九巴兼職司機的駕駛經驗

退休師傅手車就分分鐘掂過現職司機
兼職司機就一個個啦

原帖由 hkptb 於 2012-1-12 00:01 發表


我可以話你知，科學園果個迴旋處用3ad的話，十次行十次都會倒車
果個迴旋處又細，用AD 都只是勉強扭得到
基本上用3AD 大部份都係85M柯打272S，行到果度都已經有稽查企定迴旋處準備協助車長倒車
果個迴旋處咁細扭唔到都唔係好大問題姐..而且人地都只是兼職，一天都渣唔夠五個鐘，唔面經驗係無現職的豐富，
九巴對兼職員工要求可能唔撞唔出事就得啦

完全無關係 , 渣過 1000 個鐘唔代表你手車好得過剩係渣過 100 個鐘既人
大把全職一日渣 10 個鐘有多手車都係亂七八糟 , 經驗無錯係要時間累積
但唔代表渣得耐 / 多就等於你手車好 , 渣得少就係手車差

唔係話識開快車先叫手車好 , 而係你 cut 線轉彎唔好左擺右擺 , 猶豫不決
落迫力埋站 chok 到成車人 up 一 up , 埋大站落客識得停前啲顧下後面仲
有幾部巴士埋站 ... 其實剩係做到呢幾點都唔係咁難姐 ? 但有幾多真係做得到 ?

今日先係 43X 蛇車遇到個渣到亂七八糟既 6 叔 , 佢唔係新入職既新仔
由佢新入職渣 81M 到而家都渣左一段時間 , 我當佢一日起碼渣到 8 個鐘
路面經驗都唔會太差喇 , 但我完全唔覺得佢「吸收」到咩路面經驗返黎
只係懷疑佢個牌到底點考返黎 ? 唔係講巴士牌 , 係車牌

原帖由 asvho 於 2012-1-12 23:26 發表

完全無關係 , 渣過 1000 個鐘唔代表你手車好得過剩係渣過 100 個鐘既人
大把全職一日渣 10 個鐘有多手車都係亂七八糟 , 經驗無錯係要時間累積
但唔代表渣得耐 / 多就等於你手車好 , 渣得少就係手車差

唔係話識開快 ...

你講既6叔會唔會係姓陸果個?

佢手車出晒名...

原帖由 edhong 於 2012-1-12 13:14 發表


以我所見有85M車長換架AVBWU做272S, 有後鏡應該唔洗稽查協助啦
科學園得1個稽查, 走左去倒車個站無人睇了 ~

全港嘅車都有後鏡啦,,咁齋睇後鏡倒是咪一定安全先 ?
同埋 compare 齋睇後鏡倒車同有人睇住後面幫手倒車,,邊樣安全啲 ?
又,,睇住個站緊要啲定確保倒車安全緊要啲 ?


再者公司亦都有出過通告講倒車時如有需要係應該揾其他同事幫手,,否則係不應倒車

原帖由 DGCNYO 於 2012-1-12 12:17 發表
以樓主想法，一定覺得有D經驗不足的人拼命沖先叫正常....

我只係想問下兼職車長本身既經驗係點，而問呢個問題既原因係我坐過好幾個
兼職車長既駕駛表現都係有少少問題。43P 果個例子我就係覺得佢手車本身
唔係太好，入迴旋處只係其一，其實我意思係話如果佢本身真係冇乜信心既就
唔應該咁急。

至於其他人提到駕駛經驗與表現既關係，我都清楚兩者冇關係既。