立法會討論新一代港鐵車站設計

原帖由 3ASV196 於 2012-1-12 20:01 發表


其實你講左咁多, 都係任何工程都需要做到的, 如政府同意, 工程之規劃, 業權問題,
而任何工程都有機會阻到人, 不過現今技術, 亦有好多方法可以減少阻礙...

真係想講, 請閣下唔好一黎放到咁大去睇先...加個廁所要" ...

我想問閣下其實有冇做過裝修呢一行?有冇試過落地盤或者做過改裝廁所既工程?

來水同煤,因為本身供應既時候係有壓力,而電亦冇方向既限制
所以呢d野要加要改,根本唔難,只要有位,上天下地並無不可

所以你提出既消防灑水,加升降機加出入口同加鋪,
其實只係加電加來水或者打通樓層.難度係絕對唔及整一條去水咁麻煩



但去水就唔同,因為佢冇壓力,所以pipe一定要有斜度,而且一定要向下走
呢個就係最難去解決既地方,地鐵站本身已經夠低,去水就更加需要往下走
咁即係話地鐵站加建廁所,唔用泵幾乎係唔可能解決問題

你用泵,但電費邊個找數?一個商業用既廁所用泵去泵走排污物,一年電費要幾多錢?
仲要係地鐵站呢d高流量高用量既地方?!
仲有維修呢?一個泵唔係話你裝好之後就可以永世無憂嫁...
仲有水電費呢?邊個去比呢d錢?咪又係星斗市民



你話要加個廁所,冇錯,要加一定加到,差別係個工程有幾大,有幾誇張,要洗幾多錢
就好似我地呢d三行佬遇到d唔合理既客都會咁同佢講:"你鐘意點改都得,成間拆左去再起過都得,最緊要你比得起錢!"



加集糞池及屎泵簡單既可以好簡單,但複雜既,真係可以好複雜
你如果用呢d例子:咁我都可以同所有巴士公司講叫佢地向巴士加廁所啦
人地d單層旅遊巴都有,你部雙層都做唔到,cut幾個位咪得囉
又或者遲d叫地鐵加返個餐卡好嗎?
你認為呢個要求又好合理?


我好贊成人類進步的根源, 就係解決困難,  
所以如果他朝有日,有人發明到唔用任何能源都可以反地心吸力既
我諗地鐵起廁所要用既錢最少可以減四份三

[ 本帖最後由 AV385 於 2012-1-13 00:18 編輯 ]

尖東及尖沙咀站是有封路幾年的﹐用明挖方式興建。而最後一段開通的﹐是在地底鑽挖方式﹐成本高很多。

封路路段是車流比較少的一段﹐以及局部封閉﹐仍保持車輛通過。

既然你講到難題不大﹐不如你先在荃灣線車站﹐抽1-2個車站﹐講出你建議加設洗手間的位置﹐我們再討論一下有任何難處要面對。

D渠位真係好麻煩, 係地底真係唔易攪~~~
反而想知, 而家邊D站有職員廁所係必要時開俾市民用?

[ 本帖最後由 hkbw 於 2012-1-13 16:29 編輯 ]

原帖由 hkbw 於 2012-1-13 04:25 PM 發表
D渠位真係好麻煩, 係地底真係唔易攪~~~
反而想知, 而家邊D站有職員廁所係必要時開俾市民用?

官方係講﹐有需要的乘客可找職員協助﹐但沒有任何通告等物品公告天下。所以﹐理論上每一個車站都會借洗手間。

不過﹐實情......... 自己估啦。

原帖由 kei_hk 於 2012-1-13 17:43 發表


官方係講﹐有需要的乘客可找職員協助﹐但沒有任何通告等物品公告天下。所以﹐理論上每一個車站都會借洗手間。

不過﹐實情......... 自己估啦。 ...

冇任何通告物品等公告天下?
唔知呢位板友搭過港鐵未既呢?

講番車站廁所, 其實好多時車站附近都有.. (真係一出都有果d)
如果港鐵唔加建既.. 係咪要諗下有咩解決方法呢?

好似俾張出閘飛俾個客.. 等佢用完廁所返來, 搵職員帶返去入閘..
都係可行既方法..

同埋乘客都有責任.. 其實真係要下下頂到最後一刻先去? 可唔可以搭車之前去一去先?
老實講.. 聽之前有位係港鐵做既朋友.. 其實好多借廁所既人.. 都唔係好有需要..
好多時都係懶搵居多.. (咁當然突然有需要 / 唔舒服既乘客.. 就冇問題啦..)..

講番.. 如果真係要起廁所.. 舊站真係比較麻煩..
除左喉管係其中一個比較大既問題.. 位置都係一個問題..
如果讀過相關科目既朋友會知.. 喉管真係唔係隨便可以起..
touch wood 冇啦啦有條喉管係大堂天花經過.. 有咩leakage都幾係野..

ps: 之前MTR係咪講過會係太子起廁所?

原帖由 AV385 於 2012-1-13 15:34 發表

我想問閣下其實有冇做過裝修呢一行?有冇試過落地盤或者做過改裝廁所既工程?

來水同煤,因為本身供應既時候係有壓力,而電亦冇方向既限制
所以呢d野要加要改,根本唔難,只要有位,上天下地並無不可

所以你提出既消防灑 ...

我前面都有講, 我自己都係呢行, 我當然有落過SITE, 亦知道grey water / black water
的設備, 如man-hole 等, 我當然知吧....

係有版友講到, 有錢有心都整唔到, 我先咁講...

我係#12一早都講mtr 考慮的, 係錢銀上, 多於工程上之可行性,
所以我同意你講, 要加一定加到...

而相對於其他工程, 加廁所對於mtr 黎講, 亦唔係好大數目吧...
議員係這方面, 亦是一直support

地鐵站加廁所, 相對於你最後講的一d"設備", 亦是相對合理吧?

[ 本帖最後由 3ASV196 於 2012-1-13 19:23 編輯 ]

原帖由 kei_hk 於 2012-1-13 16:03 發表
尖東及尖沙咀站是有封路幾年的﹐用明挖方式興建。而最後一段開通的﹐是在地底鑽挖方式﹐成本高很多。

封路路段是車流比較少的一段﹐以及局部封閉﹐仍保持車輛通過。

既然你講到難題不大﹐不如你先在荃灣線車站﹐抽1-2個車站﹐講出 ...

即使用明挖方式興建, 都有好多方法可以保持車輛通過, 包括局步做,
亦可以放鐵架保持車流, 依家西九都係咁...

而重點係廁所唔會好大, 影響範圍會較細.....

講到荃灣線車站﹐你叫我抽1-2個車站講, 咁問題係依家我同你都無各站圖則,
如果我就咁講到每個case, 我肯講你都唔好信la...

我只可以好概括咁講, 九龍d車站一般都係大馬路地底, 附近一般都有不少支路,
可以係支路下面做(可以行人路下/車路下), 會相對少d問題, 如果附近有公園/open
space, 當然是更好之選擇....而呢d都係假設地鐵站內完全無晒空間

如果地鐵站大堂本身仲有d空間, 個廁所可以一半係本身車站內, 一半係新空間,
咁明挖興建可以影響更少tim, 如果有足夠空間, 去加一d 廁所用之機房, 當然亦
可以唔駛影響出面tim

[ 本帖最後由 3ASV196 於 2012-1-13 19:24 編輯 ]

其實港鐵應該加強宣傳,如乘客有需要使用洗手間,
職員可以提供廁所俾人用,我相信咁樣D公眾條氣可能順D,
事實上有好多市民仲係唔知道有職員洗手間呢一樣野,
變相佢地認為急起上黎真係無地方去。

當然佢加建公眾廁所係治標方法,
不過如果無都可以係其他方面做好D,
例如宣傳在站內有需要去洗手間的途徑

原帖由 ccya965041 於 2012-1-14 10:56 發表
其實港鐵應該加強宣傳,如乘客有需要使用洗手間,
職員可以提供廁所俾人用,我相信咁樣D公眾條氣可能順D,
事實上有好多市民仲係唔知道有職員洗手間呢一樣野,
變相佢地認為急起上黎真係無地方去。

當然佢加建公眾廁所係 ...

如果加強宣傳借用職員洗手間, 咁可能會太多人借, 對員工來講好煩
我諗比較可行的短期方法, 係在出口指示上,
加上邊個出口有公眾廁所, 等乘客出閘後可以好容易咁搵到

p.s. 其實利用站外廁所都有個問題,
就係商場廁所的開放時間係短過港鐵服務時間, 而且一般乘客好難知道實際開放時間