不准影相

昨日出去試新鏡頭，在IFC都係求其搵野影下，去到Smartone門口就俾職員阻止。

其實一間公司唔准你影，其實可以有十萬個理由，但條氣有d唔順因為諗唔到咩理由可
特別令人接受，不過都係分享下。



我自己都諗了幾個理由:
1.國有國法，家有家規 - 總之就唔俾影

2.保安 / 私穩理由
- 會影到公司電腦上客戶資料 (但現場所見，已不是用以往的桌面電腦)
- 可能有客唔想俾人知道去過呢間店 (其實去得公眾地方，好多時都會無意入鏡)
- 怕有不法之徒，影底門面，作日後打劫計劃之用

3.怕有人會抄襲其門面新穎設計

4.驚有傳媒搵人扮客搞事，一個做記者影相大做文章？

P.S. 我係不會把任何人物打格

[ 本帖最後由 fm1234 於 2011-12-19 08:09 編輯 ]

其實﹐很多店舖都是不喜歡人影相的﹐主要的是其他客人會感到反感﹐其他類型的店舖會怕商品抄襲。

如果職員是有禮貌請你不要影相﹐我唔覺得樓主要有這麼不滿的感覺。而樓主又有沒有問點解叫你唔好影相? 如有的﹐不妨講來聽聽﹐大家評一評是否合理。

其實大部份商舖的門口都會貼著「嚴禁拍攝」的告示，另外有不少商場對於拍照也有不少限制，例如只會容許拍攝特別裝飾，甚至如領匯的商場場內任何地方拍攝都會被干涉，例如早前想在愛民村商場拍攝裝修前的景象，未拍照已被職員阻止。

原帖由 kei_hk 於 2011-12-19 11:38 發表
其實﹐很多店舖都是不喜歡人影相的﹐主要的是其他客人會感到反感﹐其他類型的店舖會怕商品抄襲。

如果職員是有禮貌請你不要影相﹐我唔覺得樓主要有這麼不滿的感覺。而樓主又有沒有問點解叫你唔好影相? 如有的﹐不妨講來聽聽﹐大 ...

我又無問佢，因為佢阻止得，就一定有佢原因，所以無追問了。

反而私人地方我會小心d，例如會所、寫字樓之類，但Smartone呢類 open to public既地方會無呢類規則。

所以下次影商鋪時都會多加留意 ，多謝各位指教。

原帖由 dippy 於 2011-12-19 05:35 PM 發表
其實如果你係IFC顯入去應該係跟IFC規矩而唔係跟數記規矩, 因為你企既地方唔係佢既範圍內, 正如你係條街度顯相唔通沿途既舖頭又有權要求你唔影得?

簡單去比喻﹐有人在商內影相(不論是商場定街鋪)﹐入面的人唔想上鏡﹐叫你唔好影相﹐有沒有問題?


無錯﹐店的人係唔想你影的﹐所以便叫你唔好影。
你在公眾地方﹐我想影便影﹐又好似無法例話唔容許。

但是﹐為這些少事是吵架起來﹐有什麼意思。

如果在商場有人 (商場職員) 叫你唔好影﹐不妨又問下點解唔容許影相﹐他們的理由又是否合理?
如果是店員﹐大既都是用你會影響做生意﹐影響到顧客﹐我是接受的。始終﹐不是每一位店員及僱客接受給「三唔識七」的人影相的。

原帖由 kei_hk 於 2011-12-19 21:38 發表


簡單去比喻﹐有人在商內影相(不論是商場定街鋪)﹐入面的人唔想上鏡﹐叫你唔好影相﹐有沒有問題?


無錯﹐店的人係唔想你影的﹐所以便叫你唔好影。
你在公眾地方﹐我想影便影﹐又好似無法例話唔容許。

但是﹐為這些少事是吵架起來﹐有 ...

所以我都息事寧人唔同店員爭論...

當佢話我時...
我就話 - 呢到唔影得相o架？
店員 - 係唔可以影我地間鋪 (佢都答得好小心，無話商場唔俾影，當然有可能商場都唔俾影只係無人話我)

我覺得如果在法理上, 其實好多啲人話唔影得相嘅地方, 其實係可以影, 只不過, 大家亦不妨從人情方面想, 易地而處, 假如自己無啦啦俾人用支鏡 "對" 住喺面前, 你又唔知佢影來做乜, 會唔會擺上網, 會唔會用來做 "萬能 key" 改圖, 第一個反應當然就係反感同抗拒啦。既然如此, 點解唔諒解下人, 如非必要, 就唔好拎部機出來亂咁四圍影呢。日常生活中有好多其他事, 法理容許但我哋都會因為其他原因而避免去做, 其實影相都係其中一樣啫, 有時啲嘢唔係合法就大晒嘛。