風采中學一帶早上大量私家車接送上學, 也造成附近路面擠塞
大埔南運路更甚, 吐露港公路近馬窩晚晚塞車, 九十年代二千年早期都沒有發生過
還有元朗博愛交匯處, 沙市等等...

早年有些六七十後的市民在投資市場上賺到錢, 近年大量出私家車

其實塞車基本上係所有大城市面對的問題....基本上係人口密集的必然後果

在規劃上, 道路交通可以分為Local 同Through,

如果 x 係一個地方
Local 指 交通係開始或結束在x
Through 係指交通唔會停係x, 但通過x

x 可以係不同層面, 係一城市, 係一地區, 或一條街都可以

要減少塞車, 可以盡量減少 through traffic, 如起一d 繞道,
公路....政府都做緊好多....如起緊的中環/灣仔繞道, 或
計畫中之中九龍幹線等...

至於旺區, 其實本身多人多車, 地方又唔可能再多, 基本上好
難搞....除非收費/限制部分車輛進入, 但呢d方法當然亦有唔好

唯一可以改善係交通燈及路口設計, 如你見到旺區十字路口少d
俾右轉, 減少"conflicts points"(即不同方向的車與車交匯點),
減少意外, 加快d車流...

車數目從來只有加, 最多可能可以做是不斷加車稅

好多時係d燈位設計, 內街車流過多
例子:
觀塘: 觀塘道迴旋處呢個位 多得成業街打後既燈位唔少 由入面塞返出觀塘道口
跟住3邊d車都出唔到 加上觀工既車龍 令到東行線塞上加塞

旺角: 太子道西/ 旺角道/ 亞皆老街: 呢3條街面對住同一個問題 來往大角咀方向既車流都係overload
加上d燈位短/ 多車集埋o係同一點 (eg 洗衣街/ 太子道西 / 先達出面等)
更重要係小巴用左兩條內街 條條都車海 洗衣街 /亞皆老街一塞 成堆紅小死晒

旺中出面堆的士/ 私家車 成日頂住巴士埋站 之後又塞返出旺角道/彌敦道南行
部份巴士如:2A等會同13D/ 16等 等轉入西洋菜南街 令到旺角道D車郁唔到

最後1 1A 104等由彌敦道 HSBC/ 新填地街一路塞 塞到洗衣街先叫走得甩

PS: 個人覺得 o係現有基礎下改行車方向 可以減低塞車過耐既問題
因為呢d位都係冇得起新路/拆建築物 只有用現有設施落手

原帖由 TankKingEH9697 於 2011-11-24 00:53 發表
因為呢d位都係冇得起新路/拆建築物 只有用現有設施落手  

建築物係有得拆, 搬走食環署車場 /水務署刻不容緩, 果塊地可以用黎擴闊洗衣街 / 做紅小總站 / 甚至起新路都得, 點都好過而家, 政府想拖到幾時?