[忍無可忍] 九巴 215x 班班頂閘唔清客

紅隧口係1960年代設計，無計啦。
除非刮走理工一忽同槍會山軍營一忽做改道啦。
今晚我見龍翔道西行近鑽石山一段都塞，近新年路面情況真係好難講。

我都試過在荷里活廣場等11，有架金豬來，我地搭佢，
出站時有架AV入站，到黃大仙警署架AV追上來私牌出馬頭涌道起載，
當日漆咸道北塞車，我架車都塞三四個字。

講到東九私返西九，
漆咸道，塞！
亞皆老街，塞！
太子道西，塞！
就算唔怕燒油，龍翔道都係塞！
就算唔怕畀隧道費，215X desperate到要私走過港島，東廊告士打道都係塞！
咁就不如跟返漆咸道算。

為乘客著想，最好當然係踢車出中途起載。
但九巴這個龐大的架構是否有這個靈活性？

九龍站簡直係巴士陷阱入去花時間多燈又兜又少客
繁時附近又塞到飛起
最好將條215x縮去中港碼頭
一轉行少15分鐘都得!

原帖由 DIH 於 2012-1-19 22:40 發表
紅隧口係1960年代設計，無計啦。
除非刮走理工一忽同槍會山軍營一忽做改道啦。

根本紅隧係得「太多車」同埋「漆咸道北攞你命彎位」兩個毒瘤姐
第二個問題本身解決方案都唔複雜：
1. 將漆咸道北快線改做「只準切出，不準切入」，焗紅磡既車經紅磡繞道、公主道連接路去加士居道天橋
2. 取消漆咸道北近POLY既三轉二，同時康莊道改做一線出口
3. 彎位果四條行車線，慢線入尖沙咀，二線改做只可直去，三線直去加士居道，四線上橋
4. 康莊道落漆咸道北既車輛，只可以向右CUT入第二條行車線去加士居道
5. 起一條天橋，o係康莊道北行直上公主道連接路，夾紅隧D車經公主道連接路果一條行車線入加士居道天橋
頭四樣都只係改下路面劃線，得返第五樣係大工程
位置咪同POLY借返少少位囉，反正果度D位好似都好無關痛癢
但改完之後，車流就唔洗打大交，對車流量會有好大幫助

原帖由 ~誰@359~ 於 2012-1-19 23:18 發表
根本紅隧係得「太多車」同埋「漆咸道北攞你命彎位」兩個毒瘤姐
第二個問題本身解決方案都唔複雜：
1. 將漆咸道北快線改做「只準切出，不準切入」，焗紅磡既車經紅磡繞道、公主道連接路去加士居道天橋
2. 取消漆咸道北近POL ...

配合埋加士居道天橋擴闊會更好，這個就好似已經研究緊。
我都覺得漆咸道西行橋底三線變二線好無謂，
紅隧出來的車又唔係多到要咁讓法，本身隧道口盞燈都會截一截。
我就真係唔知點解呢個政府最叻製造塞車。

原帖由 DIH 於 2012-1-19 23:29 發表

配合埋加士居道天橋擴闊會更好，這個就好似已經研究緊。
我都覺得漆咸道西行橋底三線變二線好無謂，
紅隧出來的車又唔係多到要咁讓法，本身隧道口盞燈都會截一截。
我就真係唔知點解呢個政府最叻製造塞車。 ...

但加士居道天橋比起「康莊道加條橋」係更大工程
仲要拆埋樓呢樣果樣咁，我會覺得首先可以考慮既係
將D車龍引導去其他地方，影響少D人，同埋將D塞車源頭消除
而我上面講果個concept就係想搞掂攞命彎位既問題…

原帖由 DIH 於 2012-1-19 23:29 發表

配合埋加士居道天橋擴闊會更好，這個就好似已經研究緊。
我都覺得漆咸道西行橋底三線變二線好無謂，
紅隧出來的車又唔係多到要咁讓法，本身隧道口盞燈都會截一截。
我就真係唔知點解呢個政府最叻製造塞車。 ...

咪就係！以前唔搞三轉二，呢個唔係最主要塞車源頭，如果封埋個路口，等D車用公主道衛理道，一定減少紅隧唔塞時漆咸道塞車機會！

原帖由 kei_hk 於 2012-1-19 11:52 發表
我都幾佩服樓主可以在此位等車等足1小時﹐仲可以在此等車。

比著我﹐老早坐其他車﹐或者上紅磡站坐mtr去九龍塘轉觀塘線。

其實前面都講左，如果我只係去觀塘，老早就搭 101，連 215x 個站都唔會行過去；
問題係：我最終係要靠 215x 個轉乘轉 98A 返將軍澳半山，焗搭。

最終我 7:20p.m. 上到 215x，轉埋 98A 返到康盛花園先係 7:55p.m.，實際車程連等一班 98A 只係 35 分鐘。

如果我等等下 215x，
走返去半島豪庭搭 15，唔好計行都要 15-20 分鐘，等車又疏過 215x，返觀塘車程起碼要 40 分鐘，
分分鐘同我等多半個鐘 215x 打個和，況且我之前最盡都只係試過等 9 個字第 6 班車先上到，
等左 1 個鐘頭 1 個字，第 8 架仲要吉車黎先上到我都係第 1 次。

其實行前一個站都得既，
不過又係啦，等左半個鐘，我又只係排第 10，點估到仲要等到有吉車黎先上到。
行上加連威老道都唔係真係近，等得幾班先行上去，又係好大機會一離隊就有車黎上得到。
世事成日就係咁，你死等就無車，一離隊佢就黎。