立法會討論新一代港鐵車站設計

講起洗手間﹐在地底車站要加建開放給公眾使用﹐事實上真係有難度﹐不是MTR唔想做﹐而是真係太多技術問題而做唔到。

其他地方車站有洗手間﹐而香港的沒有﹐是不可怪MTR的。
香港廿多三十年前所建的車站﹐當時設計根本沒有預計要洗手間﹐只求快速大量去運人﹐所以連傷健設施都沒有的﹐公用升降機也是近年所加建的。

其他地方﹐例如國內﹐都是近年所建﹐設計時間已經有洗手間﹐所以便沒有此煩惱。

在地底加建洗手間﹐其實最大問題係如何接駁排污渠﹐以及抽風通氣問題。
由於車站本身很多時是低過排污渠﹐所以便要利用集糞池﹐再用泵抽入排污渠。而集糞池是要按使用量去決定大細的﹐所以現有供職員用的洗手間﹐由於設計上是較少人用﹐相對集糞池便會細﹐如開放給公眾使用﹐便會谷爆﹐齊齊無得用。

即使﹐解決了排污及抽風問題﹐仲有一大難題﹐便是洗手間的位置。
以典型荃灣線的車站為例﹐車站大堂層(開放地區)﹐中央部份有樓梯等設置﹐沒有空間加洗手間﹐因為影響人流。而左右2則即使整走非收費區的通道也不行﹐原因對正下面便是路軌﹐處理唔到排污渠﹐會直接影響架空電纜。

下層月台﹐只有中間部份位置。可惜樓梯底早已另有用途﹐例如緊急消防設施﹐有空間的地方﹐早年已加建電梯﹐形成今天又是無足夠位置。

剩下的只有車站非開放的職員使用的地方﹐問題又係入面有車站設施及車站辦公室﹐難以作出開放使用。

所以﹐MTR 真的是有心而無力了。除非成個車站重建﹐否則真係神仙都難變。

原帖由 kei_hk 於 2012-1-12 23:18 發表
講起洗手間﹐在地底車站要加建開放給公眾使用﹐事實上真係有難度﹐不是MTR唔想做﹐而是真係太多技術問題而做唔到。

其他地方車站有洗手間﹐而香港的沒有﹐是不可怪MTR的。
香港廿多三十年前所建的車站﹐當時設計根本沒有預計要洗 ...

其實我都那係一句, 要做就一定做到, 睇下有無心吧...

那d 三十年前所建的車站﹐當時設計也根本沒有預計好似依家咁多舖lor,
亦無預計有幕門, 有客用升降機係中間....咪一樣, 依家樣樣都有...

無錯, 起洗手間工程上係有一定難度, 要解決一d 問題, 但係唔係mtr 真係
有心無力, 完全做唔到? 我唔相信lor

舊站加新出口, 整新隧道都整到, 加個地底廁所真係難到咁? 咩年代wor

真正困難, 其實係廁所要長期清潔/維修/保養, 長期的成本大, 而廁所亦唔能夠為
mtr 賺更多錢, 呢個理由的錢銀困難相信係mtr心目中, 比任何建設工程困難
更大吧...

p.s. mtr /部分人都好興講工程困難, 裝閘門前夠講d站 三十年前所建, d月台邊
一早無預計裝閘門, 會唔夠力, 什麼什麼困難, 依家咩情況, 大家都有眼睇吧,
要起, 會起唔到嗎?

[ 本帖最後由 3ASV196 於 2012-1-12 23:39 編輯 ]

Quarry Bay can also do, why not perform in those in ground floor stations first?

原帖由 3ASV196 於 2012-1-12 11:24 PM 發表


其實我都那係一句, 要做就一定做到, 睇下有無心吧...

那d 三十年前所建的車站﹐當時設計也根本沒有預計好似依家咁多舖lor,
亦無預計有幕門, 有客用升降機係中間....咪一樣, 依家樣樣都有...

無錯, 起洗手間工程上 ...

不如你先講下洗手間擺位在何處﹐而最煩的4大水管(1條淡水﹐1條淡污水﹐1條咸水﹐1條咸污水)﹐要點樣走線。

重點的要留意 :

1. 所有水管一般唔會藏在石屎屠中間﹐原因係怕滲漏﹐施工麻煩﹐以及怕塞喉要通渠。
2. 排污渠唔會放在同一層樓的天花板的﹐因為無水壓﹐加上地心吸力而唔可以向上走。但來水由於有水壓﹐水可以向上行﹐所以可以在同層天花板做走線。
3. 基於上述2點﹐排污喉便一定要向打下一層主意﹐在下一層天花做走線。如月台層的便要向地底開鑿一條通道﹐以便放喉管。
4. 不要打職員使用的地方﹐原因MTR都表明這些地方即使有空間﹐都唔夠大去做公眾洗手間。
5. 洗手間不能太細﹐無理由只有2-3格供人使用﹐要撥出位置都不易。簡單講﹐連同洗手盤﹐一間標準大堂店舖只可做到3-4格﹐即使這個規模OK﹐男女廁便要2間店的SIZE。
問題係﹐3-4格根本唔夠應付公眾人流﹐要長期排隊的﹐都係會比人話做得唔好。



而加建升降機﹐如果不是有無機房升降機面世﹐很大機會都無法加建。而加建升降機﹐相關難度少很多﹐只需鑿穿大堂層地面﹐月台層向下鑿電梯槽底﹐再拉電纜已經可以。而電纜是沒有限制走線方法﹐點行都可以﹐非常靈活的。

原帖由 qualcomm 於 2012-1-12 23:42 發表
Quarry Bay can also do, why not perform in those in ground floor stations first?

鰂魚涌站洗手間位於地面大堂，而該大堂本是開山而建的建築物。
究竟有幾多個好似鰂魚涌、牛頭角站又有位，又係地面？交留比大家思索一下。

[ 本帖最後由 dennis28a 於 2012-1-12 23:48 編輯 ]

如果細心留意上環站東大堂未啟用嘅指示牌，會發現大堂擴建完成後會有洗手間
上環站照計係地底，點解又可以加到呢？

P.S. 不過講返轉頭，港鐵都肯喺上環站整，證明都唔係完全無心搞嘅

原帖由 kei_hk 於 2012-1-12 23:46 發表


不如你先講下洗手間擺位在何處﹐而最煩的4大水管(1條淡水﹐1條淡污水﹐1條咸水﹐1條咸污水)﹐要點樣走線。

重點的要留意 :

1. 所有水管一般唔會藏在石屎屠中間﹐原因係怕滲漏﹐施工麻煩﹐以及怕塞喉要通渠。
2. 排污渠唔會放在同 ...

其實好簡單, 容許我反問一下先, 依家地底舊站整新出口, 點做?

係旁邊挖地, 整大d個站lor...

同樣, 如果唔夠位, 亦可以係現有車站旁邊一d 可行空間, 如行人路下面, 去加建
成為地鐵站一部分,係全新空間整一個地底廁所..既然係全新, 當然所有水管, 電等
都係新整, 新設計, 自然就無咩大問題....

中環附近, 一早都有地底廁所, 幾十年前都整到wor

當然每個車站去搵位, 要避開或轉移現有設施要d時間, 亦要d地政程序, 但好似加
升降機上路面/整新出口, 一樣jei....

其實quarry bay 站的廁所都唔係大, 亦唔係車站中間, 一樣ok, 根本公共廁所亦唔駛好大ga?
mtr本身都有例子吧....

其實我自己本身讀同做都係同工程有關, 我覺得唔好一黎講用工程困難講到完全唔可行般,
要做, 好多野都做到, 高鐵由無到有都起到, 荔景站咁樣都改到成個站, 加個廁所係唔係你
講到咁困難去到無可能般?

[ 本帖最後由 3ASV196 於 2012-1-13 00:06 編輯 ]

其實洗手間嘅問題, 根本就係睇港鐵有無心做, 已有的職員洗手間不是都在地底嗎?
可以為加建食肆或其他商鋪而加水管, 卻不能為新建洗手間加水管??
再者, 香港有唔少商場都會在地庫加建/改建洗手間, 唔通人地做到港鐵會做唔到
btw, 現時除了尖東, 柯士甸, 南昌, 荃灣西, 九龍之外, 仲有無其他站在地底有公用洗手間?

原帖由 martin2000 於 2012-1-13 00:06 發表
其實洗手間嘅問題, 根本就係睇港鐵有無心做, 已有的職員洗手間不是都在地底嗎?
可以為加建食肆或其他商鋪而加水管, 卻不能為新建洗手間加水管??
再者, 香港有唔少商場都會在地庫加建/改建洗手間, 唔通人地做到港鐵 ...

香港站都有

原帖由 martin2000 於 2012-1-13 00:06 發表
btw, 現時除了尖東, 柯士甸, 南昌, 荃灣西, 九龍之外, 仲有無其他站在地底有公用洗手間?

你講果D 係起站已經有設計埋喎