九巴應唔應該轉買曲梯車??

眼見而家一d高載客量嘅o長途線eg:59X,98D,960,968等都唔投放大量直梯車,或者係載客量,座位少等問題

以260X為例:U廠放左3部AVBWU,但都唔係連續字軌,究竟有心安排還是巧合??

960與961相比,係咪961客量比960差,所以全線用直梯車都唔太大問題??定還是係直梯既問題,令到960換車卻步??

以隧道線102為例:假設14正一蛇掛牌車用直梯,剛巧14車在紅隧頂閘,後車就係黃色公司,但載客量有限, 咁樣長久以來會唔會係直梯車對九巴載客量下降有影響

[ 本帖最後由 EW9016 於 2011-12-30 01:09 編輯 ]

當然有需要,
可以增加載客量,
多幾個位對減輕成本有幫忙(20架曲梯載客大約=21架直梯),
何樂而不為?

直梯車仆死過幾個客，九巴都係唔知錯，根本直梯車壞處極多，新城已經從善如流改善設計，但九巴仍然堅持用直梯。

一樣有人係曲梯車跌死

如果直梯及曲梯車同樣上落樓梯唔安全,買曲梯好過,最少載客量方面曲梯實多直梯,對於長途客來講,多幾個人有位坐.

但我又認為入得低地台車就已經無左前軸幾個座位既優勢,即使換回曲梯幫助都唔會好多

原帖由 PB602 於 2011-12-30 08:11 AM 發表
直梯車仆死過幾個客，九巴都係唔知錯，根本直梯車壞處極多，新城已經從善如流改善設計，但九巴仍然堅持用直梯。

事實係乘客因素多過樓梯問題﹐上落時不用扶手﹐真係當正自己是葉問﹐馬步穩﹐唔會跌。

再看意外的主角﹐不少是上年紀的長者﹐是否適宜上上層﹐大家心照。仲要行車期間上落﹐真係當自己仲係十八廿二咩。

所以﹐樓梯本身不是問題。



至於直梯同曲梯﹐各有好處。

曲梯會較慳位﹐適合上落較少的長途線﹐可比直梯車裝多1-2排位(每層計)。

直梯的樓梯位較闊﹐適合流水線﹐特別是同一車站同時有人上落﹐可加快上落樓的時間。


巴士公司用那一款樓梯較好﹐其實都無一個標準答案的。

原帖由 NA4179x賢 於 2011-12-30 01:12 PM 發表
但我又認為入得低地台車就已經無左前軸幾個座位既優勢,即使換回曲梯幫助都唔會好多

好似係相差4個位﹐但我唔肯定。

有心人不妨找出新城12米長的e500﹐直梯及曲梯車的座位數目分別。

新城曲梯E500: 55 + 31 + 43
老九直梯 E500: 53 + 27 + 44

曲梯坐位多6個...

即係一程長途車有6個人少左機會罰企.

既然直梯車唔能夠提升乘客安全, 咁點解仲要買直梯車呢?