建議重組沙田來往西九龍的巴士線

原帖由 dippy 於 2011-12-25 14:40 發表 http://www.hkitalk.net/HKiTalk2/images/common/back.gif
你唔會認為280X會有人由尖咀坐去油麻地吧
而且油麻地有281X可以去沙田, 除左上穗禾要轉車其他都經, 無必要拖慢人地十幾分鐘去執雞吧, 佢唔同268B/68X
人地慢線要碌到美孚先上公路自然會快好多, 281X係旺角走, 所以只係差五分鐘以內, 當然, 281X仲要經一經大圍
所以280X唔行埋油麻地都OK, 行左D人都只會係乜車黎先上乜車

差五分鐘唔可能，以彌敦道/亞皆老街的交通情況，差10分鐘就差唔多。
我唔認為值得飛晒彌敦道客倉。呢D唔係叫做執雞，而係儲客。

仲有，281X改完之後長18.5公里，就算唔計條線變「特快」，收費都升左兩級，
仲可以收返$6.1？呢D情節現實世界無可能發生，呢個問題你又無正視。

1. 從來係得你一個人對用三分鐘入一入大學站有意見咋喎, 唔好斷章取義
而且係你覺得行演景一城好快, 快過行公路(尤其係早繁之後)
依家係傾緊全日線, 唔係傾緊到底朝早開兩班超特快班次出長沙灣, 唔係一早行左沙涇同紅梅谷路
富安個問題可以考慮係回程對面加個站比佢, 就算行入去我條線都有足夠時間行, 唔似某人唔肯面對自己條線行車時間嚴重不足既事實

唔只我一個講入大學站無用，搶唔到客，上面唔知幾多層GL3789都有提過。
由頭到尾係得你一個人覺得條線唔使轉車可以搶到學生客，但係東鐵就算轉兩次車都唔慢，
又平好多，搶到客先奇。
我知道你好想避開同其他線重疊，所以走左去大學站，問題係
全日最快行法一定係經濱景一城後火炭路出，路牌教人去荃灣都係咁行，
入大學站已經唔見左三分鐘，又行遠左，肯定仲慢。
至於繁忙時間，最穩陣當然係行晒成條大涌橋路，行沙瀝同紅梅谷路會塞車。

富安回程個站對面無位加站，馬路隔離係草坪，再隔離係單車徑。

至於我有冇正視行車時間問題？我講左幾多次，86A拉長得果兩公里，
沿途又無乜上落。廣源開到落小瀝源路/沙田圍路交界約兩分鐘，
再過最多六分鐘已經可以去到沙角街口，行車時間只係增加七至八分鐘，
一單60分已經搞掂，唔會減少休息時間。

同樣行沙田圍路的83S，去到鄉事會路/源禾路實際只係10分鐘，
83S俾咁多時間主要係沙田巿中心轉圈，果度起碼唔見7分鐘。
真係丫，有邊個會信一條行車里數比86短三公里、走線更直接的新86A，全程同86一樣咁慢？
拉長兩公里，竟然要行多成四個字？
而家係你唔肯面對你估算失誤的事實喎，只係識得話我「唔肯面對」「事實」，但係又提出唔到
有力理據反駁我提出的幾個論點，有咩用？

2.你認為條線跟82K咁行快得過行出大涌橋路坐284X?只係你話唔行入去D人會唔識路坐車咋
擺圓洲角係方便D人去威記, 唔係太主力做第一城, 而即使係圓洲角, 行車時間都唔見得比依家耐

小瀝源唔係得第一城，仲有愉田愉翠，你搞到D人原本樓下有車搭，變到要行出去，
即刻送客俾港鐵兼俾區議員ban。尤其是對住沙田區班諸多挑剔的議員。

圓洲角兜上山再落山係咪唔見得比而家耐？唔好意思，
根據google map，由圓洲角去到大涌橋路/沙田圍路交界，
最正路行法只係2.5公里：http://g.co/maps/whkmb
而跟你咁行，先兜上山，就要4.2公里，里數即刻增加左68%：http://g.co/maps/up8ru
我估你係想避開同284X重疊，問題係有冇需要為左避開重疊而專登兜去第二度浪費時間，
仲要搞到乘客更唔方便？講返第一城，城隧線都有三條（40X、43X、49X），
咁係咪又因為佢地做同個站「重疊」而要搬走一兩條？
283X小瀝源段跟返而家86咁行，已經係最好，最唔影響現有乘客。

3. 獅隧同青沙既問題唔再重覆, 成篇文係得你一個刻意制造重疊, 浪費資源
仲要因為唔想人轉車而夾硬拉條唔關事既86C去維港灣, 但又唔經大角咀最多人既地區(奧海2期/富貴街那邊)

我點刻意制造重疊？巴士線重組，減少重疊到底應該係手段定係目的？
重組應該係以照顧乘客便利為先，定係消除重疊為先？
有冇需要為左令到幾條線完全唔重疊，而夾硬要人轉車、夾硬兜遠、夾硬要人行出去搭車？
而家6C同6重疊八成，又同6F重疊八成，咁係咪又要cut左條6C，過車俾6同6F，叫長沙灣美孚搭6號轉6F？
1同1A九龍城至尖咀重疊晒，咁係咪又要縮左條1A落太子，加1號仔班次，叫界限街以東搭1A轉1號？

而家86A同86C正正係無必要重疊，我將86C掟上青沙，已經令到兩條線分工清晰，唔再重疊。
86C主打欽州街以西，86A主打石硤尾同欽洲街以東。
如果你話兩條線都同時做到長沙灣同深水步，我無野好講，
但係兩條線服務範圍完全唔同，一條做長沙灣道，一條做青山道/元州街同石硤尾。
86A擺美孚，只係因為到時成個長沙灣同美孚得返佢一條獅隧線，
同埋得返呢條線可以做到石硤尾/南昌街 - 美孚流水客，否則唔該拉2B/2F是但一條落美孚。
兩線重組後客源唔同晒，有幾重疊呀？
係咪要為左「減少重疊」，而要石硤尾人轉車/車程變慢，令佢地變得更唔方便？

我估你同樣覺得我的新86A同83齊齊做廣源，又係大幅重疊，
但係兩條線行的路根本完全唔同，86A既然由得82M抽車做，
就有必要拉返上廣源，當係俾呢個無鐵路覆蓋的地區的等價交換，
俾佢地有大圍特快，兼且經獅隧去石硤尾同深水步快過86。
而83當然係主打長沙灣同美孚。

如果呢D都叫做重疊的話，我諗1A/13X、13X/28、38/40P/42C、46X/86B都係嚴重重疊、浪費資源。
全港即刻有一半巴士線可以執笠。

86C點解落維港灣，第一因為由欽州街出入，行車路線最短最直接的大角咀區總站係維港灣，
亦有最多空位；其次如果用返欽州街做總站，由富昌村U-turn返出去的時間唔會快得過直插維港灣，
擺南昌站/東京街亦唔見得有著數。
而維港灣開出，經欽州街、長沙灣道上到青沙亦係四個字，一單連休息75分鐘肯定足夠，
咁點解唔擺維港灣，方便多d客呢？
奧運站行人天橋網絡完善，維港灣亦係奧海城樓下，已經可以做到差唔多整個大角咀新區。
當然如果有條線大角咀後直出青沙（例如我的新87A/87B，或者之後提及的87D青沙版，
或者DIH兄的287X）係最好，但係就算開得成呢D線，又係咪代表86C一定要縮去第二度，
而縮去呢D地方（東京街、南昌站）又慳唔到行車時間？

[ 本帖最後由 S3BL100 於 2011-12-26 00:29 編輯 ]

原帖由 dippy 於 2011-12-26 01:47 發表 http://www.hkitalk.net/HKiTalk2/images/common/back.gif

計算由斜路頂到荔枝角站經285X定線(入大學站版)
20.0公里, 27分鐘
285X定線(不入大學站版)
19.3公里, 25分鐘
經一城, 火炭路, 青沙(不經亞公角街)
17.8公里, 25分鐘
經86X定線
18.1公里, 32分鐘
由前三項數據得出
入大學站比直出火炭路慢
不入大學站與直出火炭路一樣
另外, 直出火炭路多四支燈
亦都要停埋演景/一城, 令馬鞍山吸引力降低(e.g.680V.S.681)

已經行多2.2公里，無著數。
同埋唔好用680/681去比，有分別：關鍵唔係一城濱景，而係是否全段公路。
681係全段都係公路，285X唔係。

講講下已經由最多個零字去左個半字囉
P.S.52.5+8>60
數學問題呀, 唔知點解我用地圖計係計都係計到8分鐘
唔通86A可以行到私家車速度?
拉長兩公里好少事?, 當年171只係拉長左900米, 3個站都已經好大件事, 要加時3分鐘/單
依家拉左2.8公里, 仲要多站多燈, 點會加8分鐘咁少

拉2.8公里咁多？我計google map得兩公里喎。
http://g.co/maps/fmpjw

同埋唔好信晒google map時間，拉長之後多四個站，問題係果堆站通常可以飛，
果段路又唔會塞車，當果段路平均車速30 km/h，咁只係用四分鐘，
加埋果六支燈要停其中三支，每支一分鐘，都係得七分鐘而已。

仲有，86A假日25分一班時段根本一單連休息只係俾50分鐘。

事實係，83S由廣源落到鄉事會路/源禾路口只係10分鐘時間，
因此86A拉長之後，只需要行多最多8分鐘係合理，你估要用多幾多時間？慢得過83S？

愉田行去出九龍果邊咪又係要用圓洲角支燈, 行去圓洲角總站唔比行去愉田個巴士站遠
愉翠行去牛皮沙街/沙田圍路可以直出, 行車時間已經夠補番有多, 仲要係多好多果種

唔好意思，呢度有燈的：
http://g.co/maps/vhuqn

同埋，樓下有得搭變到要行出去，就算快左都好，區議會都有理由ban。現實就係咁殘酷。
你條283X咁兜，小瀝源流失客不特止，仲要搞到源禾路出長沙灣得返72揀，否則要轉車，
因此283X真係跟86咁行係最好，唔好無果樣整果樣。

如果係因為南昌街而咁行, 我寧願2B去美孚算, 行車時間多2分鐘, 最多蛇車轉埋正, 做夠20分一班(依家係18-23分一班)
長沙灣道行入元洲街兩個街口, 三分鐘行完, 咁叫做唔同, 你話元洲街同荔枝角道都講得過去, 但長沙灣道真係近左D喎
如果唔係依家86C新界方向都唔會行青山道同86A同站啦
獅隧同青沙有分別咩, 乘客係要快, 要到目的地, 而唔係要理條線經邊度
你上部荃灣過海小巴都唔會問人經紅隧定西隧過海啦
你既目的地去到已經足夠, 行邊條隧道根本唔重要, 加上依家86系係唔停獅隧站既
只有87A停

從來重組都係搞到越少人越好。長沙灣想快搭86C，想平搭86A，石硤尾照舊搭86A，有咩問題？

798由796B抽車做駛唔駛經番九龍塘等九龍塘等價交換?

796B/798的主要服務對象係將軍澳，唔係九龍塘，因此唔存在九龍塘等價交換的問題，
而係將軍澳等價交換的問題。唔好拎黎比。

82M主要服務對象係沙田，第一城有鐵路，沙角、富豪繼續搭陰乾版82M或者鐵路都得，
剩返廣源就真係要諗等價交換，況且86A做到廣源 - 大圍特快，呢個功能無其他交通工具做到。

大角咀已經有287X/87B, 有必要所有線都去到咁遠咩, 縮去南昌站起碼慳到行車時間, 但個人認為擺富昌已經OK, 無需要畫蛇潻足
根本維港灣個站只係用黎泊車, 唔似旺柏咁有人用, 唔係就唔會旺柏塞爆而維港灣仲係拍烏蠅啦

維港灣無乜線擺總站係因為由旺角亞皆老街/櫻桃街出入，里數同行車時間長好多，
但係唔見得做多左客，況且維港灣走左班車，行去奧運站追得返，巴士公司當然唔會咁蠢
將咁多線擺落維港灣。

86C唔同，欽州街出入的確係維港灣最近同最直接。

擺南昌站/富昌無著數，慳得兩三分鐘，但係即刻做少班大角咀客。
對於大角咀 <-> 沙田客來講，有86C當然好過無，尤其是87A/B重組本身同86系分開做的時候。
既然如此，點解唔做多少少野，幫到更多人呢？

另外富昌調頭位唔適合擺總站。

[ 本帖最後由 S3BL100 於 2011-12-26 02:36 編輯 ]

原帖由 dippy 於 2011-12-26 01:47 發表 http://www.hkitalk.net/HKiTalk2/images/common/back.gif


計算由斜路頂到荔枝角站經285X定線(入大學站版)
20.0公里, 27分鐘
285X定線(不入大學站版)
19.3公里, 25分鐘
經一城, 火炭路, 青沙(不經亞公角街)
17.8公里, 25分鐘
經86X定線
18.1公里, 32分鐘
由前三項數據得出
...

但如果以你既轉車站邏輯，引伸到s3bl100個地步
唔係無可能

區議會都係驚呢樣野出現先至有時咬住唔放

不如你想下如果你個方案係區議會卡住左，有無d 斬件方案可以推?

想條條線開10-12?咪玩啦，除非你想開完唔夠3個月條條減班
九巴建議開條287X，基本班次都係全日15，基本上開新特快線，個base都會係15開始

因為要實際測試先知改特快線係好處多過壞處定相反
有人可能嫌價錢貴過以前，唔搭；中途要轉車，唔搭；搞到我唔識搭，搭港鐵
乜野理由既客都有
亦都可能吸引到d新客既，但大家無數字係手，唔好咁樂觀

到時改完一輪，將多左既車轉蛇，非繁好客先慢慢蛇轉正
因為開10-12，唔夠客就只會減，減就少左人搭，呢個係惡性循環..越減越趕客

除非你背後又埋左個重組係度啦
不過區議會唔接受一條線隔幾年改一次係真既
一係唔改，一係改到最好

原帖由 dippy 於 2011-12-26 14:57 發表 http://www.hkitalk.net/HKiTalk2/images/common/back.gif
2.8公里

錯。

1. 我的新86A係以廣源做總站，擺黃泥頭果條係83
2. 新86A係行小瀝源路轉沙田圍路，不經廣善街同牛皮沙街
3. 你只係計去到沙角街口的路程，乜你唔使減返由沙田圍總站轉出去果段仔？
我係用新86A的全程行車里數，減返由沙田圍總站開出往美孚的行車里數，得出延長段只係2.0至2.1公里之間。

不如咁講，試下比較下新86A同舊86，由沙田圍路/牛皮沙街交界起計同時出發，邊個快D：
86A去到銀城街口的時候，86去到插桅杆街/牛皮沙街交界；
86A去到沙田路交界的時候，86去到銀城街/插桅杆街交界，準備轉入威院；
跟住就黎料喇：
86A去到沙角街/沙田圍路交界的時候，86應該岩岩由威院轉返出來；
86A埋乙明村個站的時候，86由銀城街轉出小瀝源路；
86A停秦石的時候，86由大涌橋路轉入翠榕橋；
86A停新翠的時候，86應該埋完禾輋村個站；
於是，86行完紅梅谷路，轉上獅隧公路果陣，86大約在鄉事會路同源禾路交界，
由果度經沙田巿中心、新田圍入獅隧口都要兩個字。

由此可見，如果話86A拉長就要俾70分鐘一單，相比86而家官方行車時間得65分鐘，實在係離譜。

愉田愉翠已經可以係圓洲角/第一城站上車
86咁行一黎缺乏效率, 二黎咪即係同東鐵線/馬鞍山線正面交鋒囉, 無鐵既廣源最耐, 要轉車既一城快D, 轉少次既沙中最快
仲要重組後保唔到個5.7出九龍既價, 因為新線入新界係7.1唔係8.1(減左咪)

1. 如果我條新86A拉長就要俾多單程接近四個字的話，咁你條283X咁行，
由圓洲角經廣源再去返沙田巿中心使唔使半個鐘？乜客都趕晒，行青沙的優勢都無晒啦。
2. 我唔知你「同東鐵線/馬鞍山線正面交鋒」想點，區內49X/82M/281A都係咁行，
都唔見得有問題，係咁行先做到最多客、方便到最多人。

廣源-大圍留番82K算啦
唔駛用跨區線做D咁既野

82K入銀城街同新田圍起碼慢10分鐘，咪當係俾個機會九巴搶錢囉。

咁我話86系既主要服務對象係深水埗, 長沙灣, 唔係石硤尾, 因此唔存在石硤尾等價交換的問題
而係深水埗, 長沙灣等價交換的問題, 唔好拎黎比
<-之前寫果篇客量統計已經好清楚咁解到呢樣
更何況依家已經有82M頂番

咁你即係打橫黎講！搵唔到理據服人，就不斷回帶。
796B唔同，因為有成大條地鐵同佢平行，九龍塘有幾多人口？有幾多人要搭796B返將軍澳？
九龍塘、黃大仙、觀塘都唔志在有796B呢條線。
但係石硤尾唔同，石硤尾的確無深水步咁多客，但係有大把人住，又唔係真係咁少客，
石硤尾正正係86系的主要服務對象之一，86系絕對係石硤尾往返沙田的主要交通。
你而家拎走人地條線，就一定要等價交換，否則
即係等同掠奪人地資源，議員肯定嘈到拆天。

仲有我想提一點大家都忽略左的point：石硤尾好多老人家，
搭86系來往大圍、沙角、博康、瀝源、禾輋等一帶舊村。
老人家唔可以得罪。
我可以講埋一樣野，我識得有人想拉直某條新界東（非沙田）
一條定線九曲十三彎的區內線，節省行車時間，以便擴大區內服務範圍，
幫到更多人，於是交建議俾有關部門，當中兜少左一個地區設施，
停少一個站，而果個站只係單向途經，本身無乜上落。
點知運吉俾佢的回覆就係，會影響「前往地區設施的居民，尤其是長者」。
呢位人兄心有不忿，因為區內道路網設計問題，兜得果度就入唔到
另外一個需要途經的地區，於是走去搵區議員商討。
點知區議員的答覆係：老人家、老人團體唔可以得罪，
得十個客就係十個客，無人夠膽郁佢地。

你而家得返82M同87B，去顯田就無事，不過秦石、瀝源、禾輋全部變左要轉車，
仲未計行車時間增加。
夠膽得罪班老人家，夾硬改變佢地的乘車模式，你都算好野。

淨係行果條橋都已經夠部車行到新九龍廣場, 仲要又上又落

富昌三不五時都有車放係度架啦, D車咪又係咁行
大把擺街站環境仲差
仲要果個位有大把空間將來擴建都仲得

條數都係一樣。

況且富昌想擴建，問過當區議員睇下俾唔俾你斬晒周圍的樹、移走花糟先啦。

基於以上原因，我決定再扣分，並先旨聲明，立此存照。

原帖由 dippy 於 2011-12-27 00:32 發表 http://www.hkitalk.net/HKiTalk2/images/common/back.gif
再一次唔睇上文下理就亂扣分
今朝kay先搞錯左一次
上文已經提左, 比照既路線係83S, 所以黃泥頭起計
而亦都講左黃呢頭去廣源有330米, 沙田圍出站去到街口有240米, 夾埋都>2公里
成個里程都係用黎計比較番86A同83S, 咁 ...

你邊度有講？
我而家係拉86A上廣源，所以量度拉長左幾遠當然應該係以新86A的行法為準，而唔係83S。