建議重組沙田來往西九龍的巴士線

原帖由 dippy 於 2012-1-1 03:17 發表 http://www.hkitalk.net/HKiTalk2/images/common/back.gif
新85X聚焦係鐵路唔方便既尖西同埋梳士巴利道, 荃灣線上面既客如果係因為有位坐而坐巴士既
新線依然有位坐(85X定87D尖咀都係上游), 如果係因為鐵路時間穩定, 巴士行獅隧塞車而坐鐵路既, 巴士時間行大老山都穩定D

你將85x拉去佐敦, 你知唔知佐敦出尖沙咀可以塞幾耐? 咁拉法對原本等85X班客有幾大影響你又點計呢?
仲有, 我之前都講過紅磡道候車環境唔理想, 巴士站位置亦唔方便, 你將個站搬咁遠, 原本響紅磡搭開既會揀行去新何文田站搭港鐵囉

原帖由 S3BL100 於 2012-1-1 01:22 發表 http://www.hkitalk.net/HKiTalk2/images/common/back.gif
當然，如果係開特車的話，窩打老道特車個構思唔錯，
但係我唔係太同意條線由尖碼開，因為除非開車時段撞正680X/681對家時段，
否則一定搶到681客，收少好多錢（$19 vs $8.5），對九巴無著數。

始終小輪轉巴士所需時間比較長，我唔會預期會有大量681既客過檔
(如果因為車費貴的問題，早已轉投港鐵/小輪轉巴士)
呢批客會係87X既對象

例如271既存在係咪會搶到307既客? 我諗就未必喇

原帖由 GL3789 於 2012-1-1 11:31 發表 http://www.hkitalk.net/HKiTalk2/images/common/back.gif


始終小輪轉巴士所需時間比較長，我唔會預期會有大量681既客過檔
(如果因為車費貴的問題，早已轉投港鐵/小輪轉巴士)
呢批客會係87X既對象

例如271既存在係咪會搶到307既客? 我諗就未必喇 ...

但係271同尖碼有關嗎？
271班客只係本身在尖沙咀的客，以此推論，87X特車都只係做本身在尖沙咀的客，
無論係咪由碼頭開都好，當初#221提到的「可以食到搭小輪既客」此說難以成立。
唔係尖唔尖碼開的問題，而係這一理據不合用。

－－－－－－－－－－
另外，即日鮮：
我之前話住在富豪花園的那個親戚，新一年要去長沙灣政府合署返工！
佢打電話問我，佢揀緊MTR or 86，我就提議佢搭86C。

我話86要過禾輋、市中心，出到九龍行元州街要行幾個街口，
86C個站就在樓下，直行大涌橋路到尾（然而「去到大圍」這一點令佢覺得86C慢過86），
出到去就在長沙灣道落車，我諗可能會較快。
但我諗到而冇講到的係，86C要行歌和老街而86唔使。
唉，兩者真係唔知邊個慢，冇一個真係快，只能爛橙中揀個冇咁爛的。
而家諗到，或者叫佢去大涌橋路第一城站叫雙飛啦。
另外亦都唔知86C行完成個馬鞍山重上唔上到車。

但始終兩條巴士線都會受獅隧塞車影響，地鐵呢？
我話返工時間好迫架，我朝朝都在九龍塘親身經歷，
佢話如果唔想受交通情況影響都冇辦法。

我親戚話，做乜唔開線行尖山嗟！
我話巴士迷都諗緊呢樣野，我話九巴保守丫嘛、度縮丫嘛，又驚區議員ban，
又驚石硤尾話冇車搭丫嘛，過海都有條88R，但長沙灣明明在隧道口都冇車到。
佢話如果行尖山，半個鐘頭出到去喇，我話，你叫樓下區議員爭取下啦！

九巴呀九巴，青沙長沙灣線係一定有得做，大把人等緊你開，
有你著數架，我地班蟻民都一籮籮建議免費送出，唔該你醒少少啦！

激鬼氣，忽發奇想：重演798一幕有冇可能？用新巴西九專營權開沙田線？

[ 本帖最後由 DIH 於 2012-1-1 13:53 編輯 ]

原帖由 GL3789 於 2012-1-1 11:31 發表 http://www.hkitalk.net/HKiTalk2/images/common/back.gif


始終小輪轉巴士所需時間比較長，我唔會預期會有大量681既客過檔
(如果因為車費貴的問題，早已轉投港鐵/小輪轉巴士)
呢批客會係87X既對象

例如271既存在係咪會搶到307既客? 我諗就未必喇 ...

唔反對，不過起碼271要行入廣東道先有得搭。

你條87X的尖碼站位太方便，如果真係想做尖西客，戰略上應該跟271/281A由九龍站/廣東道開出比較好。

原帖由 DIH 於 2012-1-1 12:17 發表 http://www.hkitalk.net/HKiTalk2/images/common/back.gif

但係271同尖碼有關嗎？
271班客只係本身在尖沙咀的客，以此推論，87X特車都只係做本身在尖沙咀的客，
無論係咪由碼頭開都好，當初#221提到的「可以食到搭小輪既客」此說難以成立。
唔係尖唔尖碼開的問題，而係這一句理據錯了。
...

哈哈，86系雙向需求本身真係幾好

我之前講個位朋友係麗閣往返小瀝源PCCW，86C都係做到功能
可惜係巴士慢，班次不穩
仲搞到個fd遲到後就blacklist九巴...

如果兩地居民可以聯合爭取86系重組搞特快線行尖山，SSP/長沙灣特快
相信應該都會有爆炸力
好過搞咩287X...

不過剛過去既2011，搞87系失敗
今年會唔會發神經搞86系?既然大家都知巿場潛力高...

照睇受惠人數應該比287X更多
只不過車費無可避免加，但我覺得加都合理ge

原帖由 dippy 於 2012-1-1 03:17 發表 http://www.hkitalk.net/HKiTalk2/images/common/back.gif

首先, 如果新港城後面真係咁好客, 就唔會40X, 86C, 682, ...全部都行哂西沙路恆康街而只有87D(仲要只限特車)行馬鞍山路出市區, 其次係如果真係搶到客都無問題, 依家都有人係坐船轉巴士架啦, 做接駁唔見得無錢賺
但毛利當然無咁好

成堆線行晒西沙路恒康街，只係因為咁行覆蓋到最多乘客，唔代表後面無客。

睇返87S都可以做到10分鐘一班，而807系小巴幾分鐘就一班，
都維持到唔錯客量，當中唔少人用佢地去大學站轉港鐵出巿區，
就知道果段馬鞍山路都有唔少乘客懶行，我咁拆87D就正正可以食到呢批客。

新85X聚焦係鐵路唔方便既尖西同埋梳士巴利道, 荃灣線上面既客如果係因為有位坐而坐巴士既
新線依然有位坐(85X定87D尖咀都係上游), 如果係因為鐵路時間穩定, 巴士行獅隧塞車而坐鐵路既, 巴士時間行大老山都穩定D
如果係因為巴士就腳既, 唔好意思, 荃灣線踏正係你話客倉果條彌敦道度, 馬鐵既站位更加係靚得不得了(尤其多客到要開特車既馬市), 所以87D既優勢一定唔係站點
所以總結就係巴士主打有位坐同埋唔駛轉, 新線兩樣都保持到而且新線更加快左

唔好意思，荃灣線尖沙咀站下晝兩三點開始已經好多人，繁忙時間難上車，
比起尖東站仲要轉多一次車，換言之由尖沙咀彌敦道返馬鞍山，搭港鐵的話，
一係就行兩個字去尖東站，一係就慢慢迫荃灣線、轉多次車，
正因如此，87D彌敦道返馬鞍山仲有得做。
都係果句，你將87D搬走，乘客要行去梳士巴利道先上到85X的話，
點解唔索性落地底搭更方便的港鐵？

你似乎仲未察覺87D尖咀段係靠彌敦道生存，仲未察覺迫人行去第二度搭車會有咩問題。
將87D搬走，迫人行去尖東站附近搭車係好致命。
而佐敦道至北京道之間一段彌敦道變左真空，
佐敦班客要過左裕華先有你條282X搭，自然唔會行咁遠，索性行落佐敦站；
而尖沙咀海防道至北京道之間，搭緊87D的客，
要佢地行出去搭85X仲遠過行去尖東站，咁佢地點解唔搭港鐵？

港鐵站擺位咪係正你條好多客既彌敦道下面同埋馬市中間囉
所以要就腳既人全部都唔會搶到, 依家亦都唔係坐緊巴士

尖沙咀站有咩唔吸引之處，上面講左，不贅。

你話有班客而家已經搭緊港鐵而唔係坐緊87D，fine，
但係到時唔通唔會有班客因為搬走87D而捨巴士選港鐵？兩件事黎喎。

呢個世界係有低入口小型巴士, 只係政府無要求做, 小巴佬唔搞咁解
非不能也, 實不為也
82K番放學時段有客可以做學校線, 唔駛全日hold三部車

咁做到小巴低地台，方便老弱傷殘，小巴又可以收老人兩蚊，唔會得罪老人團體先算啦，
到時先好講取消82K。

你條281X回程都係比貴左
呢個只係數字問題, 大家都會加價
加價亦都係重組既好處(至少對巴士公司係)

無錯，但係我回程仲有條81經美林可以揀（回程我無改過路），
只係減左班，唔同你搞到乘客被迫被加價、無得揀。

呢個標準點定出黎, 因為計劃過287X?定係你自己吹咋
循環線最長係隔離建議既373X?而依家既長循環都仲有10, 37A/B等都營運到
上面果幾條塞車更加緊要, 班次都無咁密
影響班次穩定性主要係交通燈, 所以公路段多少唔大問題, 大家都係行緊70既時候唔會影響到車間既間距

無錯，影響班次穩定性主要係交通燈，因此你條282X的班次不穩定性唔會差過287X。
但係睇返你條282X，44.9公里，按現時87D行車時間推算，
火炭路上埔公約25分鐘，行完公路、佐敦出約40分鐘，
去到彌敦道/亞皆老街約60分鐘，上返連翔道約65-70分，
行完青沙、埔公，上返火炭路約80分，因此最樂觀估計
一轉行車時間要105分，未計休息。

試問而家香港有邊條循環線里數有咁長？行車時間可以相比的係城巴5B，
但唔好意思，5B去到大球場都會休息。
無論行車里數同行車時間，你提到的37A/37B仲爭得遠。
唔該唔好做一D不切合實際營運情況、令車長疲於奔命的事。

循環線長短其實有影響

如果一轉超過100分鐘既
當司機每日返8粒鐘
基本上渣得3轉就差唔多收工

就算夠車行，但司機可能係巴士數目x2或更多
要請更多字軌..

基本上循環線唔好太過份
新巴個堆其實實際渣車平均60-70分鐘1轉(當然有D寫到100，但當中計埋休息時間)
唔塞車返到總站都有10-15分鐘或更多時間休息(5B係大球場都可以停10分鐘再開..堅城更多)

如果渣100-110分鐘，返到巴總得5-10分鐘抖
sorry，我覺得係度收買人命...

原帖由 dippy 於 2012-1-1 14:26 發表 http://www.hkitalk.net/HKiTalk2/images/common/back.gif

以距離計, 行去巴士站點都比行去馬鐵站近
即使佢只係停西沙路(去市區方向)
所以乘客坐巴士定鐵路都唔會行多左/少左路

唔好意思，我唔係講緊87D vs 馬鞍山線，而係講緊87D vs 87S/807K大學站轉車。
麻煩睇返原文。我當年第一份補習返馬鞍山，經常由大學站坐87S/807K去開工，
我好清楚有幾多人由九龍搭東鐵線去大學站轉車返馬鞍山。

1. 如果鐵路唔係多人坐, 應該老早已經蝕到執左笠
2. 荃灣線既尖咀站已經比金鐘站好好多, 迫得黎第一班一定上到, 因為好多客由尖咀去尖東轉車
3. 所有巴士線北京道一號都有站, 由i square行過去只係五分鐘以內, 過條馬路就到
根本唔駛行出梳士巴利道, 唔好亂黎, thankshttp://images/smilies/default/sweat.gif

而更北既地點距離尖東站就更加遠, 沿海防道或者經過九龍公園行都比行出尖東近
所以巴士仍然有優勢

所以你樓上既站位論根本唔成立, 巴士係主打有位坐同唔駛轉
你自己都認知到唔會有人回流就好了

個問題係，原本唔使點行，彌敦道就有得上車，變成
要倒返轉頭行去廣東道，行多起碼五分鐘，
咁搭巴士同搭西鐵線轉東鐵線一樣要行，但係行去尖東站唔係遠好多，
又可以行地底，你估乘客會點揀？

你仲未覆蓋到北京道至佐敦道之間（美麗華大廈、栢麗購物大道、
柯士甸道、寶靈街）。
美麗華果頭，經九龍公園行去廣東道？咪玩啦，咁行回頭路個感覺有幾差，你唔會唔知道吧？
香港有咩例子係有唔少人放工後由人流集中的地方專登行去人流稀少的地方搭車？
寶靈街，行得去搭你條282X果陣，做咩唔直接鑽落地底搭荃灣線？

我夠知道唔會有人回流，但係請你唔好偷換概念，
而家係講緊你個方案會搞到唔見左好多客。
我唔期望搭緊鐵路的人回流巴士，但係起碼唔好趕走原本搭緊巴士班客先。

即使以油尖旺既循環線計, 10號都係寫緊100分1個單, 九龍城塞下車又過鐘
所以你講渣100-110分鐘, 唔好意思, 我真係睇唔到邊度收買緊人命

唔好拎呢d失敗、為人詬病的例子來講，10號仔應該取消循環運作先係。

[ 本帖最後由 S3BL100 於 2012-1-1 15:06 編輯 ]