威立雅個腦諗緊乜?

原帖由 大班神經漢 於 2011-12-20 11:33 發表
嘩, 我真係忍唔住, 原本想好地地大家討論下, 係睇下以上某些版友0既態度? 好似真係食左佢隻車咁, 覺得自己永遠都係真理, 人地0既不同意見就一定係廢話, 好明顯, 完全冇睇清楚我上面所講0既野, 一味係咁吹捧自己觀點 ...

你既角度我己經俾曬理由去講點解不理想

你覺得人地針對你？事實你不停話不同觀點，但你完全沒說明過如何在成本上漲下如何用老舊的高成本來活下去....咁咪加價囉，加得幾多？跟住你同香港市民講，我部車用木造架，你應該俾多D好唔好？

認為老舊就是賣點，認為食古不化就是賣點，認為大食無力就是賣點，認為減少成本就無賣點，咁認為十年之後收檔都可能覺得係賣點掛.....



甚麼舊特色，姐係金屬車架加2條木條，行車聲用部大機播以前既聲？本來可以更光鮮要加個套整暗佢？這不是叫進步，這只是多餘的回到過去，無果樣整個樣

企圖在21世紀下話回到80年代的想法，最成功的歷史不是成日回味，而是創造未來，要不然，他就算21世紀存在，你想不想活到22世紀？23呢？

用老土搵食，就只有觀光一條路，現實上電車係用老土搵食還是用交通功能搵食，我相信人人都知，如果成日咬住失去甚麼甚麼，電車都幾多代了，洗唔洗回到當初？

老爺車會都會更新，十年前唔當老爺車，今日一樣可以入會，他們都有新過，為甚麼還要新車要夠舊才可以，30年後除時金屬車架又落後了，會不會又有粉絲話新科技唔似電車？自己好好諗下這話題

原帖由 4437 於 2011-12-9 17:06 發表
呢兩日搭過兩次新車, 我聽到就係乘客一面倒讚好...
換車呢家野, 可能喺電車迷心目中無法接受, 但始終電車係為大眾服務, 既然普遍乘客開心, 我都唔會點反對...
至於鄰帖"新車快都冇用, 會俾前車頂死", "一日冇電車專 ...

第一非常認同樓主所說
第二就認同你一句"放長雙眼"
一般人開頭發現新大陸，梗係同聲讚好架啦，香港人幾表面大家心中有數
呢D意見只係過眼煙雲，正如直梯巴士剛出道，到而家有無人上到架R牌既 B9 會刻意讚好
我以前都覺得作為電車fans，就做埋死士，盲目咁撐佢，就算三幾年前報導到滿城風雨"電車經常衝(尾)燈事件" 就算真係衝我都唔覺得佢有錯
到今時今日我改觀了..法國佬有意搞好個電車業務，係好事，亦值得一讚
但係翻新可以爭客 ? 真係得淡笑
唔係得罪，作為 fans 唔係一味支持，擦鞋嘛 ?
電車會陸續失去主要運輸定位 ? 係鐵路條例唔再保電車果刻已經失去左啦 !
電車靠咩生存相信各有所想，不過如果電車改到咁現代化無特色傳統，同巴士地鐵睇齊，我覺得不如接埋佢讓多條路出黎啦
根本搭巴士地鐵已經可以 cover 晒電車所有路段，要電車黎做咩呀 ? 因為平 ?

放長雙眼... 中 ! 有本事就靠呢套系統 + 翻新抽贏 MTR / 快線巴士，一日做唔到我都批死佢咁搞法會一敗涂地收場

[ 本帖最後由 38．HKT．138 於 2011-12-20 17:06 編輯 ]

原帖由 herman15hk 於 2011-12-11 01:50 發表

如果要更好的發展早就應該做低地台+LRT化...

下 ? 有眼睇新界 LRT 系統比人鬧到一隻狗咁，早就應該LRT化 .. 靠害呀師兄 ?

第一, 任何討論係對事不對人, 我唔係話邊個針對邊個人, 而係某些人對於某些觀點存有過份偏見,
「但你完全沒說明過如何在成本上漲下如何用老舊的高成本來活下去....」我之前己解釋過, 亦舉過例, 我唔再重覆
我亦講過好多次, 一間公司要加價, 乜理由都可以, 即使佢話翻新車身導致成本上漲, 一樣可以係加價理由, 我亦都唔再重覆
樓上亦都有版友講出更加多意見, 先謝, 我亦不須重覆.
再講多次, 由頭到尾我一直都冇完全否定其他不同意見, 亦都並非完全覺得我所有論點係絕對合理, 本想大家可以透過不同觀點, 可以討論下更多改變0既模式. 可惜, 其他人完全唔係呢種態度, 亦都對於我當晚0係120所見到0既乘客0既一舉一動, 俾以上某些版友咁樣對待, 深表遺憾.
某些版友完全對於其他見解諗都唔諗, 一味盲目hard sell自己有幾0岩, 係咁當不同意見如仇人般鬧, 根本呢d態度冇討論餘地!! 愈來愈少人, 真係有理由的

原帖由 38．HKT．138 於 2011-12-20 17:02 發表

第一非常認同樓主所說
第二就認同你一句"放長雙眼"
一般人開頭發現新大陸，梗係同聲讚好架啦，香港人幾表面大家心中有數
呢D意見只係過眼煙雲，正如直梯巴士剛出道，到而家有無人上到架R牌既 B9 會刻意讚好
我以前都覺得作 ...

威立雅選擇喺年尾推出新車，我相信係配合電車公司年頭做乘客問卷果陣，可以問埋乘客意見
若果調查結果出左，推出新車利多定弊多，到時就會開始明朗化，我地亦唔駛口同鼻拗

不過我認為兩全方法都係早日爭取興建海傍觀光線，將部分舊車搬去新線營運
舊車行堅尼地城往返灣仔海傍，新車行石塘咀以東路段，應該可以符合晒多方既期望，兼做埋海外線碼頭既乘客
（試參考奧地利維也納電車，新款低地台電車被派往市中心高運量路線，周邊路線用番舊車行）

我認為番新車對可否增加客量係存在好大的疑問，一般大眾乘客搭
電車都因為平，同時唔會比巴士慢很多，或唔太趕時間搭幾公里之內的車程。
你同佢講部車省電、制動改良、車廂寧靜等，我諗都唔係
選搭電車的理由。要從現有的巴士同鐵路中搶回客量更係無乜可能。

原帖由 38．HKT．138 於 2011-12-20 17:04 發表

下 ? 有眼睇新界 LRT 系統比人鬧到一隻狗咁，早就應該LRT化 .. 靠害呀師兄 ?

香港輕鐵衰在重鐵化同開放式系統. 如果好似日本或者歐洲的路面電車咁營運唔得唔得呢?