建議重組沙田來往西九龍的巴士線

原帖由 DIH 於 2011-12-30 09:33 發表 http://www.hkitalk.net/HKiTalk2/images/common/back.gif
因此，我預期86C青沙版(286X)開通後，拿走馬鞍山往長沙灣客源，
而填補馬鞍山＞石硤尾的服務，係87C也好、快版86C也好，
都驚單做馬鞍山＞石硤尾唔夠客，所以我一直都係將這條87C/快版86C全日繞入銀城街，
順道補埋86個空缺，當係0.5+0.5=1。

有點要再次指出，行政上馬鞍山係沙田區既一部分
但實際上馬鞍山人口已經超過26萬，交通需求足以自成一國
286X既"X"絕對係誤導，對馬鞍山居民絕對係慢
我睇完你既建議，已經見到(無論286X、87C)利益嚴重傾斜於第一城(沙田區)

除左巴士，仲有港鐵
我唔見得你既建議對(馬鞍山)挽留巴士原本既客/吸納港鐵既客有何幫助
再次重申，如果以(馬鞍山)唔夠客為借口，為第一城增設特快服務，呢點絕對不能接受

[ 本帖最後由 GL3789 於 2011-12-30 12:08 編輯 ]

今日有兩個新idea：

86B
呢條線如果改行青沙，以深水步做總站的話，來回都要經長沙灣，
到時會變左長沙灣快左而深水步變慢。但係如果條線改行青沙的同時
變埋循環線的話，即係：
顯徑往深水步：http://g.co/maps/k7646
深水步往顯徑：http://g.co/maps/ph2ka
咁到時深水步覆蓋多左，方便埋富昌村、南昌村、西九龍中心同鴨寮街，
而行車時間應該同行大埔道差唔多，同時長沙灣返顯徑又會快左。
留意，我上面的建議行車路線係來回都繞經美田總站（而家唔經的），
但係來回里數加埋都只係同而家打和。加上原本來回都要入內街
變成只係一個方向入元州街，一轉行車時間估計可以慳到三個字，
可以減到一架車，甚至兩架（繁忙時間15分一班），
幫到九巴慳資源，或者可以拎去同其他線重組。
加上成件事會變左「行青沙擴大深水步的覆蓋」，要區議會支持應該唔難。

81、281X
我始終唔同意dippy直接將81變281X減少覆蓋，但係
italk共識係81條數唔靚，想整靚條數，開多條青沙線，又名正言順加價，
又唔係無方法。我會建議81減六架車兼且出九龍方向不再繞經大圍，
咁到時班次會減到10-15分一班，但係出九龍車程可以減少十分鐘，
而禾輋、瀝源同沙田巿中心搭81可以去到的地方唔會因此減少。
同時，減出來的六架車，同86B減出來的兩架車，用來開
新線281X，經顯田、美田、美林、青沙出九龍。
我諗顯田、美田點都比瀝源禾輋更加需要一條出九龍巿區的巴士線啦下話。
281X 大圍鐵路站 - 佐敦（循環線）
往佐敦方向：http://g.co/maps/28sj7
往大圍方向：http://g.co/maps/apb8q
九龍區行法同287X一樣，因為彌敦道北行上繁正常唔會點塞，
所以美林出旺角的行車時間應該同而家差唔多。
新線281X初步可以開15分鐘一班。
到時呢條線又可以名正言順收$7.1甚至$7.5，當然要加返個美林出九龍$6.1分段。
咁到時，81同86B本來咁多架車都係收$6.1，會變成有八架車可以收$7.1，
九巴整體肯定有賺，幫到更多人（顯田、美田），又唔駛擔心
dippy條281X加價又唔得、唔加價又唔得的問題，
同時又唔影響巿中心、源禾搭開81的乘客。

原帖由 GL3789 於 2011-12-30 11:53 發表 http://www.hkitalk.net/HKiTalk2/images/common/back.gif
有點要再次指出，行政上馬鞍山係沙田區既一部分
但實際上馬鞍山人口已經超過26萬，交通需求足以自成一國
286X既"X"絕對係誤導，對馬鞍山居民絕對係慢
我睇完你既建議，已經見到(無論286X、87C)利益嚴重傾斜於第一城(沙田區)

除左巴士，仲有港鐵
我唔見得你既建議對(馬鞍山)挽留巴士原本既客/吸納港鐵既客有何幫助
再次重申，如果以(馬鞍山)唔夠客為借口，為第一城增設特快服務，呢點絕對不能接受

其實仲有一點，係大家似乎都有共識，想藉呢個機會，一次過解決埋錦泰無車去西九的問題，
但係到時必然係錦泰一條線、耀安/錦英/利安一條線，
如果兩條齊齊都行青沙的話，唔會有足夠資源開87C，
解決石硤尾的真空。

因此我建議入面的86X行獅隧、86C行完大涌橋路上青沙，
呢個組合尚算快慢配搭得宜，又唔會令到石硤尾無車來往馬鞍山。

再加上馬鞍山無快路直上青沙（最快都要停濱景一城後經翠榕橋上埔公），
86X行青沙同獅隧，去到深水步的時間最多只係打和。

原帖由 S3BL100 於 2011-12-30 12:27 發表 http://www.hkitalk.net/HKiTalk2/images/common/back.gif
再加上馬鞍山無快路直上青沙（最快都要停濱景一城後經翠榕橋上埔公），
86X行青沙同獅隧，去到深水步的時間最多只係打和。

都未必既，最快可以過馬料水調頭，或者獅隧公路落紅梅谷路。
但前者會被迴旋處拖慢，調晒頭入公路時，
行東岸的話已經到濱景／石礦場，都未提埔公塞車唔係人咁品；
而後者就會繁時被獅隧塞車影響，另外就算碌落紅梅谷路，巴士都難以好快；
回程要上斜路，上得到獅隧公路之時，
直行大涌橋路可能已到乙明，直行T3落埔公可能已到禾輋。
所以我暫時都係buy經濱景過翠榕橋係practically最快的。

我諗大致個分工都同你差唔多：
青沙線：馬市－錦泰－大涌橋路－車公廟路－青沙－長沙灣
獅隧線：利安馬市耀恆安－（第一城）－獅隧－石硤尾－深水埗－長沙灣
如果這條獅隧線唔入第一城，就要搵第二條線填返86改青沙後第一城出石硤尾個空缺。
我個人認為既然條線係會經第一城外圍，入一入銀城街唔會死。
頂多係睇過反應唔多好之後先踢返出去，但一開波已經冇線就比較難pass。

原帖由 dippy 於 2011-12-30 17:34 發表 http://www.hkitalk.net/HKiTalk2/images/common/back.gif
其實埔公係早繁塞, 所以自從第二次之後建議既285X朝早都可以行大老山公路去到演景再經翠榕橋過河, 又或者行到大涌橋路尾而不停站, 早繁後果個位基本上唔會塞, 所以微調後285X既優勢應該會比86X更加明顯

而87C同87D既重組係自成一個體系, 所以可以分開處理既(當然亦都可以配合埋85X入尖咀一齊做)
分做三條
85X尖咀
87D佐敦-旺角
87C大角咀太子深水埗東石硤尾

282X 錦英-佐敦(循環線)
http://g.co/maps/hftc5
87D縮短為錦英-旺角(循環線)
http://g.co/maps/u7dac

原本87D用33台車, 分3台比85X(參考番之前既建議)
282X用20台車, 做番6分鐘/班(以120分/單計)
87D用10台車, 做番12分鐘/班(同樣以120分/單計)

咁我想問一樣野，如果87D學你咁拆做87D同282X，咁87C由邊度抽車做？夠車咩？

282X同87D路線都太長，不適宜做循環線；另外唔同意重組後
飛起尖沙咀段彌敦道，果段quota都值錢，而且係87D尖咀段
真係有優勢、食到客的地方 - 站位方便，唔使行去尖東站，
你可以留意到81C/87D尖東係無咩客的。

85X代87D，行車時間會快左，但係班次疏晒，唔見得有優勢。

仲有，錦英利安去九龍塘搭咩車？

影響越少人越好的前提下，一係唔改（反正87D而家生意都唔錯，
無必要冒太大風險skip左一D有客的地方），一係就學我
拆兩條，一條耀安後直入獅隧，一係跟87D晨早特車飛馬鞍山巿中心、
濱景後直飛青沙，兩條齊齊以尖東做總站，咁就可以照顧到所有現有乘客，
加埋班次同而家差唔多甚至可以做到更密，而行車時間亦可以同你條延長版85X打和。

===

再貼多次我心目中的方案：

87D 烏溪沙鐵路站 - 尖東麼地道（經雅景台、亞公角、濱景、第一城、青沙）
往尖東方向：http://g.co/maps/s5g6y
往烏溪沙方向：http://g.co/maps/hfwjg
（google map無法顯示回程進入亞公角街，請自行想像）

87X 錦英苑 - 尖東麼地道（經馬鞍山巿中心、耀安、獅隧）
往尖東方向：http://g.co/maps/8kvjp
往錦英苑方向：http://g.co/maps/unstj

揀87X行獅隧主要係為左照顧返前往窩打老道的乘客，同時可以令兩線快慢配合得宜。

[ 本帖最後由 S3BL100 於 2011-12-31 01:26 編輯 ]

原帖由 dippy 於 2011-12-30 17:53 發表 http://www.hkitalk.net/HKiTalk2/images/common/back.gif
其實咁樣一開區議員已經可以一下篤死你
就係去近D既大圍仲貴過去遠D既沙中成蚊
所以一係就全部都收7.1, 扮特快線
一係就繼續賣大包, 收6.1
所以如果區議員唔太介意去遠左或者快左加少少價
可以287X同281X齊齊收6.4-6.7
咁九巴又得償所願有得加價, 沙田人又有快車坐

如果要殺線黎開條大圍-佐敦線, 個人推介82K
用82K果三部車再加281X既三部車(281X不經大圍)加88M一部車(減班至20)一共七部車
以http://g.co/maps/e4u2v行走, 一單84分鐘, 再加上原來81P的11個班次及81S的3個班次
最繁忙的一小時提供到6分鐘一班
條線就當做81S全日, 咁樣議員們應該比較易接受

有分別，因為我條281X里數的確超過15公里，比起改道後九龍方向不經美林的81更長。
而且281X係由無到有，唔係本來已經有的線；佢地唔鍾意收貴既話咪唔好要，繼續日日轉車囉（仲貴）。
再者，美林出九龍我都已經加返$6.1分段。

而你條281X只係沙田去遠左，原本禾輋瀝源巿中心班客並無去遠，
由81換返黎，九龍段服務範圍仲細左，但係行車時間優勢唔明顯，
因此收貴過$6.1一定俾人反對，但係九巴好難接受到改X線加長里數而繼續收$6.1。

你條大圍佐敦線咁行唔係唔得，但係我prefer美田/美林尾站上青沙，
因為果度始終比較僻，交通已經相對唔方便，都係公平返少少，
獅隧線顯田尾站而青沙/城隧線美林尾站比較好，平衡返。
根據舊文，81S而家美田唔多人搭出九龍，我相信原因之一係太慢。

另外唔同意削82K換對外線，82K唔係完全無客，
而且係美林、田心、大圍、新田圍來往威院和小瀝源的主要交通工具，
有獨巿位，其niche地位無可取代，就算我建議條86A開得成都係如此。

亦唔同意削81P，81P跟返RDP建議行青沙直落尖沙咀已經最好。
反而必要時可以打81C主意，縮落尖東麼地道可以減到一至兩架；
因為81C車多，再減一至兩架，對班次的影響都唔會覺眼。

當然我建議條281X開得成的話，81S可以收工。

[ 本帖最後由 S3BL100 於 2011-12-31 01:44 編輯 ]

原帖由 DIH 於 2011-12-30 14:41 發表 http://www.hkitalk.net/HKiTalk2/images/common/back.gif
我諗大致個分工都同你差唔多：
青沙線：馬市－錦泰－大涌橋路－車公廟路－青沙－長沙灣
獅隧線：利安馬市耀恆安－（第一城）－獅隧－石硤尾－深水埗－長沙灣
如果這條獅隧線唔入第一城，就要搵第二條線填返86改青沙後第一城出石硤尾個空缺。
我個人認為既然條線係會經第一城外圍，入一入銀城街唔會死。
頂多係睇過反應唔多好之後先踢返出去，但一開波已經冇線就比較難pass。

我反而估計第一城唔會太介意無車去石硤尾，而石硤尾主要都係關心區內、沙田巿中心、
舊村等，石硤尾來往第一城的人流應該唔多，亦都無咩人會得罪到。

85C -> 85X成功的例子，正正就顯示到，skip走部分中產住宅區來往公屋屋村的巿場係可以接受到的。
如果86X由利安開出，經錦英、馬鞍山巿中心、耀安後仲要入埋濱景、入埋第一城，
真係會慢過直行公路好多，行車時間唔見得有咩優勢，甚至唔會明顯快過而家條獅隧86C。

重點係點樣平衡返一d無合理替代的需求，同埋減少行車時間的需要。