(轉貼消息)東鐵綫全程行車時間將延長大約2分鐘

原帖由 656-HU3984 於 2011-12-5 22:32 發表
無記錯既話之前見過有d版友講過大圍站附近既路基爛到不行
蛇行運動超勁
所以依家先要落TSR
除非依家呢個唔係TSR係永久啦

唔好亂咁鬧d住私人樓既人吧, 我諗香港小市民未至於有咁大權力 ...

小市民確然係冇咁大權力，但政府對佢地既「民意」呢，就......

大家仲記唔記得，同一區過少少，文化博物館同沙田公園之間個十字路口，政府本來打算起好青沙後，將呢個十字路口改為L字路口，其中兩個路口永久封閉。約07年，真係見兩個路口封左，仲有個牌寫明「此路永久封閉」，點知「永久」得唔夠幾日就打回原形，而家，攪到後面條埔公不倫不類，朝朝塞到火炭甚至馬場，早排攪埋去城隧條線，攪到原本幾年冇意外既路段變成一個月三宗意外...............為乜？呢個italk都有討論過，原來就係兩幢私樓既大帝，投訴咁樣改道，會影嚮佢地D私家車由埔公南行線進入佢地個停車場唔方便，而呢個政府倒也出奇地「重視民意」，要大半個新界東既道路使用者(包括巴士乘客)去就兩幢私樓既大帝。

詳情睇返

http://www.hkitalk.net/HKiTalk2/viewthread.php?tid=467438&extra=&page=5
http://www.hkitalk.net/HKiTalk2/thread-642809-1-1.html

要注意既，係o個兩幢私樓，已經落成22年，一早已賣晒畀小業主，無論方唔方便、樓價升跌，都只係影嚮小業主，影嚮唔到真正既香港統治者，但都有如此「威力」；相比之下，名城三期，亦係最近港鐵站既幾幢，正係由某些利益集團發售中，咁佢既「威力」如何，自己唸唸啦。

又唸下，如果改道係影嚮到兩幢公屋既人搭巴士唔方便，你估下又會點呢？會唔會為左兩幢公屋人搭巴士，攪到話明「永久」既封路封唔夠幾日，然後就由得後面條公路不倫不類？
又一個老掉牙既問題：如果黃埔、海怡塊地係公屋，你認為龜龜仲會唔會為佢起站？如果東涌西塊地唔係公屋，而係「逸落骯城」 ，你認為說好的東涌西站仲會唔會有所謂「技術問題」同所謂「人口不足」而無了期不了了之？

[ 本帖最後由 mckhgc 於 2011-12-7 00:59 編輯 ]

原帖由 DIH 於 2011-12-5 22:16 發表

今朝北上係搭架千九，要慢速通過泳池波口，「蛇」到幾乎跌低。
又要有鐵路、又叫鐵路不要嘈，對這種多數服從少數明顯階級歧視行為，我真係好想爆出一些單字。 ...

其實，對於東鐵人來說，「多數服從少數」早已見怪不怪吧
尖東歸西、觀塘線兩削過海，東鐵人有哪次不是「服從少數的多數」(都仲未講當年起西鐵既大花筒，攪到東馬鐵既野縮晒皮，西鐵請客、東馬鐵付鈔  )?

眾港鐵線中，東鐵線從來係集多項「唯東鐵專享」「獨家服務」於一身既「鶴立雞群」路線，作為東鐵線常客，根本就已係原罪:@

原帖由 mmlcs36 於 2011-12-6 21:24 發表

咁東鐵遲D去到金鐘又點計先？

真係仲好拎出黎講，講起就真係把幾火。
遲D遲D.......沙中線，攪左N年話唸批畀地鐵定九鐵，02年定左畀九鐵喇，話04年動工，08,09年左右通車，點知轉過頭就走左去講兩鐵合併，沙中線好似冇左件事咁，同時，西鐵九龍南線(同東涌線幾乎完全重疊!!)就急急仆到咁去起  (仲要叫部鑽挖機做「小龍女」，肉麻當有趣，唸起都想嘔)，09年，說好會通車的沙中線，居然仲吹緊水，沙中線就冇喇，尖東歸西、東鐵縮紅磡就有  。到11年、就黎12年既今日，沙中線仲係吹緊水，其它咩南港島線、西港島線、黃埔延線、高鐵.....就全部都起到如火如荼。


仲要次次有咩其它麻煩野，就梗係拖沙中線落水、拎沙中線祭旗，阿爺吹雞起高鐵嘛，沙中線「又」押後囉！有刁民「叉倫廚」港珠澳大橋？好我收返沙中線環評慢慢玩過！
同以前每次路線改動，都拎東鐵線(或其唯一有效的交匯線：觀塘線)開刀冇分別。東鐵人就長期是香港交通規劃、鐵路改道的祭品。

[ 本帖最後由 mckhgc 於 2011-12-9 00:37 編輯 ]

話口未完，報已見

http://orientaldaily.on.cc/cnt/news/20111206/00176_034.html

大圍車廠上蓋的大型屋苑近期入伙，不少居民受到列車噪音滋擾，紛紛投訴，要求港鐵改善。

都知係負面野，就唔提屋苑名，只以一句「大圍車廠上蓋的大型屋苑」帶過，不愧係李氏打手報！

要講要鬧既，上面唔少板友已講左，唔再重覆。仲有呢一句

現時除大圍站外，只於深夜時分在青衣盈翠半島附近路段調低車速


上面板友說好的為左個公屋既九龍灣隧道口減速呢？

原帖由 mckhgc 於 2011-12-8 13:35 發表
話口未完，報已見

http://orientaldaily.on.cc/cnt/news/20111206/00176_034.html

大圍車廠上蓋的大型屋苑近期入伙，不少居民受到列車噪音滋擾，紛紛投訴，要求港鐵改善。

正所謂吃豬大腸時又嫌屎臭

其實我倒想知道，以近年D港鐵上蓋物業既天價，入面既住客，到底有幾多真係會搭港鐵？

康城個站連埋條支線，都明顯係一條「地產鐵路為李建造」既廢鐵，結果就係載空氣咁滯(要注意係該處除港鐵，幾乎冇其它交通工具，其樓價又較其它新港鐵上蓋物業為低，因而可以估計居民用私家車比率較低，但都攪成咁)。
九龍站情況更明顯，圓方商場未開檔前，幾乎用黎拍喪屍片打war game都得。

御龍山、銀湖天峰、名城呢D，入伙都已一段日子，唔知相關港鐵站(火炭、烏溪沙、大圍)既使用量，有冇因為呢D屋苑既入伙而明顯上升呢？

今日下午六點左右坐南行線
感覺上架車比以前開快左
另外我在入現存隔音屏果陣已經加番速, 唔駛等到全抽車入隧道
個人估計 50 臨時限速可能已經取消, 變番 70 臨時限速

另外我見佢裝隔音屏
中性區果個位係冇裝到的...
其實會唔會對隔音屏的效用構成明顯影響?

其實依個問題唔係淨係大圍同紅磡有
太和站以北近帝欣苑都有限速60,南北行都係
據了解其限速原因係北行右邊既屋苑投訴有關東鐵列車既噪音