建議重組沙田來往西九龍的巴士線

原帖由 dippy 於 2011-12-10 13:06 發表 http://www.hkitalk.net/HKiTalk2/images/common/back.gif
所以黃金果頭仲有新87B/72去沙田/大圍
服務唔會差過依家
但下一個問題就係如果要揾線去大埔就有難度
而你個版本既86C同未改之前去深水埗都係打個和
以前要去石硤尾, 依家要經長沙灣/錦泰

但係86C去長沙灣快左，另外86C只到巿中心，而86X全日，
利安、錦英、巿中心、耀安去深水步唔使再慢慢碌落大圍，都係快左。

仲有你個建議，新田圍可以搭咩車？

而當83/86分左沙中既客之後, 到底每個班次可以有幾多人坐都係疑問
因為本身86雖然多沙田回程客, 但去程就比72分左唔少客走
而83/86本身係深水埗都唔能夠做到同站
72更加唔同路
所以先提出用283X/285X係深水埗同站
281X/283X/284X係沙田大會堂同站上轉車站
儘量搶番72來往沙田既客黎減低重組72既阻力

83同86係有少少重疊，但係客源唔同，
86主打深水步（長沙灣道以北）同石硤尾，
83主打西九龍中心、鴨寮街一帶，同埋長沙灣、海麗、美孚。
反而拆左線之後，同樣可以搶到72客，減低72不入沙田的阻力，
雖然72到底係咪應該skip沙田，我無太大意見。

唔好唔記得一樣野，我係用80M取消換83的，
你只需要將新83睇成係86改行青沙兼改編號，
而新86只係舊80M拉落南昌站，補返石硤尾真空就得。

所以如果唔一下子改哂就唔可能造到一個比較像樣既轉乘時間
倩況同點解當年要48/48A一齊改用城隧一樣
而且大老山同獅隧都係係城河東, 定線相對較易, 除左80X/89B一組經年都搞唔好之外, 都無大問題, 而兩線亦有自己既客路, 相對地83/86明顯唔夠客拆線
故我提出用較少既路線做個簡單既網絡
即使可能比較多人要轉車, 但每線既班次都可以維持在大約每小時六班左右(同城隧既部份線非繁班次相約)
始終依家86系每條線都15分鐘起既班次真係好乞人憎

都話左我個目標唔係建立一個大規模轉乘網絡，而係為左縮減行車時間為主。
好多野唔需要為搞而搞。

條條線或者可以做到10分鐘一班（我無詳細幫你計過用車數目），
不過要轉車，等兩次車，時間好大機會耐過三個字一班但係一程直過。

我個建議的83同86C已經覆蓋到大半個沙田，由行青沙有優勢的地點出發
（例如長沙灣、深水步），搭呢兩條線返沙田已經快過現有選擇，
唔值得為左搞個轉車網絡而搞到咁複雜，同時又唔能夠進一步縮減車程時間。

城隧線，demand side係好難得係正轉車網絡比起一程車直達、分散班次更有效率的sweet spot，
需求再多少少或者再少d都唔掂。

而個人認為比石硤尾合理既沙田服務係兩條M線已經夠有餘
類似既東九龍山上人口更多但一條沙田線都未有
本來石硤尾應該好似上葵咁用小巴行算, 但歷史問題所以先會比兩條M線佢

問題就係，雖然路線重組一定有人受影響，
但係搞得太大規模，太多人由有變無，實在好難過到。

[ 本帖最後由 S3BL100 於 2011-12-10 13:52 編輯 ]

始終你個建議，每一步都會令到唔少原有乘客受影響，而其餘大部分乘客行車時間又無明顯縮減，
實在唔值得做，唔值得為左建立一個大規模轉車網絡而令到咁多人受影響。

至低限度，281X出九龍唔一定快過81，但係大埔道班客原本一程車好地地變左要轉車，86B/87B班次又唔係密。

RDP 87A變287X個建議，本身已經無乜人受影響，都ban得，
唔係咁，我都唔使將87A/87B變做兩條循環線，再cut埋81M，換287X開辦啦。
如果87A變287X都ban得的話，你估你用282X換走87A，仲有果一大堆轉乘，過唔過到？

原帖由 S3BL100 於 2011-12-10 11:48 發表 http://www.hkitalk.net/HKiTalk2/images/common/back.gif
咁呢度就奇怪喇，行既距離差唔多，點解40X同86C沙田一段時間會爭咁多？

重點係：行晒成個沙田，就算唔係比行公路慢好多（應該會慢起碼個幾字），
感覺其實唔好，我個建議擺明就係解決現有問題之時，捉埋地區人士心理。

我建議條86C，行晒成個沙田先上公路，但係錦泰本身無得揀，
同時定線對濱景至大圍之間一段其實相當直接。

40X唔順燈，又多人上落，就係咁慢
86C非繁真係唔慢，只係等車耐
正常行完一程，86C 70分鐘，86X 60分鐘，快十分鐘但少左沙田既客，呢個就係九巴唔肯改86C既理由
有好多人想86C唔經大圍，第一城/麗豪上，實際改左都唔會慳得到幾多時間
86X全日，我會有個隱憂係有幾多客會回流，班次做唔做得住

撥亂反正，糾正81C/86C既錯誤，其實唔應該再用馬鞍山既線服務沙田
事實唔係錦泰無得揀，係錦泰/富安無得揀一條快既路連接青沙公路

當大家諗緊用獅隧定青沙既時候, 好似都遺忘左大埔道呢個物體.

尋晚無聊係google map 度下, 其實現有路線裡面, 86 其實應該可以改行大埔道, 咁樣好過兜兩次河, 車程比行獅隧短, 路程比青沙短, 同埋大埔道比獅隧少左塞車既煩惱.

原帖由 neoplan720p 於 2011-12-10 18:44 發表 http://www.hkitalk.net/HKiTalk2/images/common/back.gif
當大家諗緊用獅隧定青沙既時候, 好似都遺忘左大埔道呢個物體.

尋晚無聊係google map 度下, 其實現有路線裡面, 86 其實應該可以改行大埔道, 咁樣好過兜兩次河, 車程比行獅隧短, 路程比青沙短, 同埋大埔道比獅隧少左 ...

86行大埔道，好多人都建議過，但係最大問題係新田圍同石硤尾……
特別係前者，想做新田圍就基本上無可能行大埔道。

原帖由 GL3789 於 2011-12-10 17:35 發表 http://www.hkitalk.net/HKiTalk2/images/common/back.gif

正常行完一程，86C 70分鐘，86X 60分鐘，快十分鐘但少左沙田既客，呢個就係九巴唔肯改86C既理由
有好多人想86C唔經大圍，第一城/麗豪上，實際改左都唔會慳得到幾多時間
86X全日，我會有個隱憂係有幾多客會回流，班次做唔做得住

撥亂反正，糾正81C/86C既錯誤，其實唔應該再用馬鞍山既線服務沙田
事實唔係錦泰無得揀，係錦泰/富安無得揀一條快既路連接青沙公路

感覺都係重要因素，86C而家咁行，俾人感覺就係慢，
86X全日，就算只係慢十分鐘都好，因為行大段公路，感覺上係快好多，肯定有吸引力。
繁忙時間就唔止快十分鐘啦。

同埋，我個建議的86X已經減到非繁20一班（雖然唔係同而家個班次爭好遠），
如果可以做到非繁平均30-40個客一車，我覺得已經合格。

無錯，錦泰/富安/亞公角無快路出到青沙，
行沙田巿中心出面一段埔公可能塞車，行晒成條大涌橋路已經係最快最直接。
亦正因如此，我將重組後的86C掟上青沙，沿線來往長沙灣起碼快兩三個字，
做半特快，唔使全程慢碌。
錦泰肯定好想要一條西九線，重組後行青沙的86C正好滿足佢地的訴求。

原帖由 dippy 於 2011-12-10 19:38 發表 http://www.hkitalk.net/HKiTalk2/images/common/back.gif
根據googlemap既計算, 由帝都出到旺中
跟81行法要28分鐘
跟281X行法要24分鐘
由美田路去到旺中, 81要經過16支紅綠燈
281X只需要經過8支紅綠燈
依由美田路去旺角中心, 281X要停2個站
81要停16個站
所以281X行車時間可 ...

埔公堆站好多時都唔駛停……仲未計281X咁行可能要塞旺角道。