中移動香港新計畫限5GB 無限上網年代正式告終

原帖由 dippy 於 2011-12-11 03:05 PM 發表
請教一下, 依家到底有幾多頻段可以用, 而點解唔會全面提速去到3/4G再以限速比番2G用?

第一代的GSM (即2G) ﹐90年代中期推出﹐是用 900Mhz的﹐供CSL, 數碼通﹐和記便用。
不講和記CDMA 及訊聯電訊。

其後(90年代尾)再推出1800Mhz 供新的營辦商﹐包括新世界﹐萬眾﹐八方﹐Sunday﹐另加訊聯及和記(2家舊有的電訊商)。即是﹐共有6間電訊商用gsm 制式。

由於競爭者的加入﹐原本由$32x/100分鐘﹐完全無包增值服務的月費﹐慢慢下調。call 機也在此時開始未落。

很快﹐實力唔夠的新公司便涯不住﹐八方是首家被收購的公司﹐由數碼通買入。

那時﹐手機也只可在一個頻普入面運行﹐即是你用csl, smartone, 和記﹐你的手機係唔可以用在新世界﹐萬眾等台。
此情況都維持了2-3年(即千禧年之後)﹐才開始有"雙頻手機"﹐可以同時在900 及 1800Mhz運行﹐這個局面開始打破。

當手機number 可自由帶number 轉台後﹐令競爭更激烈。

一直處於劣勢的訊聯﹐新買入的1800Mhz都只能為應付政府要求﹐只建極少量的發射站及出極少數的客戶(其實係內部員工用)﹐應酬政府。而其一直使用的TDMA制式﹐也越來越少人使用﹐令公司陷入困境。
此時﹐CSL 便收購訊聯電訊﹐提供購機優惠﹐安排所有客戶轉台去One2free。把1800Mhz 併入CSL 使用﹐而TDMA網所用的頻普﹐由於不是900 及 1800﹐(好似係行850定1900)﹐自行放棄交回政府﹐以節省使用頻普所用的費用。

自此之後﹐3家第一代2G的電訊商﹐都有齊900 及1800Mhz頻普﹐而淨下的新公司(新世界﹐萬眾﹐Sunday)則繼續涯打﹐雖然不致有財政壓力﹐但無發圍機會。


其後﹐政府推出3G牌﹐但只出4個﹐即是會有2家一定係唔會有機會取到牌照。最後由CSL﹐和記﹐數碼通這3大公司投到﹐而淨下一間是Sunday。而這次推出的3G牌﹐有一個特點﹐便是必須預留某一部份網絡資源﹐用虛疑方式供其他電訊商租用。

當年﹐電訊盈科出售業務之後﹐再要重投香港﹐於是便靠收購公司以重投電訊市場。
講到此處﹐當時6間公司﹐3間是大台﹐3間細台﹐可收購的只有3個選擇。而實情其實只有2間選擇﹐便是新世界及sunday。
只有這2個選擇﹐當然係選擇有3G牌的Sunday。自此之後﹐sunday 改名為pccw。

推出3G 牌後﹐推出用850 及 1900Mhz供應用。(即已經使用850, 900, 1800, 1900 四條大頻普)

萬眾多次由母公司注資﹐成為今天的中移香港。新世界在多年涯打後﹐也收歸CSL之下﹐自此香港便只有5家有自己網絡的電訊商。

CSL 買入新世界後﹐安排所有客戶轉做One2free﹐客戶要換sim卡。完成後﹐原新世界的網絡完全停止運作﹐頻普併入CSL網絡使用。
而新世界這個名從此打入冷宮。

好似係前年年尾﹐數碼通用高價買入全香港最後一條可供使用的850Mhz後﹐所有手提網絡所的頻普便完全分配。
好似在去年初﹐政府便因應4G LTE 技術﹐可使用 2100Mhz而公開給電訊商投標﹐結果數記無入標﹐由萬眾﹐csl 及 和記/pccw合組公司投得。

不過﹐緊記係4G LTE 不一定在2100Mhz 這個頻普運行的﹐所以數記都係可以提供4g LTE的服務。



至於點解唔全面提升去3/4G﹐再限速去2G速度去提供服務。

其實只是時間問題﹐而家CSL 及數碼通(甚至和記)便是做緊這個動作﹐數記和記沒有這些低速服務﹐所以市民大眾唔會知。
CSL 用"新世界"這個品牌﹐之前有提供EDGE服務(即2G 技術)﹐現在都提升上3G層面﹐再限一個低速。此舉便可大大減輕2G的需求﹐從而把2G的頻普轉做3G或4G之用。
不過﹐短期內唔會完全停止2G的服務﹐原因係仲有用戶手機係只支援2G技術。

原帖由 kei_hk 於 2011-12-11 21:09 發表


CSL 用"新世界"這個品牌﹐之前有提供EDGE服務(即2G 技術)﹐現在都提升上3G層面﹐再限一個低速。此舉便可大大減輕2G的需求﹐從而把2G的頻普轉做3G或4G之用。

CSL仍有EDGE的, 把較新款的手機調校至只用GSM便可獲取EDGE制式

原帖由 dippy 於 2011-12-11 09:55 PM 發表
咁即係幾間電訊商都同時用緊一個頻普?
如果可以咁樣既話即係一個電訊商可以用五個頻段(850, 900, 1800, 1900, 2100)?
如果五個頻段都唔夠用係咪表示本身無線通訊已經唔能支援到香港咁多人share五個頻段? ...

一個頻普(即一個大range)﹐入面會細拆多個Channal(細range)的﹐每一個Channal 都會分配給不同電訊公司所使用。

除非2100Mhz數碼通沒有競投使用外﹐2100係每一間都用到的(和記及pccw由合資公司競投的)

而電訊管理區也只可找到那一段頻道是那一用途﹐沒有講明是交給那一家公司。
http://www.ofta.gov.hk/zh/freq-spec/FreqTable.pdf

原帖由 barking 於 2011-12-11 10:21 PM 發表


CSL仍有EDGE的, 把較新款的手機調校至只用GSM便可獲取EDGE制式

csl 轉現有客上3g﹐令2g的EDGE 需求大量下解﹐除了是爭客外﹐也可達到抽走部份2G的頻普這個目的。

保留2G的原因﹐前文都有講﹐是仲有客戶係用舊設備﹐只用到2G但用唔到3G﹐要為這類人服務。
同時﹐有些地方3G都係提供唔到服務﹐相反2G可提供到服務﹐所以都要保留2G服務。


唔好淨講CSL﹐連和記及數記都是一樣的。

十分詳盡的資訊！不過有兩點似乎同事實不符，補充一下

原帖由 kei_hk 於 2011-12-11 21:09 發表


那時﹐手機也只可在一個頻普入面運行﹐即是你用csl, smartone, 和記﹐你的手機係唔可以用在新世界﹐萬眾等台。
此情況都維持了2-3年(即千禧年之後)﹐才開始有"雙頻手機"﹐可以同時在900 及 1800Mhz運行﹐這個局面開始打破。

雙頻機一定唔係千禧年之後至開始有，當年我用過兩部手機，一部nokia 6150，一部NEC DB2000 ，都係雙頻機，都係98,99年既產品(而家網上仲有資料可serach)。最多只可以話雙頻機係千禧年後至開始普遍、出親所有新機都係雙頻。

一直處於劣勢的訊聯﹐新買入的1800Mhz都只能為應付政府要求﹐只建極少量的發射站及出極少數的客戶(其實係內部員工用)﹐應酬政府。而其一直使用的TDMA制式﹐也越來越少人使用﹐令公司陷入困境。
此時﹐CSL 便收購訊聯電訊﹐提供購機優惠﹐安排所有客戶轉台去One2free。把1800Mhz 併入CSL 使用﹐而TDMA網所用的頻普﹐由於不是900 及 1800﹐(好似係行850定1900)﹐自行放棄交回政府﹐以節省使用頻普所用的費用。

當年屬香港電訊旗下的CSL，收購訊聯的GSM1800MHz及TDMA網絡後，曾以「香港電訊PCS」品牌，推出純GSM1800MHz既服務，但好快消失，剩返雙頻既1010同one2free(同類情況仲有數碼通Extra(即前八方電訊既GSM1800MHz頻譜)、和記Everyday，都係持GSM 900,1800MHz雙頻既網絡商，推出限用單頻1800Mhz，收費亦較低既plan，但都係曇花一現，而且一直有傳用呢D plan，其實係可以用埋同一網絡商既900MHz，對繳付較高費用，使用雙頻plan既user唔公平)。

至於前訊聯TDMA網絡，並非一買回便自行放棄交回政府。CSL其實將之以「1+1」品牌，經營了數年，但宣傳甚少(比和記CDMA更「低調」)，印象中，最後一部(亦可能係唯一一部)有較多宣傳既TDMA手機，係99年既愛立信「[才羅]線王」(確實型號名不詳)，以由開機到取得網絡的時間短為賣點。而1+1品牌和TDMA網絡，至05年才壽終正寢。

[ 本帖最後由 mckhgc 於 2011-12-12 00:39 編輯 ]

至於前訊聯TDMA網絡，並非一買回便自行放棄交回政府。CSL其實將之以「1+1」品牌，經營了數年，但宣傳甚少(比和記CDMA更「低調」)，印象中，最後一部(亦可能係唯一一部)有較多宣傳既TDMA手機，係99年既愛立信「[才羅]線王」(確實型號名不詳)，以由開機到取得網絡的時間短為賣點。而1+1品牌和TDMA網絡，至05年才壽終正寢。

「香港電訊1+1」在初轉品牌名稱時，曾找溫拿樂隊代言，其廣告片如下：
http://www.youtube.com/watch?v=0Rcqr8qYpcI
http://www.youtube.com/watch?v=md1F14HgsXo

原帖由 mckhgc 於 2011-12-11 11:22 PM 發表
當年屬香港電訊旗下的CSL，收購訊聯的GSM1800MHz及TDMA網絡後，曾以「香港電訊PCS」品牌，推出純GSM1800MHz既服務，但好快消失，剩返雙頻既1010同one2free(同類情況仲有數碼通Extra(即前八方電訊既GSM1800MHz頻譜)、和記Everyday，都係持GSM 900,1800MHz雙頻既網絡商，推出限用單頻1800Mhz，收費亦較低既plan，但都係曇花一現，而且一直有傳用呢D plan，其實係可以用埋同一網絡商既900MHz，對繳付較高費用，使用雙頻plan既user唔公平)。

至於前訊聯TDMA網絡，並非一買回便自行放棄交回政府。CSL其實將之以「1+1」品牌，經營了數年，但宣傳甚少(比和記CDMA更「低調」)，印象中，最後一部(亦可能係唯一一部)有較多宣傳既TDMA手機，係99年既愛立信「[才羅]線王」(確實型號名不詳)，以由開機到取得網絡的時間短為賣點。而1+1品牌和TDMA網絡，至05年才壽終正寢。

如你這樣講﹐雙頻機出現年份都應該同你講的差不多﹐最先推出的正是nokia 6150﹐但差不多係1.3-1.5部機的機價。

講起初期的1800Mhz牌照﹐當年政府用"PCS" 這個名作為推介新公司的。(下文用PCS 作簡稱1800Mhz)

訊聯投到牌後﹐講真的﹐他們的TDMA收客量真係....... 公司財政甚具壓力﹐所以連PCS的建立都特別慢過人。
最後﹐江湖傳聞只是在旺區起了極少量發射站﹐以及推出天價的Plan﹐在公司內部用"顧客"身份join plan﹐以符合政府的對發牌的最低要求。

TDMA (1+1)在CSL手中運作﹐原本都想一直運作下去﹐但始終收客量不足﹐受PCS 打擊之下﹐多番宣傳都起色不大﹐所以最決定放棄TDMA﹐把當時無法使用的頻普交回政府﹐留下PCS的1800Mhz自己用。

由於TDMA是一個獨立制式﹐所以手機也是獨立的﹐不能與其他台使用。海外主要又是行GSM﹐TDMA除了美國外﹐差不多全球無地方用(此情況同和記CDMA一樣)。因此﹐吸引唔到較高消費的商務客﹐所有客出門的時間﹐都要去指定門市租用GSM手機﹐相當費時不便。
因此﹐吸客量真係麻麻。連本地用家知道手機係轉唔到台﹐都唔會輕易出台。


相反和記方面﹐雖然都有獨一的制式 - CDMA﹐但是運作成本相對較平﹐於是便用較平的PLAN主打學生﹐初出矛爐的人﹐主婦這些入門用戶。由於有GSM﹐這便吸納進階﹐有要求的用戶﹐包括商務客。
當時和記每年都找黎天皇拍廣告﹐年年廣告都係大製作﹐有3分半鐘版本﹐包起一節廣告時段﹐此舉吸到大量年青客戶的。
由於客量足夠﹐所以運作時期間都比TDMA長。


而八方被數記收購﹐訊聯被CSL 收購後﹐3間舊台都有齊900及1800Mhz。
初期﹐由於雙頻手機未有及未普及﹐所以最初都係視作2個獨立網絡的﹐即係PCS的用戶﹐係用唔到900頻普的﹐反之亦言。

但是﹐當電訊商做完整合﹐雙頻手機供應漸多後﹐便開始發現另一問題﹐而且主要在數碼通發生。便是當PCS客用一部雙頻手機﹐在PCS無訊號但有GSM(900Mhz)的情況下﹐電話都係打唔出打唔入的﹐因而被多番投訴。
於是﹐電訊商暗地開放PCS客可用埋GMS網絡﹐變相收費較平的單頻PCS客﹐服務(接收)係如同收貴較貴的雙頻GSM客﹐做成不公平﹐最後在收費調整下﹐不再推出PCS 的Plan﹐此情況在數記維持1年以上。

至於點解此問題主要發生在數記身上﹐原因係CSL(連同訊聯)根本係無PCS客﹐所以無此問題。而和記的PCS客其實都好少﹐我印象中收費都是同GSM 差不多﹐後期有一推出雙頻頻便即時唔出PCS Plan。只有數記一直都有出PCS Plan﹐所以有大量用PCS Plan 的客﹐問題才特顯出來。

原帖由 kei_hk 於 2011-12-12 10:32 發表
如你這樣講﹐雙頻機出現年份都應該同你講的差不多﹐最先推出的正是nokia 6150﹐但差不多係1.3-1.5部機的機價。

講起初期的1800Mhz牌照﹐當年政府用"PCS" 這個名作為推介新公司的。(下文用PCS 作簡稱1800Mhz)

訊聯投到牌 ...

和記PCS客少的原因, 唔多唔少係同CDMA與PCS的收費差距有關係, 當年和記PCS比CDMA貴, 而CDMA頻譜由和記獨有而獲得和記大力催谷, 除了低價月費外, 機價亦可低至數百出兩部, 吸引了不少學生及主婦出機(當年小弟都用低價出了部三星470香檳色)

後來PCS與900MHz合併, 月費漸低及手機選擇漸多, 加上3G服務正式推出及普及化, 才令手機選擇少的CDMA走向沒落(曾有一段長時間, 和記CDMA只有三星及LG兩個韓國牌子選擇)

原帖由 gordon 於 2011-12-12 11:15 AM 發表
和記PCS客少的原因, 唔多唔少係同CDMA與PCS的收費差距有關係, 當年和記PCS比CDMA貴, 而CDMA頻譜由和記獨有而獲得和記大力催谷, 除了低價月費外, 機價亦可低至數百出兩部, 吸引了不少學生及主婦出機(當年小弟都用低價 ...

馬後炮講一句﹐和記根本唔想出淨PCS服務﹐只係想要PCS的頻普及做雙頻網﹐同時加大佔有率。
但又唔想做到訊聯一樣﹐製造一個假象去應酬政府。

所以﹐當時的收費﹐由貴至平係 GSM, PCS, CDMA﹐而GSM 及CDMA 是有較大的買機優惠﹐而PCS的買機優惠少得多。
作為銷費者﹐都唔會首選PCS服務的。